عسكري في حيره

[وحيد الاسى]

السلام عليكم
احب أمسي عليكم واقول مساء الخير عساكم بالقوة
انا واعوذ بالله من كلمة انا اعمل مهندس طيران ولي 14 سنة في الخدمة العسكرية ودخلت لاكمال دراستي لتطوير ذاتي
وعشقي بالادارة العامه مسار ادارة خدمات صحة ومستشفيات
سؤالي هل اطلب تقعد مؤبكر واذهب للعمل في اي مستشفى
ارجو مشاركتي لتوجيهي

[ابو ريان 126]

ياخوي اذا تقاعدت تقاعد مبكر ما تقدر تتوظف وظيفه حكوميه ثانيه
يعني ما معك الا تعاقد او شركات او مستشفيات خاصه حسب تخصصك

[عـالي مستواه]

ما عندي فكرة أخوي

بسي عساني أرفع لك الموضوع وأصيغ لك الأسئلة ..

تعرف كم سن التقاعد المبكر في العسكرية أو لازم تستقيل ؟؟

هل تضمن وظيفة المستشفى ؟؟ وإذا توظفت فيها ... العقود ..هل هي آمنة وظيفيا ؟ وأفضل راتب ؟؟

جاول على الأسئلة هذه وإن شاء الله يجيك من يعطيك من خبرته

[لورآآآآنس]

اذا تقاعدت تقاعد مبكر مايسمح لك بأي وظيفة حكومية .. ماعدا القطاع الخاص ممكن تعمل فيه ..
اذا كانت ظروفك المادية والاسرية تمام وماعندك أي حواجز تمنعك أفصل وواصل طموحك ..
بالتوفيق ..

[مشعل العجمي]

بدري على الكلام هذا

إن شاء الله اذا تخرجت من الجامعة قدم على وظيفه

واذا انقبلت لا تقدم تقاعد قدم انهاء خدمات يعني فصل

اعرف ناس عسكريين بعد ما انقبلوا في التعليم فصلوا

بالتوفيق

[لورآآآآنس]

أخوي أنت لك 14 سنة عسكري واذا كملت الجامعة يصير لك 18 سنة بالعسكرية صح ..
وانت تعرف ان التقاعد المبكر بعد خدمة 18 سنة , يعني في هذاك الوقت اذا كملت 18 سنة وطلبت فصل ماتفصل ولكن يتم إحالتك على التقاعد المبكر .. إنتبه من هذي النقطة .. وفكر ليه العجله ..

[وحيد الاسى]

المشاركة الأصلية كتبت بواسطة ابو ريان 126 ياخوي اذا تقاعدت تقاعد مبكر ما تقدر تتوظف وظيفه حكوميه ثانيه يعني ما معك الا تعاقد او شركات او مستشفيات خاصه حسب تخصصك

يعطيك العافية اخوي ولاكن اعرف ناس انقبلو في التعليم واستقالو والتحقو بالتعليم
تحياتي لك اخوي

[طموحي إدارة]

هلا اخوي
اخوي تقدر ان شاء الله ما في مشكلة حسب النظام بس يبيلك شوي صبر مع واسطة
يعني بعد تتخصص وتتخرج تقدم ع الديوان وتتنتظر ((وهنا يجي وقت الواسطة ودورها)) عشان ما تتاخر وعشان يضبط وضعك ويحصل لك وظيفة واذا طلع اسمك او قرب سراك وقتها امامك خيارين
1_ اذا كان خدمتك اكثر من 18 تقدر تقدم وتاخذ حقوق ثم تباشر عملك بس تبدا من الصفر يعني تعتبر توك موظف
2_اذا كان باقي ما وصلت للمدة القانونية للتقاعد المبكر تقدر تقدم تقاعد من دون حقوق ثم تباشر عملك وتضيف مدة الخدمة العسكرية للوظيفة الحالية وهذا بيرفع من ستواك الوظيفي وراتبك
اتمنى اني افدتك واتمنى اني كنت واضح في معلوماتي
دمت بود اخوي

[طموحي إدارة]

حبيت اعقب على كلام اخوي مشعل
فعلآ كلامه صح لا تقدم تقاعد انا كتبت في ردي تقاعد بس الصح انهى خدمه يعني فصل مو تقاعد
مشكور اخوي مشعل ع الايضاح

[وحيد الاسى]

المشاركة الأصلية كتبت بواسطة عـالي مستواه ما عندي فكرة أخوي بسي عساني أرفع لك الموضوع وأصيغ لك الأسئلة .. تعرف كم سن التقاعد المبكر في العسكرية أو لازم تستقيل ؟؟ هل تضمن وظيفة المستشفى ؟؟ وإذا توظفت فيها ... العقود ..هل هي آمنة وظيفيا ؟ وأفضل راتب ؟؟ جاول على الأسئلة هذه وإن شاء الله يجيك من يعطيك من خبرته

التقعد المبكر 18 سنة
انا لا اضمن نفسي يوم واحد بل التوفيق بيدالله
ولعل في ذالك اليوم تفتح الوظايف الصحية بشغف
بصراحة اتمنى وظيفة حكوميه اضمن مستقبلي
من ناحية الراتب انت عارف ان وزارة الصحة اقوى الرواتب
تحياتي لك ولك مني كل الود والاحترام