درة القصائد والحكم .. الوصية

[الفتى]

السلام عليكم ورحمة الله وبركاته




هذه القصيدة على كثر ما قريتها إلا اني احب اقراها دائما ..

للشاعر / بركات الشريف .

فيها وصايا لإبنه / مالك ..


يا الله ياللـّي كـل الأمـات ترجيك = ياواحـد ٍ ماخاب حـّي ٍ ترجـاك

يارب عبد ٍ مامشى في معاصيك = ولايمشي إلا في محبتك ورضاك

يامـرقب ٍ بالصبح ظـليت بـاديك = مـاواحـد ٍقبــلي خـبرته تعـــلاك

ولّـيت ياذا الـدهـر ماكثر بـلاويك = الله يــزودنا السـلامة من اتـلاك

ياللي علـى العربان عمت شكاويك = ولّيت يـادهـر الشقـا ولّ مقواك

واليـوم ها لكانون غـــاد ٍ شبابيـك = تـلـعب به الاريــاح من كل شباك

يامالك اسمع جابتي يوم اوصيك = واعرف ترى يابوك بآمرك وانهاك

وصية مـن والد ٍ طـامع ٍ فــــيك = تسبق على الساقه لسانه العـليـاك

أوصيك بالتقوى عسى الله يهديك = لـهــا وتدركها بتـوفيق مــولا ك

الله بـرب أجـــدادك الغــرّ يعطيك = مرضــاته مع ماتمنى من إمنــاك

إحفظ دبشــك اللـّي عن الناس مغنيك = اللـّي ليا بان الخلل فيك يرفــاك

وإعـرف ترى مكــه ولاها بناخيك = لو تشحذه خمسة ملا ليم معـطاك

إجعـل دروب المــرجله من معانيك = وإحـذر تميّـل عن درجهـا بمرقاك

لا تـنســدح عنها وتبغـاني اعـطيك = جـميـع مــايكـفيك ماحاصــل ٍ ذاك

أدب ولــدك إن كان تبغــاه يشفيك = واستسعفه من بعد مرباك يالاك

إمـا سمج واستسمجك عند شـانيك = ويفـر من فعـله صديقك وشـرواك

والا بعد جـهـله ترا هــــو بياذيك = لـو زعلت امــه لاتخــليه يــا لا ك

وإحذر تضّيع كـل من هـو ذخـر فيك = معــروفه لاتنسـاه واوفه بعرفاك

تـرى الصـنايع بين الاجــواد تشريك = إليا طمعـــت بغرسهـا لا تعــداك

وإحذر ســرور بغبة البحر يرميك = ولا عنده افـلس مـن تشكـّيك وبكاك

وأوف الرجـال حقوقهـا قبل تـعنيك = لا توفيه بالهـــرج فالحـق يقـفـاك

وهـرج النمـيمه والقفــا لا يجي فيك = وأيـاك عرض الغــافل أيـاي وإيـاك

تبـدي حديث ٍ للمــلا فيه تشكـيك = وتهــيم عند النـاس بالكـذب واشـراك

واليــا نويت إحذر تعلم بطـــاريك = كـم واحـد ٍ تبغى منه عرف وأغواك

وأحـذر شماتت صـاحب ٍ لك مصـافيك = وليـا جرالك جـاري ٍ قال لولاك

و لا تحـسب ٍ ان الله قطوع ٍ يخلـيك = و لا تفرح إن الله على النـاس بداك

الضـيف قـدم له هـلا حيـــن يلفيـك = وممـّــا تطوله يافتى الجـود يمنــاك

إحــذر تـلقي الضيف مقـرن علابــيك = خـله محب ٍ لك صديق ٍ ليا جاك

واوصيك زلا ت الرفيـق ان عثا فيك = مازال يغـّطاها الشعـر فا حتمل ذاك

راعــه ولو مـا شفت إنه مـراعيك = عســاك تكسـر نيته عن معـــــاداك

وإحـذر عدوك لو ظهــر لك مصــافيك = خـلك نبيه وراقــبه وين ماجاك

لا تـامنـه واطلـب من الله ينجــيك = ويكــفيك ربـك شـر ذو لا وذولاك

شفـني انـا يا بـوك بـآ مرك وانهـيك = عـن التعرض بين الاثنين حذراك

إذا حضـرت اطلابـة ٍٍ به شـرابيك = اســع لهم بالصــلح واللاش يفـداك

ابـذل لهــم بالطيب ربــك ينجــيك = ولا تجضع الميزان مع ذا ولا ذاك

أمـا الشـهـاده فادهـا إن دعوا فيك = بيـّن عمـود الدين لا عميت أريـاك

بالك تمـاشي واحـد ٍ لـك يرديـك = طـالع بني جنســك وفكــر بممشـاك

رافـق أصـيل ٍ فـي زمـانك يشـاكيك = لاشاف خملا تك عن الناس غطـّاك

وحـذراك عن طــرد المقـفي حـذاريك = عليك بالمقبل وخل من تعداك

ثم إلعن الشـيطان حذراك يغــــويـك = تــرى ان تبعـته للشــرابيك وداك

وأوصــيك لا تشــكي علينا بلاويك = انت السبب اطرفت عيـنك بيمنـاك

وإعرف تـرى اللـّي واطا الفعـرواطيك = ولاأنت أعـزمن الجماعه هذولاك

ألمـسك يـاراسي مـن الذل وأخطـيك = وأحـذر تكلم يالساني وحـــذراك

وألطف بجارك ثم قم دون عانيك = وافطن لما يعنيك عن ربعة اخواك

ياذيب وإن جتـك الغــنم في مفــاليك = فا كمن لهـا ياذيب لاما تعـــداك

فيما مضى ياذيب تفـرس بيـاديك = واليـوم جــاء ذيـب عن الفرس عداك

ياذيب عاهدني وعاهدك مــارميك = مرميك أنا ياذيب لو زان مـرماك

والنفـس خـا لف رايهـا قبل ترميك = ترى لهـا الشيطان يرمي با لاهلاك

ومن بعد ذا لاتصاحب النذل يعديك = عن صحبة الانــذال يابوك حذراك

والهقوة انـك ماتجـي دون أهـاليك = ولا ظن عود الورد يثمـر بتمباك

والحـر مثلك يسـتحي يصحب الديك = وإن صا حبه عاعا معاعات الادياك

لا تستمع قول الطرف يوم يلقيك = بالكـذب يقضي حاجته كل ماجاك

مـن نـّم لـك نـــّم بك ولا فيـه تشكيك = وألياه قد أزرى رفيــقك وزراك

عنـدك حـكا فيــنا وعندي حكــا فيك = وأصبــحت كارهنا وحنا كرهناك

مـاخطاك ماصابك ولو كان راميــك = واللـّي مصيبك لو تتقيت مخطاك

مير اســتمع مني عسى الله يهديك = النصح يا ما لك لـك الله مولاك

عنــدي مظنه ما تمثلتها فيك = واطـلب لـك التـوفيق من عند مولاك




أتمنىا ان تنال إعجاابكم..

[سنفورة موت]

.....


ياويل حالي من جد روعه وقسما وربي ذووق وشآعر درر وربي ....
ربي يسعدك ياخوي ...
لاتحرمنا من تواجدك بيننا ...
دمت بود....

[رغد محمد]

،’

ماشاء الله تبارك الرحمن .. ماشاء الله تبارك الرحمن ..~

بحق أبيـــــات جدًا راااااااااااائعة وذو معاني ورسالة جدًا عميقــــة ..~

صِدقًا أحببتُها ..~

وَصاياه لابنه جدًا مُفيدة وتشمل جميع الأمور المُهمة للتعامل مع ظُروف الحياة والممات ...~

حقًا ..~

قصيدته تحمل رسالة ساميـــــة بما تحتويه من وَصايا ..~

أوصيك بالتقوى عسى الله يهديك = لـهــا وتدركها بتـوفيق مــــولاك الله بـرب أجـــدادك الغــرّ يعطيك = مرضــاته مع ماتمنى من إمنــاك

أشهدُ أن لا إله الله .. وأشهدُ أن مُحمدًا رسُول الله ..~

وصية من أعظم الوصَايا وأهمها ..~

شُكرًا لـِ ذوقك الجميل ..~

/

،’

أهلاً أخوي الفتى ...~

نورت نبض الحُروف بـِ حُضورك الكبير..~

راااائعٌ ما اخترتهُ ربي يحميك ويحفظك ..~

شُكـــــــــــرًا لك ..~

رغد محمد ..~

،’

[مدااااااااااوي2010]

أبيـــــات جدًا رائعة وذو معاني ورسالة جدًا عميقــــة ..~

[الفتى]

المشاركة الأصلية كتبت بواسطة سنفورة موت ..... ياويل حالي من جد روعه وقسما وربي ذووق وشآعر درر وربي .... ربي يسعدك ياخوي ... لاتحرمنا من تواجدك بيننا ... دمت بود....

اختي سنفورة اسعدني تواجدك ,, والقصيدة بحق مهما قريتها لن تكتفي من قرائتها .

[الفتى]

المشاركة الأصلية كتبت بواسطة رغد محمد ،’ ماشاء الله تبارك الرحمن .. ماشاء الله تبارك الرحمن ..~ بحق أبيـــــات جدًا راااااااااااائعة وذو معاني ورسالة جدًا عميقــــة ..~ صِدقًا أحببتُها ..~ وَصاياه لابنه جدًا مُفيدة وتشمل جميع الأمور المُهمة للتعامل مع ظُروف الحياة والممات ...~ حقًا ..~ قصيدته تحمل رسالة ساميـــــة بما تحتويه من وَصايا ..~ أشهدُ أن لا إله الله .. وأشهدُ أن مُحمدًا رسُول الله ..~ وصية من أعظم الوصَايا وأهمها ..~ شُكرًا لـِ ذوقك الجميل ..~ / ،’ أهلاً أخوي الفتى ...~ نورت نبض الحُروف بـِ حُضورك الكبير..~ راااائعٌ ما اخترتهُ ربي يحميك ويحفظك ..~ شُكـــــــــــرًا لك ..~ رغد محمد ..~ ،’

النور نورك اختي رغد , حبيت اشارك بمشاركة تكون بمستوى تقديري واحترامي لك ولا لقيت

قصيدة ترقى لمستوى احترامي لك إلا هذه القصيدة التي تحمل أسمى و أجمل المعاني والحكم في ابياتها .


الله يحفظك من كل شر يا رب ,,,

[الفتى]

المشاركة الأصلية كتبت بواسطة مدااااااااااوي2010 أبيـــــات جدًا رائعة وذو معاني ورسالة جدًا عميقــــة ..~

اخوي مدااااوي ... كلامك صحيح , رسائلها عميقة جدا .


يحفظك الباري ,,,