انطباعكم عن المشروعات العامه الاختبار

[مشوار طويل]

الاختبار بالنسبه لي كان متوسط

لا احد يقلي ما ذاكرت من بداية الترم وانا الحمدلله مذاكر اول باول

بس اشوف الدكاتره قامو يميلون الا اسئلة الذكاء والغباء والنذاله بالمعنه الاصح

يعني اليوم الحمد لله انا ضمنت درجة النجاح

بس فيه تقريبا 20 فقره لعب فيها الدكتور لعب

بس بشرنا الدكتور عبدالعظيم بانه بيوقف معنا بالدرجات وماهي غريبه عليه

[أبويوسف وياسر]

بصراحة الدكتور أخلاقه جدا عاليه الله يعطيه العافية والحمدلله تعالى الاختبار كان معتدل

[مملكة مساعد]

بشرو كيف كان إن شاء الله سهل

[nesheyri555]

المشاركة الأصلية كتبت بواسطة أبويوسف وياسر بصراحة الدكتور أخلاقه جدا عاليه الله يعطيه العافية والحمدلله تعالى الاختبار كان معتدل

ممكن احد ينزل الاسئلة

[المحترف]

الإختبار كان يعتمد على الحفظ بشكل كبييييير


الله يستر بس ...

[كيف حالك]

على فكرة عبدالعظيم شمسان محاضر وليس دكتور


اما من ناحية الاختبار فهو للي مذاكر راح يجيب 100 لانه فيه سهولة وبالرغم من تلاعب المحاضر بالاسئلة الا انا فيها وضوح

[عبدالعزيزالبدراني]

أول شي وش يبون حاطين الاختبار في 26 وكان الجامعه مافيها كلاسات !!.....
ثانيا : الاختبارات كلهاتعتمد على الفهم الفهم فقط... الي بيحفظ بيروووح فيها
ثالثاً : المادة أساساً سهله بس حركة اني أحط الاجابة داخل الدائرة السوداء بااااايخه
رابعاً : الحمدلله حلولي كويسة رغم الفات
خامسا: كيف الحال

[Tamim]

انا من الناس اللي ماختبرت وكنت مع الشله اللي ماحصلوا اوراق اختبار ، اختبارنا بكره ان شاء الله العصر في نفس المبنى ونفس الوقت ...

لكن نبي نستفيد من الشباب اللي اختبروا كيف طريقة الاسئلة وكم عددها وماهي الاسئله ياليت اللي يتذكر شي يخبرنا التفاصيل ؟؟؟

[ali1515]

تكفون اللي اختبر اليوم وعنده اسئلة ينزلها لنا

الله يوفق الجميع

[رسمي]

ياكيف تنشد عن أحوالي .. وانت عليم عن الحالة

الله يخلصنا بس على خير

اليوم الأسئلة مقارنة بفاجعة الموازنة اعتبرها معقوله ماعدا موضوع التظليل والحركة الجديدة اللي مانعرف وش موضوعها

المهم .. انا شفت شباب متجمعين ويسجلون اسمائهم وارقام جوالاتهم سألت قالو ان الأسئلة خلصت علينا وما اختبرنا

أظن بيختبروهم اليوم العشاء .. صراحة كان الله في عونهم وأتمنى لهم التوفيق وأن الله يصبرهم

شفت شي ثاني أكيد كثير لاحظة .. وأنا بالمواقف شفت ممثل يركب سيارته (المتواضعه)

الممثل هذا من يوم كان صغير وهو بالقناة الأولى وشارك أكثر من مره في طاش

اذا أحد يعرفه يقول له يسوون حلقة عن حالنا التعيس عل وعسى تتغير الأمور

تحياتي ..