سؤال للي اتخرجوا تحضيري -السليمانية بنات

[maryam.n]

السلام عليكم

كل عام و انتم بخير بمناسبة قرب شهر البركة -رمضان

يا جماعة يارب تكون سنة خير علينا كلها نجاحات و تميز و ابداع
بس عندي سؤال
ابيكم ترشحون لي افضل الدكتورات اللي في السليمانية لخطة (ب)
طبعا دا السؤال لناس اللى توها طلعت من التحضيري

الله يخليكم لا تقروا الموضوع و تمشوا , اعملوا خير امتبوا اسم مو لازم شرح مفصل .

و ربنا يجزاكم الخير يارب :)

[دلع بذووق]

وعليكم السلام ورحمة الله وبركاته
وانتي بخير ي اختي
أفضل الدكتورات بخطة ب الكيمياء الدكتوره اكرام والاحصاء انا كنت عند أستاذة نهله وكانت ما شاء الله عليها كويسه
وبالتوفيق ي اختي ان شاء الله كمان البنات يفيدوكي...

[no0ona17]

اهلين بيكي و عليكم السلام و رحمة الله وبركاته
احب ابشرك انو السنه التحضيريه مهي ديك الصعوبه بس الي فيها غير انك تعتمدي على نفسك اكتر و انا كنت زيك السنه الي فاتت بدأت خطه ب المهم بالنسبه للدكاتره
اول شي الاحصاء انا درستني أ.ود << طيبه مره و شرحها حلو وهادئ وتعيد اذا تبي و تترجم الاشياء الي معانا كلها بس عشان اكون صريحه معاكي مرات كنت اروحلها اسألها عن مسائل في السكشن ما احس انها قد كدا بس صراحه المنهج كلو انا فهمتو مزبوط منها
و في أ.سماح << دي شيييي فظييييييييع ما شاالله ما شاا لله ادتنا سكشن و كانت شي لا يعلا عليه
و في أ.نهله << درست صاحبتي و تقول مررررره ممتازه
وفي أستاذه ما افتكر ايش اسمها بس هي رئيسة قسم الاحصاء اعتقد و برضو تدي 110 بس تقلي صاحبتي تشرح على وتيره وحده ما تحمس كتير بس تقول تفهم
و عموما الاحصاء اغلب الي يدو شطار مو زي الرياضيات ما كان الكل شاطر
و الكيميا :
أ. اكراام << يقولو مرره شاطره و حقتها االاسئلة لازم تزاكريها لازززم اسئله كتير نفس الفكره حق اسئلتها و تترجم الاشياء وتشرح بهدوء و يقولو احسن وحده في الكيميا
انا درستني أ.ليليى الحربي << مرررره طيبه ومرررررره تساعدنا و منجد تحاول تساعدك بكل الطرق و كانت تنزلنا ملخصات في المكتبه و انا بالنسبه ليا كنت اذاكر من البور بوينت حقها و بعض الاشياء من كتابي و اسئلة اكرام دانش طبعا, و الحمد لله مررره جبت علامات عاليه
و في دكاتره كنت اسمع انهم مهم كويسين بس انا ما اعرف صراحه عنهم لانهم ما درسوني فاحسن احد تاني يفيدك
و احياء :
انا كانت تدرسني أ.عواطف ومررره كويسه وتشرح تمام بس اساسا مو مهم الدكاتره كتير انا كنت اخد كلاس الاحياء كلاس استرخاء لانو كان قبلها احصاء وكيميا ويبالهم تركيز والاحياء كنت اجيب فطور و ادخل كلاس تقريبا متأخر و صراحه مالو داعي الكلاس كتير لانو كل اسئلتنا تست بانك كوبي باست بس احتمال على سنتكم يتغير النظام , يعني احياء لا تشيلي ابدا هم الدكتوره
و انجليزي كانو كل الي درسوني كويسين
و بالتوفيق ليكي و ان شا الله ميسره

[AM00NA]

وعليكم السلام والرحمه ..
وانتي بخير وعافيه ياعسسل ..
انتي راح تتوهين معانا لان كل بنوته بتقول الاستاذه
اللي ناسبتها ..
بالنسبة للاحصاء..
انا كنت عند استاذه شفياء بصراحه نووووم هي صوتها واطي
ومره هاديه وعسسسسوله وتساعد بس انا مره مافهمت معها ..
حوولت عند استاذه عبير ماشاءالله عليها مبدعه و تعيييييد وتزييييد حتى تفهمين
وفي كل كلاس تراجع اللي اخذناه الكلاس اللي قبله يعني تثبت المعلومة غصب ..

الكيمياء..
كنت عند دكتورة والله نسيت اسمها... تعرفي الذاكره الله المستعان بس
بس هي كبيييييييييره في السن ومره طيبه وفجأه تلاقيها تقول رقم جوالها
تقول اذا طلعتوا من الاختبار طمنوني ربي يسسعدها
بس ع الشرح اعطيها 6من 10
و ماتحب احد يسألها وهي تشرح 
اذا اتذكرت اسمها بجي اقولك 


نجي بالنسبه للاحياء..
الماده هاذي مو مشكله الاستاذه تعرف تشرح خير وبركه
ماتعرف ماعندك اي مشكله ولا تقلقي ..
لان الماده هاذي فيها تست بانك احفظيه مضبووط وفالك ال100
انا كنت عند دكتورة ناهد صوتها مره عالي وتقرأ من السلايدات
وتقريباً اغلبهم كذا سلايدات ويقرأوا منها وانتهى الموضوع ..

وووبس ياعسسل ربي يووفقك
واي خدمه سؤال احنا موجودين ..

[hadeel a]

عجبتني كلمة للي أتخرجوا تحضيري حسستينا أننا عملنا انجاز احنا دايما تقول خلصنا تحضيري بس أتخرجنا دي جديده
البنات ماشاء الله أفدوكي بس أنا لازم كمان أعطيكي رأي .
أحصاء :دي الماده كل اللي بيشرحوها بالسلمانيه كويسات و ادا ما فهمتي شوفي ملخصات أ.جمال السعدي بالاضافه انك تداكري من الكتاب الأشياء قالتها الدكتوره بالمحاضره .
كيمياء : د.اكرام بأسمع أنها كويسه بس ماترضى أحد ينقل لشعبتها بس د.ليلى الحربي الله يسعدها تسمح و مرره كويسه و شرحها حلو وبأسمع أن في د.فوزيه البلوي يقولو كمان كويسه .
و ادا ما عجبك شرح دكتورتك فمن البدايه حاولي تحولي أنك تكلمي دكتوره تانيه و بعدين ارجعي و كلمي دكتورتك و ادا ما قدرتي تحولي فلا تتحطمي لأن أنا شفت الدراسه في التحضيري بتعتمد عليكي يعني أنت تقدري تعوضي النقص بالمداكره و الملخصات و تحلي نماذج كتيره و ادا ما فهمتي شي ممكن تروحي لمدرسه خصوصي او تسألي أي دكتوره في ساعاتها المكتبيه .

[my Sunshine]

وعليكم السلام ورحمته الله وبركاته ..

بالنسبة لخطة ب عندك في الكيمياء د. سناء الطيب ابدا لا تروحيلها انصحك
شرحها واسلوبها مع الطالبات سيء جدا للاسف انا كنت عندها فقعت قلبي ..
بس اللي معروف اكرام دانش شرحها كويس

والاحصاء عندك استاذة نهلة رهيييبة شرحها وتعاملها مع البنات رائع جدا الله يسعدها يارب
وكمان أ. عبير يقولوا كويسة

والاحياء طبعا مايفرق كلو حيكون دش مافي شرح بس اذا تبغي وحدة ماتهتم
وماتتعبك في المحاضرة عندك د. فريال هادي لو انتي قدامها تحلي واجب الانجلش مايهمها

وبس :) وطبعا دا رأيي الشخصي يعني ممكن في احد يختلف رأيه عني
بس سبحان الله كل انسان يرتاح مع استاذة

واكبر نصيحة ممكن اديكي هية اول ماتحسي انك حتضيعي مع الاستاذة دي
وما حتقدري تحولي لاستاذة احسن انصحك وبشدة تروحي لاستاذة خصوصية
انا مرررة ندمت اني ما رحت لوحدة في الرياضيات بس يلا الحمد لله اتعلمت
وفي الترم التاني رحت لوحدة عشان الكيمياء

[AM00NA]

آسم الدكتورة اللي كنت نآسيته تهآني الزيات ^_^

[حلا الحلوه]

اهلين يَ عسل

بالنسبة للاستاذات

شوفي الكيمياء عندك استاذة فوزية البلوي ممتازه جداً وانصحك تروحي عندها توصل المعلومه بطريقة حلوه وسهله ،، في استاذة اسمها تهاني الزيات << كنت عندها وحولت لـ فوزية مررره لا شرحها مو حلوه وتطول الهرجه وهي قصيرة نصيحة لا تروحي لها واذا كنتي عندها حولي على طوول لا تقول اشوفها << كأنك طولتي الهرجه وهي قصيره يَ حلا

احصاء انا كنت عند استاذة شفياء حلو شرحها بس مشكلتها صوتها واطي حاولي تجلسي في الصفوف الاولى ( مادة الاحصاء مررره حلللوه وممتعه وسهللله لا تسمعي كلام الي يقولك صعبه وركزي ع نماذج الاسئلة السابقه طبعا بعد ما تخلصي مذاكرة )

احياء تست بامك وانتهى ما يحتاج استاذة

بالتوفييييق ونشوفك ان شاء الله في اعلى وافضل التخصصات^_^

[فراولة حمراء]

وعليكم السلام ~

احصاء > أ.نهلة و أ.سماح

كيمياء > د.اكرام دانش

(أبدا ما أنصحك بدكتورة تهاني الزيات)

أحياء > من جد مررره مايفرق الشرح كل اللي عليكي

تزاكري التست بانك بس مدري لو حيغيروا النظام دا على دفعتكم ولا لا ..

وبالتوفيق ياقلبي ~

[الجنة الحصينة]

^
بنط عليكم بسؤال ومعليش ي صاحبة الموضوع :d

الإنجليزي كيف عديتوا منو , هل وآجهتكم صعوبة مرا فيه , خصوصاا للبنات اللي مثلي , في الإنجليزي مش ولآ بد :d

ومبآرك علينا وعليكم الشهر , وكل عام ونتوا بخيير : )