لكل من انقبل بتخصص ادارة مستشفيات طالبات او طلاب جده .. ممكن

[clouds]

السلام عليكم ورحمة الله وبركاته ...

انا حبيت اجمع كل المقبولين هالسنة بادارة مستشفيات ونتعرف على بعض بالذات البنات
ويفدونا الشباب في بعض النقاط واحنا بعد نساعدهم .

مثلا : حابه كل شخص عنده فكره بخصوص الدراسه ، او عنده مرجع نرجع له وناخذ فكره لو بسيطه بالذات في المصطلحات الطبيه ، والي عنده او عندها معرفة الي درسو من ( الاصحاب او الاقارب ) في الاعوام الماضيه كيف كانت سهولة و صعوبة المناهج ، كيف اسلوب الدكاترة احنا راح نختار الدكاترة والا كيف الطريقه ،،، المهم اي معلومه عندكم نستفيد منها .. واتمنى التعاون من الجميع بصراحه الكل بيتكلم في المنتدى الا قسم ادارة مستشفيات !!


اما انا راح اراجع كليتي على الاسبوع الجاي وبسال الاستاذات وان شاء الله يفدونا ...
وبالتوفيق لنا جميعا .

[محور إرتكاز]

الف مبروك مقدما وربنا يوفقكِ

خلينا نفرح الأسبوع هدا بالقبول ..لاحقين على هم الدراسة ..

طبعا درجة الصعوبة نسبية من شخص لأخر فلكل إنسان قدراته وإمكانياته..

اتصلت بأحد الزملاء الذين درسوا البرنامج وجدته مشغول ببحث التخرج وإن شاء الله

أول ما أقابله سوف استفسر منه عن جميع مايخص البرنامج وحسب إستنتاجي من حديثي معه

البرنامج سهل لمن يتقن اللغة الانجليزية و ليس بتلك الصعوبة لمن لا يتقنها جيدا ..

كما انه ليس كل المقررات باللغة الانجليزية هناك مقررات بالعربي..

[clouds]

الله يبارك فيك مقدما ..
بس الله يسعدك وقت ماتسال زميلك اساله كم ماده بالعربي وكم بالانجلش ..
وبخصوص موضوع الدرجات على حسب ماسمعت اذا جبنا اقل من جيد جدا راح يلغى القيد تبعنا وماني فاهمه ياليت تفهم منه وكيف الدكاتره وكيف تعاونهم مسهلين المناهج بالذات للمواد الي بالانجلش

[clouds]

!!!!!!
غريبه المشاهدات 27 ومحد حاب يضيف اي حاجه حتى يذكر انه انقبل نبارك له اقل شي

لازم نتعاون مو كذا ياحلووين

[بندرناصر]

اهلين clouds

انا بصراحة تكلمت مع احد الشباب اللى يدرس الحين و قال نفس الكلام ان الدراسة سهله بالنسبة اللى مية المية انجليزي لكن في المقابل كان معهم ناس ضعيفين في اللغة وماشي حالهم الى الحين ..
وطلبت منه بعض المواد القديمة عشان اشوفها و وعدني باذن الله يرسل لي بعض المواد بس هو مشغول الحين في الاختبارات .. والمشكلة اللى قال عليها ان بعض المواد يغيرون في المنهج وفقاً لدكتور المادة زي ما حصل معنا في ايام الجامعة كل دكتور يدرس الكتاب حقة او يعتمد عن منهج مختلف في نفس المادة ..
وايضا قال لي ان الاعتماد الاكبر على عرض الدكتور نفسه .. وايضا وعدني انه يرسل لي بعض المواد والمحاضرات الموجودة عنده على الايميل وباذن الله اذا ارسلها ان شاء الله انزلها هنا في المنتدى اذا كان ذلك ممكن .. ولكن للاسف اخينا الحين مشغول في الاختبارات ..

دعواتكم بالتوفيق له ولنا

[clouds]

يسلموووو على المرور

والله يوفقه في امتحاناته ويوفقنا للايام الجايه يارب

[هاني الجعيد]

يا ريت يا اخوان نسوي تجمع لماجستير الخدمات الصحية وانا سألت قالوا بعض المواد بالعربي والباقي باللغة الانجليزية ومن التيرم الجاي حيخلوا تقريبا كل المواد بالانجليزي......... لكن المادة لا تعتمد على المرجع فقط ولكن تعتمد ايضا على الابحاث والمقالات التي تم نشرها في هذا المجال ويعتمد عى الدكتور في تقرير المرجع وانصح اللي تخصصهم مهو خدمات صحية بالبكلريوس يقرا مواد البكلريوس لان المواضيع ما تختلف كثير وانا عن نفسي شريت بعض الكتب بادارة المستشفيات وباقتصاد الخدمات الصحية وبدأت اقرا فيها وطلعت بعض الكتب عن النت تخص بعض المواضيع التي لها علاقة بالتخصص.........
التوفيق للجميع

[mohned1212]

المشاركة الأصلية كتبت بواسطة clouds السلام عليكم ورحمة الله وبركاته ... انا حبيت اجمع كل المقبولين هالسنة بادارة مستشفيات ونتعرف على بعض بالذات البنات ويفدونا الشباب في بعض النقاط واحنا بعد نساعدهم . مثلا : حابه كل شخص عنده فكره بخصوص الدراسه ، او عنده مرجع نرجع له وناخذ فكره لو بسيطه بالذات في المصطلحات الطبيه ، والي عنده او عندها معرفة الي درسو من ( الاصحاب او الاقارب ) في الاعوام الماضيه كيف كانت سهولة و صعوبة المناهج ، كيف اسلوب الدكاترة احنا راح نختار الدكاترة والا كيف الطريقه ،،، المهم اي معلومه عندكم نستفيد منها .. واتمنى التعاون من الجميع بصراحه الكل بيتكلم في المنتدى الا قسم ادارة مستشفيات !! اما انا راح اراجع كليتي على الاسبوع الجاي وبسال الاستاذات وان شاء الله يفدونا ... وبالتوفيق لنا جميعا .

السلام عليكم ورحمة الله وبركاته

اولا ابارك لكم جميعاً بالقبول
ثانيا ان ادرس حاليا في نفس الماستر
بالنسبة للدراسة سهلة نوعا ما
ولا تعتبر اللغة الانجليزية عائق كبير حيث ان لغتي الانجليزية ليست جيده
فيه مواد بالعربي والانجليزي
اهتمام الدكاتره اكثر بالنسبة للعرض داخل القاعة وبعض البحوث والمقالات التي يطلبونها
تختلف من دكتور الى اخر
درجة النجاح 70 وتعتبر مقبول
بالنسبة للمواد تنزل اجباري
الترم الاول 9 ساعات 3 مواد وكذلك الترم الثاني ايام الاربعاء والخميس
الاربعاء من الساعة الثالثة بعد الظهر وحتى الثانية عشر مساءً
الخميس من الساعة الثامنة وحتى الساعة السادسة عصراً
اسبوع دراسة واسبوع لا
الترم الصيفي 6 ساعات مادتان لمدة شهر اسبوعيا الاربعاء الخميس

هذا ما اردت قوله

واي خدمة احنا حاضرين

واتمنى لكم التوفيق جميعاً

[clouds]

يعطيكم العافيه اخواني على مروركم
يااخ هاني اذا حسيت انك استفدت من الكتب والمراجع بالنت ياليت تعطيني اسماء الكتب ومين المؤلف
ووضع الروابط الموجوده بالنت .. لاني بصراحه مراا خايفه اني مااعدي في المواد لان لغتي الانجليزية
بسيطه يعني الاشياء الاساسيه في المصطلحات مو مرا فيها تتوقعو اني راح امشي فيها ؟؟

يعيطك العافيه اخوي مهند 1212 على المعلومات القيمه
لكن بسالك بيقولو اذا جبنا التقدير جيد يرفع قيدنا ويلغأ ؟؟ هل هذا صحيح وضحي لي اكثر
وبنطرك في مراجع حاب نقراها وناخذ فكره لاني تخصصي تنظيم وتطوير اداري
وكم ماده عربي ؟؟ وكم ماده انجلش ؟؟
واذا كان ثلاث مواد مثل ماقلت ليش الان ندفع 16875 قيمة 4 مواد !!!؟؟؟
ونقدر نختار احنا الدكاتره وكيف متساهلين والا لا ... وسامحوني على كثرة الاسئلة لاني بصراحه خايفه وحابه اكمل دراستي لان طموحي عالي جداااااا

[clouds]

وين الاخوات الي انقبلو بالقسم والاخت عبير الغامدي فقدتك لا حس ولا خبر وش الجديد معك .. لانها الوحيده الي عرفت انها انقبلت معي بنفس التخصص