محتآجه مساعدتكم وربي <~ =(

آم رزآن · #1 11-01-2009, 11:06 PM

السلام عليكم

كيفكم .

لو سمحتوا طلب صغير بالنسبه لكم بس بالنسبه لي كبير والله كبير ..
انا اعاني الآم في اسناني ودايما لثتي تلتهب عليه وربي العالم وحده في معاناتي ...
كنت اراجع دكتوره اسنان في البدايه حسيت بتحسن كبييير وبعدين رجعت اخس من اول
ماادري ليه شغلها خرب كذا فجأه . تركتها ونصحوني اراجع دكاتره غيرها ..
وكل مارحت لهم ..
انصدم
لا شغل زي الاوادم وقرف فوق ماتتصوروا .. ويدهم ثقيله وانا لثتي حساسه من اي شيء توجعني .. وغير كذا موسوسة نظافه ..
طلبي منكم ..
الله يسعدكم اكيد كل واحد/ه يزور دكتوره معينه ..
ابغى ارقامهم وعناوينهم واسعارهم تكون كويسه يعني مناسبه ..
وربي ماتدرون قد ايش نفسيتي تعبانه من دا الموضوع ..!
في مامعناه " من فرج عن مسلم كربه ,فرج الله عنه كربه من كرب يوم القيامه "
وربي وربي محتاجتكم ..
وصدقوني مابنساكم من دٌعائي ..
اختكم : ام رزان

فراوله2009 · 12-01-2009, 04:43 AM

الله يساعدك حبيبتي انتي من فين انا من تبوك اقدرادلك على دكاتره كويسين ممكن اعرفك اكثر لني مثلك نفس المستوى0

فراوله2009 · 12-01-2009, 04:49 AM

رحت قوقل وسويت بحث عن الام الاسنان تمضغي اوراق نعناع طازجه 3مرات باليوم او تحطي بقطنه زيت قرنفل من الصيدليه على موضع الالم0وماتشوفي شر0لاتنسي تقرئي عليها ايات من القران0

| •_• | ḎồỢốḏξ · 12-01-2009, 04:49 AM

ماعندي خلفيه والله ...

الله يكون بعونك ويخفف عنك يارب

شطه · 12-01-2009, 07:50 AM

سلامتك جربي المسواك داومى عليه والله يقوى اللثه

وينظف الاسنان ويقتل البكتريا سبحان الله ويخلى ريحة فمك تجنننننننننننن

فتفوتة سكر · 12-01-2009, 10:39 AM

سلامتك ام رزان
الله يسلم اسنانك ويريحك من هالمعاناه

في ايا مدينه انتي عشان اخبرك لو بعرف

M!SS · 12-01-2009, 04:16 PM

اللهُم عَجٍل بـ شفآءهآ
سلآمتك والله وسلآمة لثتك ..
بس زيي مآقآلوآ اللي فوقي .. انتي من اي مدينهـ وابشري بكل خير ..

بنآت لآتنسوهآ من دٌعآئكمُ ..

me 4 islam · 12-01-2009, 04:41 PM

في جدة

عيادات سمايا مرررة شغلهم جيد وحاجة نظيقة

وكمان المدار شغلهم حلو في التقويم

ربي يشفيكي وماتشوفي شر

آم رزآن · 12-01-2009, 09:37 PM

مشكووورين والله هذا عشمي فيكمٌ
انا من اهل جده وساكنه في الشمال

في جدة

عيادات سمايا مرررة شغلهم جيد وحاجة نظيقة

وكمان المدار شغلهم حلو في التقويم

ربي يشفيكي وماتشوفي شر

آمين يارب ..
بس ابغى وحده ماتكون مره غاليه سمعت انو المدار غاليين لكن سمايا اول مره ادري عنه
مشكوره ياعسلز
واستنى البنات الباقين <- املي فيكم كبير

R-Kh · 12-01-2009, 10:16 PM

عيادات الاسنان في مستشفى الدكتور سليمان فقيه
كلهم ماشاء الله عليهم
بس دكتور نسيت اسمو بس لقبو تمساح
دا اشردي منو
مره شرير وماحبيتو
لكن اي احد غيروهناك انصحك بيه
لكن افضلهم دكتور هشام بطاوي
انا عملت عملية اسنان عندو
مره شاطر ويدو مرررره خفيفة ماشاء الله
بس دحين خلوه بس للاطفال
ومره زحمة عليه والمواعيد بعد شهور
وفي واحد اردني نسيت اسمو
اتوقع عبدالفتاح
مره كويس كمان
رحتلو كم مره
..
وفي دكتور موفق
في عيادات الخزيم
في شارع صاري
مرررررره كويس
لابعد حد
والابرة عندو زي الهوا ماتحسي بيها
واسعارو مره كويسة
ممكن ارسلك رقم العيادة على الخاص
وتاخدي موعد معاه وان شاء الله يعجبك
بس من جد كل مين راحلو مدح فيه
...
الله يشفيكِ وماتشوفي شر
..
:)

محتآجه مساعدتكم وربي <~ =(

منـــتـــدى لــــــهــــــا