مجرد نصيحه لمن يريد الراحه ,,

[Amo0ol-92]

السلام عليكم ورحمة الله وبركاته
أخواني وأخواتي طلاب التحضيري كلامي لا يعتبر جديد أو من عالم آخر إنما هو تكرار للتذكير ومحاولة التخفيف على الجميع
عارفه أن أكثر موضوع يشغل بالكم في هذي الفتره هو التسكين وأنا زيكم كمان لكن أحب انصحكم يمكن بعد التسكين نتجه لإجازتنا اللي ضاع نصها انتظار ومانتقابل وكل واحد يروح مع همه لكن اللي ودي أقوله لكم إنو كل واحد لازم يقول كل مايفكر في موضوع التسكين (اللهم برحمتك استغيث فأصلح لي شأني كله ولا تكلني إلى نفسي طرفة عين ) بنية الشي اللي يتمناه وربنا واسع الرحمه وهو القادر على تدبير الأمور لأن والله لو كل واحد يطلع على قدره راح يختار لنفسه مااختاره له الله قبل أن يولد
ثاني شي ماأبغى أي أحد يتحطم أو يحس بالإحباط لو ماطلعله الشي اللي يبيه يعني لازم نرضى بالقضاء والقدر وأي مكان نتواجد فيه مطلوب مننا الإخلاص والأداء الجيد يعني شدو حيلكم في أي كليه حتى لو ماكنتم تتمنوها وحاولوا تتخرجوا بمعدل مرتفع عشان على الأقل نلاقي وظايف مو كمان ندخل تخصات مانبغاها وبعدين نجلس زي الحلوين في البيت
ثالث شي والله إن ودي أشوف كل واحد فيكم وين مايتمنى وربي لما أقرأ مواضيعكم أجلس ادعي ربي مايخيب أمل أحد فيكم ,,
رابع شي يارب ماأكون ثقلت عليكم بكلامي بس أحب اريحكم وأقول ان الدنيا ماوقفت على تخصص كنتم تبونه وماصار لكم