استفساار في الجامعه

[محال جده]

السلام عليكم
انا طالب ثانوي وقريب التخرج منها وعندي سوال واللي هو
كم النسبه من الثانويه المطلوب اللي تدخل الجامعه الملك عبدالعزيز
وهل فيه نسبه محدده ولالا

وشكرا

[rival soul]

والله صراحة مادري لين كم بياخدو نسبة بس انا ثانوية 98 وقدرات 82 وتحصيلي 77 وموعدي كان ثاني يوم هوا على حسب درجات المتقدمين ودفرنتهم طبعا الموزونة حقتي كانت 89 وفي واحد من اصحابي كانت 84 وانقبل مسار علمي

[محال جده]

الله يعطيك العافيه وماقصرت

بس كم اقل نسبه تقبله الجامعه؟؟؟؟؟؟

[* بيبو *]

السنة اللي فاتت اخذوا 50% من الثانوي و30% من القدرات الاحسن و20% من التحصيلي ..
85 وفوق تقدر تاخذ الفرع اللي تبغاه اما تحت ال85 اي فرع غير السليمانيه اما من الناس اللي اعرفهم انقبلوا حتى 83 مسار علمي ..
هذا اللي عندي .. دعواتك ..

[ولد حلال]

حبيبي انا كانت نسبتي 84 ثاني ثانوي وثالث ثانوي مع بعض والقدرات برضو 84 والتحصيلي 69

طلعت الموزونة حقتي 81.5 وانقبلت علمي في الفرع الرئيسي السليمانية صباحي بدون مكافاة << اسمه انتقالي

انت كم نسبة القدرات حقكتك وكم معدلك التراكمي حق ثالثة ثانوي وثانية ثانوي وكم التحصيلي

اكتبه وانا احسبلك هوا

[الحلم الضآئع !]

لآ ألين فوق 85 آلترآكمي كلو مع آلقدرآت و آلتحصيلي .. فرع آلسلمآنية آنتظآم . .

و تحت ألين 80 يآ إنو تروح فرع تآني .. يآ تآخد آنتظآم آنتقآلي " يعني تجلس في فرع آلسلمآنية بدون مكآفئة " . .

و أتوقع في 70 أدبي . .

هدآ نحن آلبنآت آلآولآد مآ أعرف .. بس أتوقع أقل نسبة 80 .

بآلتوفيق يآرب . .

[rival soul]

شوف في ناس بيقولو 80 وفي ناس بتقول 82 واعلى! وفي ناس من عقلها بتصرف ارقام ..

طبعا دا مو صحيح (انا بتكلم للمسار العلمي فقط)..

في سنة من السنوات الي فاتت اقل نسبة موزونة كانت 82 وانا سمعت من احد الدكاترة انو المقاعد رح توزع بالشكل الاتي
1-4000 مقعد للطلاب (احتمال تزيد)
2- 6000 مقعد للطالبات (احتمال تزيد)
3- الافضلية لسكان جدة ويفضل على الي قدمو من برا جدة ..
4- ادا كانت نسبتك في المدرسة فوق ال95 وفي القدرات فوق ال 70 وفي التحصيلي فوق ال75 خدها مني برااااحة تنقبل إن شاء الله
خامسا واهم شئ انها توزع على حسب الاماكن المتوفرة ممكن تزيد النسبة وممكن تقل .. على العموم لا تشيل هم ..
انت شد حيلك دحين في اختبارتك وقدم في كذا جامعة وربك يسهل

[محال جده]

الله يعطيكم العافيه على الافاده
والله يوفقكم ان شاء الله

ياولد الاحلال نسبتي في ثاني ثانوي 85 وفي ثالث ثانوي 90 والقدرات 70 والتحصيلي لسع مااختبرت واخباري بيكون 24/7/1432 ها نسبتي كذا تدخلني الجامعه ولالا وتكفوون ادعولي بالتوفقيق

[ولد حلال]

نسبتك الثانوية حلوة والقدرات حلوة بس ليش ما اختبرت اكثر من مرة حرام عليك والله

انا اختبرت قدرات 3 مرات وتحصيلي 3 مرات

وانت كمان التحصيلي ما اختبرت لسا انت وربي زي اخويا ما يبا يختبر ولا يتعب نفسه

المهم على حسب نسب القبول اللي في السنتين اللي راحت كان يقبلو 79 درجة موزونة اقل حاجة انت عشان تعدي الـ 79 لازم تجيب في التحصيلي اقل شي 74

شد حيلك وان شاء الله تجيبها

[محال جده]

انا يالغالي اختبرت القدرات مرتين المره الاولى جبت 65 والثاني 70 وسنه ثانيه ثانوي مااختبرت راح علي
والتحصيلي مو هو مره وحده بس انا الحين اختباري اول مره في التاريخ 24/7 1432
وكيف اختبره اكثر من مره التحصيلي والله الموفق