احس اننا نلعب كراسي خخخخ

[iManayel]

السلاااام عليكم





"استبعدت لإنتهاء عدد المقاعد المتاحة للرغبة"






ما ينفع اجيب كرسي من بيتنا طيب؟

فيه بلاستيك وحديد وخشب

اجيب كنبة كمان يصير انا و5 غيري نلاقي مكان

وربي لمن شفت السطر دا

حسيت نفسنا نلعب لعبة كراسي

ندوووووووووووور ونجلس ونشيل كرسي ومبروك للي لحق كرسي

وربي قهر دحين حاسب و ادارة يتقارنو بالاقتصاد المنزلي؟؟

لو نسبتي ما تسمح اني ادخل القسم بتقبل الشي دا برحابة صدر وابتساامة

لكن لا يوجد كراسي!!!!!!!!!!

صدمة ... ولازلت في صدمة

يارب اكتبلنا الخير في جميع امورنا وييسرها لها ووفقنا لما تحبه وترضاه..

امين يارب.. :)

[جنــ أمي ــون]

" اي والله انك صادقه "
انا مثلك للحين مصدومه * ابي حاسب *
وحاطيلي " فنون وتصاميم " هيا بالله يقارن بالحاسب ,, مستحيل

وسالفه المقاعد ماهي داخله مخي يعني لو وحده من الصيفي تبى حاسب

تجيب معاها كرسيها مثثلا ولا برا الجامعه ....

[hadeel a]

الله يهون عليكم يا رب
و شدو حيلكم و ان شاء الله تقدرو تحولو حاسب
و ترا للعلمي في أقسام حلوة في الاقتصاد المنزلي زي تصميم بناء داخلي بصراحة أنا مرره كان عاجبني و فكرت أدخله بس ماما الله يهديها قلتلي أنا عمري ما شفتك ترتبي البيت كيف تبي تزبطي بيوت الناس
و ضحكتني حكاية الكراسي
و موفقين يا حلوات و لا تزعلو إن شاء الله تكون خير

[هدوء الاحساس]

حبيتو دا الكرسي هههههه

عسى ان تكرهو شيئا وهو خيرا لكم

في الجامعه يحددو كل تخصص والكراس المتاحه له يعني ما يقدر

القسم يستوعب اكتر من كدا عشان ما يصير في تكدس ومن دي الاشياء

وطبعا يتم تحديد الكراسي لمعايير هم

يضعوها

الله يوفقنا اجمعين

تحياتي

[بيو كيميائية ^_^]

أنتوا أول دفعة يطلع لها كذا

بس صراحة قهر الواحد محقق الشروط ويرفض عشان كرسي

الله يكتب لك الخير

[SoOoma~]

طييب ذحين الي عندهاا صيفي وتببغاا حاسب مثلا
ما حيقبلوهاا لانو اكتفوو
ولا مسيبين كرراسي على جنب للي عندهم صيفي

[ملاك الورد]

والصيفي ان ششاء الله بيجيبو كراسي من بيتهم مثلا!!!‏

[رنيم سليمان]

المشاركة الأصلية كتبت بواسطة soooma~ طييب ذحين الي عندهاا صيفي وتببغاا حاسب مثلا ما حيقبلوهاا لانو اكتفوو ولا مسيبين كرراسي على جنب للي عندهم صيفي

قد ذكر العميد في موضوعه ورده السابق

بأنهم وضعوا مقاعد شاغره لطالبات الصيفي بحيث إن حققوا المطلوب لرغباتِهم تمكنوا من دخول هذا التخصص

مثلهم مثل الطالبات النَاجحات .

[فتوووح]

ههههههههههههههههههههههههههههههههههه كرسي ها

طيب انا بجبلهم كراسي البيت كلهم

[حنو123]

والله شيء يقهر

لكن الله بعوضك خير