أودع طلاب وطالبات جامعتي العزيزة

[بلسم المشاعر]

بسم الله الرحمن الرحيم
السلام عليكم ورحمة الله وبركاته >> كيفكم طيبين
أولا احب أن اتقدم بالشكر لجامعتي العزيزة لأنها علمتني الصبر والارادة وقوة التحمل في مواجهة العقبات واكتسبت مهارة الدراسة باللغة الانجليزية وبعض المصطلحات لذلك لن اعتبر هي سنة ضاعت من عمري بل اعتبرها مرحلة مهمة لاكتساب المهارات الجميلة في المرحلة الجامعية

وايضا اشكر كل صديقاتي على كل شىء جميل >> واتمنى لهم حظ اوفر

واشكر اعضاء المنتدى الجميل بصراحة كنتم متعاونين مرررررة انا اول مرة اشوف منتدى بهذا الشكل ماشاء الله >> الله يحفظكم

انا حبايبي قبلت في كلية العلوم في الفيصلية بس انا حابة مجال من مجالات الصحة لذلك قدمت على كلية الغد ( طب طوارىء ) الحمد لله صرت بين اهلي في المدينة المنورة ودراسة طب الطوارىء 5 سنوات واصير اخصائية واكمل دراسات عليا ماجستير ودكتوراه واخدم وطني واسافر برا واكمل دراسات

واخيرا اتمنى لكم طيب الاقامة في جامعة عزوز

وطلب اخير منكم >> اتمنى تسااامحوني من كل قلبكم

بلسم المشاعر

[Dr.Passed]

لأ يا كونديشينر لاتروحي xD ما اعرفك بس دايما اشوفك هنا عشان كده حتوحشيني

الله يوفقك في تخصصك ترى طب الطوارئ مره شي يحمس...كلي يوم تشوفي مصايب يالطيف جديده...كلي يوم كلي دقيقه تشوفي العالم ايش بيسير فيها...تاخدي خبرات في اليوم الواحد ماشاء الله قدي ايه كترها يعني محتطفشي....الله يوفقك ويسعدك

[AM00NA]

ربي يوفقك ويسسعدك ..
حلو انك ماتخليتي عن طموحك وحققتيه ..
وطب الطوارئ احسه حلوو فيه اكشن

[بلسم المشاعر]

شكرا لكم جميعا وانا كمان ما اعرفكم بس برضو رح توحشوني بس ان شاء الله بعد كل فترة افتح المنتدى واطمن عنكم >> الله يوفقكم

[hadeel a]

الله يسعدك يا رب و يوفقك و يعطيكي حتى يرضيكي .
تعرفي فيكي حاجه مرره حلوه و مميزه .. بالرغم أنك ما أخدتي اللي تبغي من الجامعه ما عصبتي و جلستي تذمي في الجامعه من جد هدا الشي ما يدل غير أنك من جد وحده عاقله .
و لا تنسي كل فتره تطمنينا عنك .

[بلسم المشاعر]

المشاركة الأصلية كتبت بواسطة hadeel a الله يسعدك يا رب و يوفقك و يعطيكي حتى يرضيكي . تعرفي فيكي حاجه مرره حلوه و مميزه .. بالرغم أنك ما أخدتي اللي تبغي من الجامعه ما عصبتي و جلستي تذمي في الجامعه من جد هدا الشي ما يدل غير أنك من جد وحده عاقله . و لا تنسي كل فتره تطمنينا عنك .

شكرا هذا كل من ذوقك ربي يوفقك

[Eng.SouL]

وحدة تقولك شي يحمس تشوفي مصايب والثانية تقول تحس فيه أكشن
شكلكم كنتم تشوفون er كثير


بالتوفيق أختي ..

[بلسم المشاعر]

المشاركة الأصلية كتبت بواسطة eng.soul وحدة تقولك شي يحمس تشوفي مصايب والثانية تقول تحس فيه أكشن شكلكم كنتم تشوفون er كثير بالتوفيق أختي ..

هههه من جد حمسوني مررررررة شكلي بتفرج زيهم ومنكم نستفيد

شكرا اخي ربي يوفقك

[بنت الضحى]

موفقة إن شاء الله ،، محد يدري فين الخير غير ربنا

بس عندي سؤال مو طب طوارئ يكون بعد دراسة الطب البشري (العام) ،،كيف 5 سنوات بس ؟

[ŻŌŻξ]

الله يوفقك و يخضر دربك و يجعل لك بكل خطوة سلاامـه يارب

..||