كيف يقضي طالب التحضيري إجازته ..!!!

[sultanooh]

السلام عليكم ورحمة الله وبركاته

الإجازة بدأت وكانت حلووة لكن للأسف عدت بسرعة ومابقي من الإجازة غير 78 يوم

وطبعا شهر رمضان شهر عبادة وراحة مو شهر شغل ودورات صيفية

يعني ننقص رمضان من الإجازة يصير باقي 48 وتنتهي الإجازة ..!!

فما هو أفضل شيء ليقضي طالب التحضيري ال48 يوم بشيء مفيد ؟؟

طبعاً إنجليزي كنت بأخذ دورة لكن ما أتحمل لأني طفشت من الجامعه يومياً 4 ساعات انجليزي صرت اكره شيء اسمه انجليزي

فـــ وش فيه شيء مفيد غير الإنجليزي يفيدنا في حياتنا الجامعية لكي نتعلمه في ال 48 يوم..؟؟

[mo3tz_bam]

والله مع القلق حق الدرجات اول و دحين القلق حق نتايج التسكين
طول ما احنا فاضيين بالنا محا ينشغل الا في الجامعة
انا بالنسبة ليا مراا قرفااان من الجامعة ف مستحييل حدخل اي حاجا فيها علم ههههههه
لا دورات ولا اي حاجا تانيا
و عشان ماجلس افكر في الجامعة مابجلس في البيت كثيير
و اذا جلست يا عالجوال يا افلام يا مسلسلات
لأنو دحين موسم الافتاء كل شويتين تشوف واحد شاف نفسو فاضي
قام نزل موضوع 5% منو صح و الباقي افتاء

[شهوده ..~]

اممممم انا عن نفسي كبنت .. بشتغل اشغال يدويه ^^
اقضي فيها وقتي , بطلع , بحاول انبسط لانو التخصص بيكون مافي وقت هع

ممكن تقرا كتب , تتطوع في حاجات " مفيده "
شوف انت ايش تحب وماكان عندك وقت تسويه وقت الدراسه وسويه ^_^

[ُزمرد]

وَ عليكم السلام ورحمه الله تعالى وبركاتة

عن نفسي اجازتي ما بدأت ولا ح تبدأ لين اعرف تخصصي ..

وعموماً إجازتي كلها ب قضيهآ ف النوم والاكل xD < الشيئين اللي كنت طول السنة محرومة منهم

على كل ٍ اجازة مُملة نصها راحت ف حرقة أعصاب ..

[بنت الضحى]

وعليكم السلام ورحمة الله وبركاته
احفظ قرآن و اذكر الله و العب كورة (العب كورة مو تابعها) ^_^

[Qotaiba HBK]

فـــ وش فيه شيء مفيد غير الإنجليزي يفيدنا في حياتنا الجامعية لكي نتعلمه في ال 48 يوم..؟؟

بالنسبة لي .. النوم


..

بالنسبة لك .. ما أقدر أقولك إلا اذا فاز الإتي

[ShiQ]

السفر الى شرم الشيــــــــخ استرخي في دي الاجاازه وانبسط قد ماتقدر لانو بعد كدا حيكوون كرف غير طبيعي xD

[The last word]

- عمل تطوعي ..
- توااصل كل أقاربكـ ..
- تراجع أو تحفظ قرآن حتى لو بس جزء بسيط ..
- تستفل وتخرج كل الدجة مع الشباب ..
- لا تخلي مكان ما تروحه ولا مطعم ما تزوره ..
- -القراءة ثم القراءة ثم القراءة

[rano00nah]

اجآزتي بدأت من زمآآن . . الحمد لله حلوآ ^^"

+ الاجآزا الأحلى و السفر برآ في رمضآن ان شا الله < احنآ عكس النآس خخخخ

xD

أتمنى لك يآ سلطآن اجآزهـ ممتعهـ p=

[* رولا *]

أشغال يدوية
مراجعة القرآن وأفضل شيء التسجيل في تحفيظ
القراءة وأنوي إن شاء الله إذا تحدد لي التخصص أن أطلع على كتبه