درجه إدارة المشاريع الصغير ..dn .. وحط اسمك ورقمك تحت الباب !!!

[الدريبي1]

السلام عليكم جميعاً

اول شي مبروك لكل الناجحين في هذا الترم واتمنى لكم التوفيق والنجاح في الدنيا والأخره

حبايبي فيه مشكله صغنطوطه.!

نزلت درجات مادة إدارة المشاريع الصغيرة واتفاجئة بـ dn طبعاً دكتور المادة كاسر المنصور
كنت بوقتها في جدة رحت لكلية الأقتصاد والإدارة قسم إدارة الأعمال وتوجهت للسكرتير قال رح لدكتور المادة ورحت للدكتور ويوم وقفت عند بابه طلع من مكتبه شخص وكان ناوي يسكر الباب

قلت يادكتور لو سمحت . قال نعم . قلت انا اختبرت مشاريع صغير واتفاجئة بـ dn وابغاها تتعدل.

قال ممكن المشكله ان رقم الجامعي مكتوب غلط أو حاجة متل هيك بس انا مشغول اللحين لكن اكتب اسمك ورقمك الجامعي ودخلها من تحت الباب !! وانا ادورها لك واشوفها.
لاحظووا ما طلب رمز نموذج الإختبار .!
طيب السؤال وشلون راح يدورها . ؟؟
بيحوس في كل النماذج مثـلاً..؟!!

المهم رحت للسكرتاريه واخذت ورقه صغير وكتبت فيها المادة والمشكله واسمي ورقمي ورقم نموذج الإختبار إحتياطاً ورقم جوالي.
قلت لعل وعسى أن يهديهم ربي ويعدلونها لي.

انا خوفي إنه يحط درجه من عنده بحكم انه طلب الرقم الجامعي فقط ..
وهذا انا اللي ما ابغااااااااه...

طيب ياجماعة هل فيه أحد حصلت له هالمشكله وعدلوها له ؟؟ وكيف كانت درجة التعديل..؟؟
وهل المعاملات الإلكترونيه تنفع في مثل هذي المشاكل.؟؟ وماهي الطريقه الصحيحه؟؟

يالليت تعطونا آرائكم وخبراتكم .. اخوكم مو مرتاح من هالشغله.

وفالكم النجاح يارب.

[دمعة يتيم]

الله يعينك والله


انا صارت لي نفس المشكله عند الدكتور هاني العمري

ودقيت عليه وكلمته

وقالي ابشر ابدور ورقتك وبصراحه كان متعاون الرجل ما نظلمه


المهم انا ما ارتحت

رحت كتبت خطابات لللعميد ووللوكيل ولإستاذ ا لمادة

ما خليت احد

وشرحت فيها المشكله وارسلتها على فاكس كل واحد فيهم


ورجعت ودقيت على الدكتور مره ثانيه قالي خلاص يا أبني حقك بتاخذه

وعدل لي الدرجه

واخذت 85 ولله الحمد

فنصيحتي لك يا أخوي انك تاخذ إميل الدكتور وتراسله

واذا قدرت تاخذ جواله يكون أفضل ودق عليه


وإن شاء الله تمشي امورك ما عليك تصير كثير وتتعدل عادي


وبالتوفيق شكرا

[AbuAbade]

والله نفس الدكتور

وطلعتله الورقة وحطها جنب الكمبيوتر وقالي حعدلها ماتخفش

وسافرت وفي بطني بطيخة صيفي

ومر يوم واثنين وأسبوع

والبطيخة حمضت

[الدريبي1]

المشاركة الأصلية كتبت بواسطة دمعة يتيم الله يعينك والله انا صارت لي نفس المشكله عند الدكتور هاني العمري ودقيت عليه وكلمته وقالي ابشر ابدور ورقتك وبصراحه كان متعاون الرجل ما نظلمه المهم انا ما ارتحت رحت كتبت خطابات لللعميد ووللوكيل ولإستاذ ا لمادة ما خليت احد وشرحت فيها المشكله وارسلتها على فاكس كل واحد فيهم ورجعت ودقيت على الدكتور مره ثانيه قالي خلاص يا أبني حقك بتاخذه وعدل لي الدرجه واخذت 85 ولله الحمد فنصيحتي لك يا أخوي انك تاخذ إميل الدكتور وتراسله واذا قدرت تاخذ جواله يكون أفضل ودق عليه وإن شاء الله تمشي امورك ما عليك تصير كثير وتتعدل عادي وبالتوفيق شكرا

انا ارسلت رسالة لجوال الدكتور كاسر وإلا الأن ما تعدلت
الله يصبرنا عليهم .

شكرا على تفاعلك .

[سهم صايب]

الله يعينك ويعني انا بعد

تفجت اليوم ان مادة سياسه عامه وصناعه قرار dn مع اني متأكد اني كاتب الاسم والرقم الجامعي صح

المشكلة اني بالدمام واليوم راسلتهم على المعامله الالكترونية وانتظر الرد

بس اخاف يسكتوني بـ 60 مع اني متوقع حلي فوق 70 بس الله يجيب اللي فيه الخير ان شاء الله

[الدريبي1]

المشاركة الأصلية كتبت بواسطة abuabade والله نفس الدكتور وطلعتله الورقة وحطها جنب الكمبيوتر وقالي حعدلها ماتخفش وسافرت وفي بطني بطيخة صيفي ومر يوم واثنين وأسبوع والبطيخة حمضت

البطيخه طلع لها ريحه . وانت الصادق !

إذا ما تعدلت خلال الأسبوع هذا
نبي نرسل خطاب لرئيس قسم إدارة الأعمال.

[سهم صايب]

مين يعرف دكتور السياسه العامه وصناعه القرار اكون له من الشاكرين ...

[الدريبي1]

المشاركة الأصلية كتبت بواسطة سهم صايب الله يعينك ويعني انا بعد تفجت اليوم ان مادة سياسه عامه وصناعه قرار dn مع اني متأكد اني كاتب الاسم والرقم الجامعي صح المشكلة اني بالدمام واليوم راسلتهم على المعامله الالكترونية وانتظر الرد بس اخاف يسكتوني بـ 60 مع اني متوقع حلي فوق 70 بس الله يجيب اللي فيه الخير ان شاء الله

هذا اللي انا ما ابغاااااااااااااه يسكتونك بـ 60 وانت حال كويس على شاان ما يبحثون عن الأوراق.

الله يكتب اللي فيه الخيره ..