التحويل الى جامعة الملك فيصل

[GRIP THE TIGER]

السلام عليكم ورحمة الله وبركاته
أخواني أنا مليت من هذي الجامعة بصراحة ظلم كبير أعاني منه
يا ناس أطلع من الإختبار وأنا واثق ان درجتي فوق 80 تطلع لي 60 أو f
ومطالباتنا بالتحقق من التصحيح باءت بالفشل غصباً عن الطالب
وأنا أريد التحويل الى جامعة الملك فيصل بالشرقية
واللي عنده خلفية عن الطريقة أو حاول قبل كذا أو هل هو مسموح للمنتسبين بالتحويل ينورنا أنار الله قلبه بالإيمان
علما أني مستوى رابع إدارة عامة

[GRIP THE TIGER]

أنا إنتساب مو انتظام

[AzIzo.A]

نفس السؤال

[abu fahad...]

تأحذ كشف الدرجات من عمادة القبول والتسجيل وبعدين تقدم على جامعة فيصل
واعتقد اذا فتحوا الجامعه التسجيل تقدم واذا تم قبولك تجيب الدرجات يحسبون لك عدد الساعات.

انا اخذت كشف درجات وراح احول فيصل لاني الحقيقه زيك طفشت من الظلم اللي حاصل

وبالتوفيق

[هاي كوالتي]

السؤال المهم

هل يتم اي معادلـه للساعـات . مع اني استصعب هذا الموضوع لأن ادارة جامعة الملك فيصل معروفين منهم يكوونون ..

واذا في اي معادلـه رجاء عطني خبر لأني اول واحد راااااح اغير جامعتنا مو علشان الظلم علشان المشوار الي هلكنا ...

ولكم التحيه

أخوكم الصغير
مشـعل

[fares15]

جامعة الملك فيصل تعادل لك 15 ساعة فقط

[GRIP THE TIGER]

المشاركة الأصلية كتبت بواسطة abu fahad... تأحذ كشف الدرجات من عمادة القبول والتسجيل وبعدين تقدم على جامعة فيصل واعتقد اذا فتحوا الجامعه التسجيل تقدم واذا تم قبولك تجيب الدرجات يحسبون لك عدد الساعات. انا اخذت كشف درجات وراح احول فيصل لاني الحقيقه زيك طفشت من الظلم اللي حاصل وبالتوفيق

بيض الله وجهك
بس أنت متأكد ؟؟؟
اذا أنت متأكد بأرسل لك رقمي على الخاص ونتساعد ان شاء الله

[أم كشة]

نصيحة مني لكم اقعدوا على مجنونكم لا يجيكم أجن منه أنا متخرجة من جامعة الملك فيصل وكنت دارسة فيها أنواع الظلم الصح والقهررررر

تخرجت بدبلوم نظم معلومات والدكاترة يستقعدون لك حتى لوجايب 54 مستحييييييييل يدفونك عشان تنجح..ناس تعاملهم زبالة وزي الزفت..ولاحظ ان حنا كنا درس بفلوووس والله العظيم كنك جاي تشحذ منهم

انا لما درست انتساب بعبدالعزيز حسيت بالفرق من ناحية المعاملة والتصحيح لا تقولون نحل ومانجيب درجات شوفوا انتوا من متى تذاكرون قبل الإختبار بأسبوع ولا اسبوعين ذاكروا قبلها من شهرين او شهر وتابعوا أخبار المنتدى أول بأول..صحيح في فرق بالرسوم بس وش الفايدة إذا كانت عندهم فوضى ونظامهم لازم تشارك بالمنتدى عشان تاخذ درجات وتحل واجبات ومحاضرات مباشرة..غير كذا إلى الأن عندهم لخبطة بالنظام لأنه جديد عليهم ومافي ملخصات قديمة تستفيد منها


هذا نصيحتي لكم لأني من الشرقية وعارفة أنظمة هالجامعة الفاشلة..وكان بإمكاني احول من عبدالعزيز لفيصل أقرب لي وارخص..بس مستحيييل احول لو ايش ماصار..


أنا حبيت أفيدكم بتجربتي,,والقرار لكم

[GRIP THE TIGER]

المشاركة الأصلية كتبت بواسطة أم كشة نصيحة مني لكم اقعدوا على مجنونكم لا يجيكم أجن منه أنا متخرجة من جامعة الملك فيصل وكنت دارسة فيها أنواع الظلم الصح والقهررررر تخرجت بدبلوم نظم معلومات والدكاترة يستقعدون لك حتى لوجايب 54 مستحييييييييل يدفونك عشان تنجح..ناس تعاملهم زبالة وزي الزفت..ولاحظ ان حنا كنا درس بفلوووس والله العظيم كنك جاي تشحذ منهم انا لما درست انتساب بعبدالعزيز حسيت بالفرق من ناحية المعاملة والتصحيح لا تقولون نحل ومانجيب درجات شوفوا انتوا من متى تذاكرون قبل الإختبار بأسبوع ولا اسبوعين ذاكروا قبلها من شهرين او شهر وتابعوا أخبار المنتدى أول بأول..صحيح في فرق بالرسوم بس وش الفايدة إذا كانت عندهم فوضى ونظامهم لازم تشارك بالمنتدى عشان تاخذ درجات وتحل واجبات ومحاضرات مباشرة..غير كذا إلى الأن عندهم لخبطة بالنظام لأنه جديد عليهم ومافي ملخصات قديمة تستفيد منها هذا نصيحتي لكم لأني من الشرقية وعارفة أنظمة هالجامعة الفاشلة..وكان بإمكاني احول من عبدالعزيز لفيصل أقرب لي وارخص..بس مستحيييل احول لو ايش ماصار.. أنا حبيت أفيدكم بتجربتي,,والقرار لكم

يا أختي الفاضلة أنا لي أصحاب منتسبين بفيصل
والان مستوى ثاني ونزلت قبل أمس درجات الواجب 30 درجة كاملة
يعني الإختبار من 70 و30 درجة مضمونة
أما جامعتنا الموقرة ذاكر حتى يطيح شعرك وإختبر ولا لك الا 60
وانا عندي 55 ساعة ووالله لو يحذفون منها 40 ساعة أنا مواااااااافق
والدعوة مو فلوس لا والله لكن الظلم ما أرضاه على نفسي

[Ana-3'eer]

استخير فما خاب من استخار :)
و دام الدعوه مو فلوس وتبي تعليم عن بعد (الي مو ظلم) ترا هنا فيه تعليم عن بعد ^^
ع الاقل انت بنفس الجامعه ويعادلون ساعاتك ومستمر مو تعيد من اول وجديد
انا افكر احول تعليم عن بعد هنا والله اريح لي،،
كلامي وجهة نظر ونصيحه لا غير..