الدورات التأهيلية

[نجد ندو]

السلام عليكم ورحمة الله وبركاته
بالنسبة للدورات التأهيلية مو كفاية انها تكون بجدة لأنه بصراحه مكانها بعييييييييييييييييييييييد على الجميع وخاصة الطالبات ، واحنا بالأصل مسجلين بالجامعة ( يعني حي الجامعة ) تقريبا مواصلاتها متوفره للكل يعني مو معقول الواحد يدفع رسوم ومواصلات ممكن تكلفتها نص الرسوم وخاصه البنات صعب يروحوا مع سواقين ، وكما ن الانتساب صار في الجامعة محاضراتهم عن طريق السنترا،والله افضل من المشاوير ،والواحد مسجل انتساب عشان يكون متوفرله وقت لشغله وبيته وأشياء ثانيه بس الحين بنضيع الوقت بالروحه و الجيه على المحاضرات،واريح كمان لهيئة التدريس ،انا راسلت أكثر من مره عميد الكلية و الجامعة وبعض الأساتذه و الاستاذات بس ما حد رد عليَ حتى بالنظر بالموضوع،الي يقدر يتواصل مع أحد من الكليه يبلغه برغبتنا بكون أفضل\ولكم جزيل الشكر

[ro0o7 al_ro0o7]

بصراحه ما فهمت شي

[حسان السراقبي]

الدورات حتكون في جده زي ما هي إن شاء الله
كده قال عميد الكلية ومشرف شؤون الانتساب
فلا تشيلي هم الموضوع

بالتوفيق إن شاء الله

[ارامـ]

هذه نفس مشكلتي

بس حبيبتي اذا فهمتي ياريت تفهميني معاكي

احنا ما حناخذ الدورات على السنترا يعني لازم نروح ناخذها في الكلية

مافي نظام سنترا واذا لازم نروح فين حنروح

[sweet-lolo]

الأخت العزيزه تقصد ان يكون احسن في سنترا مثل السنه تحضيريه ...
صعبه علينا ان نروح الدورات وفوق هذا فيها مصاريف وسكن وسواق فصعبه عليها وعلى البنات الي خارج جده
والله انا اشووووف كلامها صحيح ..
انا اعتقدت انو حتكون سنترا ما حتكون دورات : (

يارب يحولها سنترا وما تكون دورات منجد مره صعبه علينا وبذات الي خارج جده ..
مصاريف الدوره التاهليه .. ومصاريف ايام الاختبااارت ؟

الله يكون بالعون

[شعووله المجنوونه]

صح بما انه باالجامعه المفروض بالجامعه بس الظاهر عشان انعزلت كليتنا بيعزلونآ عن العالم ..

الله يكتب لنآ اللى في صالحنا باذن الله

[RooNa1990]

انا من المدينة وما حـ احضرها :)
سنترا احسن بس انا الين دحين مني عارفه كيف استخدم السنترا دا xD

[نجد ندو]

انت قولي ان شاء الله تصير سنترا
واذا على استخدامه بسيط وما شاء الله طلاب و طالبات المنتدى مابقصروا