غــــاسل كـفــي من (مصافحة) بعض اليدين...

[ابو رابح]

غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد

وشايف ٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد

وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد

ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد

وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد

اشهد أن خيـر المـدارس تجـارب الأولين
واشهد ان راي التجارب هو الـراي السديـد

واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد

وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد

القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد

انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد

في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد

اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد

لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد

شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد

مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد

افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد

الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد

عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد

صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد


محمد بن فطيس

[سنفورة موت]

يالله يااخوي الابياات هذي احبها

ربي يسعدك ويحميك

مبروك الشعار والله تستاهله ابا عن جد <اخلصي

..شكرا من الاعماق

خيتك ^_*

[دارس1431]

هلا بخوي ابو رابح ^^

جميل ابن فطيس ماشاء الله علية ^^

صح لسانة وصحت اناملك على النقل ياخوي ابو رابح ^^
حلو الصورة الرمزية ^^

تحيتي

[وفاء جدة]

أبيات جميلة جدآ ..
شكرآ لك لنقل هذا الابدآآآآع..
والله يعطيك العافية

[ابو رابح]

المشاركة الأصلية كتبت بواسطة سنفورة موت يالله يااخوي الابياات هذي احبها ربي يسعدك ويحميك مبروك الشعار والله تستاهله ابا عن جد <اخلصي ..شكرا من الاعماق خيتك ^_*

الله يسعد الجميع ويحميه

الله يبارك فيك ومبروك لك ايضا الشعار سنفوره ههههههه وخذي راحتك

العفو ماعملنا شي

شاكر لك مرورك

المشاركة الأصلية كتبت بواسطة دارس1431 هلا بخوي ابو رابح ^^ جميل ابن فطيس ماشاء الله علية ^^ صح لسانة وصحت اناملك على النقل ياخوي ابو رابح ^^ حلو الصورة الرمزية ^^ تحيتي

هلا فيك

الاجمل مرورك حبيب قلبي
صح بدنك وسلمت على المرور والتعليق :)

تحيتي

المشاركة الأصلية كتبت بواسطة وفاء جدة أبيات جميلة جدآ .. شكرآ لك لنقل هذا الابدآآآآع.. والله يعطيك العافية

العفو ماعملنا شي

وشاكر مرورك الجميل


تحيتي ابو رابح

[موت اهواك]

.. هلا هلا ..

.. يازين هالابيااات تعجبنـــي ..

.. مشــآء الله عليكـ ذوووقكـ رااائع في الانتقــآء ..

.. يعطــــيكـ الــف عااافيـــــــــــــــة ..

.. دمتـ ..

[ابو رابح]

المشاركة الأصلية كتبت بواسطة موت اهواك .. هلا هلا .. .. يازين هالابيااات تعجبنـــي .. .. مشــآء الله عليكـ ذوووقكـ رااائع في الانتقــآء .. .. يعطــــيكـ الــف عااافيـــــــــــــــة .. .. دمتـ ..

أهلين والله برامي

ويازين مرورك المنور وهذا من ذوقك حبيب قلبي

الله يعافيك حبيب قلبي ويسلمك

شاكر لك مرورك

[عبدالله الAL-HARBIحربي]

تسلم يمينك

وصح ابن فطيس

[عروقي شماليه]

قسسسم إن فطيس في كفه وباقي الشعراء في كفه,,


المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد

هذا البيت وقفت عنده كثير ,,,
شاااٌعر كلماااٌته راقيه ..

من كثر مأ أسسمع قصايده حفظتها :)

سلمت يمينك على النقل الراقي..

[ابو رابح]

المشاركة الأصلية كتبت بواسطة عبدالله الal-harbiحربي تسلم يمينك وصح ابن فطيس

الله يسلمك ومشكور على المرور

المشاركة الأصلية كتبت بواسطة عروقي شماليه قسسسم إن فطيس في كفه وباقي الشعراء في كفه,, المواقـف تشخـل النـاس والطيّـب يبـيـن كل عـام يطيـح تسعـه ويصفـا لـي وحيـد هذا البيت وقفت عنده كثير ,,, شاااٌعر كلماااٌته راقيه .. من كثر مأ أسسمع قصايده حفظتها :) سلمت يمينك على النقل الراقي..

الله يسلمك ويخليك والله يعطيك العافيه على المرور