ربي معانا .... أقرو الموضوع للأخير وأهم شي رايكم وردودكم الحلوه =)

أحلى أروما · #1 10-01-2009, 04:37 PM

شبااااب / صباياااا

كيفكم إن شاء الله تمااااام؟
أنا بصراحه بعد ماشفت الجدول حق النهائي وردودكم ونفسياتكم المحطمة
لاحظت بعدها مواضيع كثيييييييرة عن رفع المعنويات والثقه بالله

أنا أبغى أقولكم حكاية قصيره

بعد الإختبارات والضغط كلمت وحده من صاحباتي في كليات التمريض وقعدت أشكيلها وأبكي
أقولها إحتمال عندي رسوب وكدا و و و .....
كل اللي قالت لي عليه: هدي نفسك وثقي بربك
تقول: إحنا عندنا مادة إسمها الفيرست إيد ومرررررررره صعبة
وتقول من بدايتها أول إختبار البنات راسبين فيها من صعوبتها
تقول رحت الإختبار وأنا ماني مخلصة المنهج من طوله والبنات يبكو من قبل الإختبار وحالتهم حاله
ولما شفت الأسئلة انصدمت وكللللل اللي عملته ...... سكتت شويه ... غمضت عيوني وجلست أستغفر بس

ولما فتحتها .... لقيت كل الأجوبه والمعلومات في لوحه الإعلانات اللي قدامي
ولا أحد انتبه لها غيري سبحان الله ........ كأنه ربي نزلها عشاني
ومانقصت في الإختبار إلا نص درجة وحسبوها بربع كمان

بعد ماحكتني وربي كأنه في أحدد خفف عليا وقالي هانت يا أروما ... هانت
ودا الأحد مو زي لما تقولك هيا وحده من صحباتك ولما أمك أو أبوكي
كأنه ربي اللي يكلمني

المهم مو دا موضوعي ...... دا بس عشان أبغاكم تحسو باللي حسيته <<<< خلصينا وادخلي في الموضوع على طوول خخخخ

عموما أنا كل قصدي لازم نشد حيلنا و( نحاول )قد مانقدر نعوض اللي فات
وتأكدو إنو ربي معانا ومارح يضيع لنا تعب

وعلى قولت بابا (( لا يلام المرء بعد اجتهاده ))
يعني حتى لو ماجبنا درجات بعد ماتعبنا تأكدو إنو دا الخير لنا وربي كاتبه من قبل حتى مانتولد
ومابيدنا نغير قدر ربنا

ربي معايا ومعاكم ......... ورح نكون قدها بإذن الله

الزمو الإستغفار وقت الضيق

وتذكروا

أختكم

Aro0oma 8i8

عـ.~.ـريكـ‘هـ · 10-01-2009, 04:39 PM

إيش لوحة الإعلانات هذي مافهمت

بس ع العموم شكرا على رفع المعنويات وماتقصري

أحلى أروما · 10-01-2009, 04:41 PM

يعني في ورقه معلق قدامها عالجدار ومكتوب فيها الأجوبه بدون محد يدري

عالعموم يسلموو عالموضوع <<<<< وي فشله خخخخخخ

كيتا الكتكوته · 10-01-2009, 04:42 PM

شكرا اروما على موضوعك الروعه...من جد الي يستعين بالله ما يردو خيبان ابدااااااااا

عـ.~.ـريكـ‘هـ · 10-01-2009, 04:42 PM

يسلموعلى الموضوع أروما إيش بك يابنت منتي صاحية ههههههههههههه إيش يسلمو ع الموضوع هذي

ع العموم العفو ماسويت شي هههههههههههههههههههههههههههههههههههههههههه بس برفع معنوياتكم ههههههههههههه

ROoOFaNA · 10-01-2009, 04:45 PM

تسلمي يا عسل
واسال الله التوفيق للجميع

AND..1 · 10-01-2009, 04:45 PM

وعلى قولت بابا (( لا يلام المرء بعد اجتهاده ))
يعني حتى لو ماجبنا درجات بعد ماتعبنا تأكدو إنو دا الخير لنا وربي كاتبه من قبل حتى مانتولد
ومابيدنا نغير قدر ربنا

ربي معايا ومعاكم ......... ورح نكون قدها بإذن الله

الزمو الإستغفار وقت الضيق

وتذكروا

فديتني · 10-01-2009, 04:46 PM

قلبو انتي نايس وموضوعك نايس اكثر منك ومن جد هذا الكلام الصح لانه كل شي مقدر ومكتوب بس اهم شي احنا نشد حيلنا والا

أحلى أروما · 10-01-2009, 04:47 PM

ههههههههههههههههههههههههههههههههههههه

والله إحراااااااااااااج ياعريكة
عالعموم خليها مارح أعدلها عشان اللي يشوفها يضحك

أهم شي أرسم البسمة على وجوهكم

6fshana · 10-01-2009, 04:58 PM

تسلمي أروما على الموضوع

لا ان شاءالله كلنا نكون اتعلمنا من اللي راح

وان شاءالله كلنا اكيد بنشد حيلنا

ومهما سوينا في الاخر احنا الحمدلله نكون عملنا اللي علينا والباقي ان شاءالله نتوكل على ربنا

ووالله صدقوووووني

اي شي يسير اي شي

لااااااا ننسى كلمة الحمدلله والله يمكن سبحان الله بهذي الكلمة تتفتح للعبد أبواب رزق ماحد يدري

كلنا ما ندري ايش رح يسير دحين بعد دقيقه محد يدري ايش بيبسير كل شي ربنا كاتبه لنا

وكل شي كاتبه لنا ربنا هوا خير لنا

احنا اللي علينا نصبر بس

مهما واجهنا مصايب المؤمن لازم يكون قوي قدام مصيبته عشان ياخذ فيها اجر

ويقول ربي أجرني في مصيبتي واخلف لي خيرا منها

وأي شي نسويه نعمل اللي علينا خلاص بعدين نقول نتوكل على الله

ونقول ربي استودعتك ما حفظت وما فهمت فرده لي عند حاجتي

اللهم يا معلم إبراهيم علمني ويا مفهم سليمان فهمني ويا مؤتي لقمان الحكمة وفصل الكتاب آتني الحكمة وفصل الكتاب

حاولو تقولو زي هذي الأدعيه وانتو بتذاكرو وبعد ما تخلصوا وقبل ما تحلوا كمان في الاختبار ادعو

وأي شي يسير ما نزعل عليه

يمكن قدامنا في قدرنا في شي حيسير يفرحنا

وان شاءالله يارب كلنا نعدي هذي الفترة على خير

احنا بس نعمل اللي علينا وخلاص واللي يسير ان شاءالله فيه الخير لنا

وربي ما يضيع تعب أحد واللللللللله وبيعطي لكل واحد على قد نيته

يالله جددوا نفسياتكم كلكم

اعملو ريستارت واذا لسه بقي اعملوا ريفريش

وانتو بتعملوا أي شي ابتسموا ^^

وسمو بالله

وابدأو نفسيات جديده عشان تساعدكم هذي النفسيات الحلوة في اختباراتكم ان شاءالله

وربي يكون معانا ان شاءالله

وبالتوفييييييييييييييييييييييييييييييييييييييق لنا ولكم ولجميع الطلاب والطالبات

^^

سامحووني لو طولت عليكم

ربي معانا .... أقرو الموضوع للأخير وأهم شي رايكم وردودكم الحلوه =)

ملتقى المسار العلمي إنتظام