تــحذير:::: لا تدخلون بأورق الاسئلة للقاعات (ادارة مدنية) pad311

[als3doon]

تــحذير:::: لا تدخلون بأورق الاسئلة للقاعات (ادارة مدنية) pad311

تذكرون وش صار الترم الماضي في أحد المواد عندما شاهد الدكتور صورة طبق الاصل على الارض مع الملخصات >>>> كل الطلاب 60


بالتوفيق للجميع

[امل عطشان]

والله لو انا دكتور الماده واشوف اي طالب داخل بورقه اختبار سابقه في القاعه
واعرف الطالب اللي داخل بالورقه صدقني لااحرم الطالب من الاختبار واحرمه من الترم اللي بعده لو نزلها
حتى يكون عبره للطلاب
الواحد يسال يقول ليش : اقول لان هذا الطالب غير مبالي لما قد يحصل لجميع الطلبه في نفس الماده واحتمال كبير الدكتور يعطي جميع الطلاب 60 وقد صارت في اكثر من ماده
الترم الماضي انا صارت معي نفس هالحاله .., احد الطلاب في اول صف جالس يراجع اسئله الماده وكانت حقت الترم اللي قبله والدكتور معروف عنه انه ماراح يغير الاسئله
المهم وهو يوزعون الاسئله قام هالطالب الغبي واقولها بكل قوه تعدى مرحله الغباء وعدم المبالاه بوضع ورقة الترم اللي قبله على طاوله اللي يكون الدكتور واقف يشرح الماده عندها وياليته قلب الورقه .., اقسم بالله العظيم ان الورقه مكشوفه امام كل من يمر امام الورقه
المهم انا كنت خلف الطالب اللي حط الاسئله .., ويوم شفته حط الاسئله على الطاوله جاني انفصام في الشخصيه وقوة وجه هالطالب .., والله العظيم اني خفت لايشوف الدكتور الاسئله ,, والمهم قمت انا وسويت نفسي معي ورقه ورحت للطاوله واخذت الاسئله وحطيته في مكان امن في القاعه مع مجموعه ملخصات وكتب
فاتمنى من جميع الطلاب ان لايدخلوا بورقه الاسئله الى القاعه واتمنى من جميع المشرفين في المنتدى الشامخ ان يثبتوا موضوع كامل وواضح لجميع الطلبه حتى يفهموا جميع الطلاب معنى دخولهم لورقه الاسئله الى القاعات

[L O T U S]

مصيبه هذي
يعني رسوم والا اذا في نجاح مقبول والله حرام

[فاقده روحها]

للرفع

[PHR]

حسبي الله وكفى ... وش ذنب الي مذاكر ومجتهد اخرتها ياخذ 60 والله مصيبه.

[FCB]

الحمد لله اني دائما ارجع ورا

[90909]

طيب وش المشكله لو اطلع الطالب على نماذج اسئله سابقه؟


بالعكس فيها فايده كثير


بس بعض العقليات ماأدري بأي نظام تشتغل ....!!!!

[صدى الصوت]

مافي مشكلــه لو يطلع الطالب على نمــاذج قديمه او سابقه للماده ولنفس الأستــاذ
بس المشكله والأفضــل لكل شخص الله لايهيــنه قبل لايدخل قاعه الأختبار خلاص يسكر الأوراق ويخليها برا القاعه
مو يســوي نفسه دفره ويدخل بنص القاعه ويفرش اوراقه على الطاوله وعلــى عينك ياتاجر
واللــي مايشتري يتفرج
حرام كذا يخرب على نفسه وعلى غيــره

[albader]

يارجل تحذر ولا ترفع مع احترامي والله ياعندك عقليات ماتفهم ..

[امل عطشان]

المشاركة الأصلية كتبت بواسطة 90909 طيب وش المشكله لو اطلع الطالب على نماذج اسئله سابقه؟ بالعكس فيها فايده كثير بس بعض العقليات ماأدري بأي نظام تشتغل ....!!!!

اتمنى ان تفهم الموضوع زين ياخوي قبل الرد
حنا ماقلنا لاتقرا نماذج اسئلة اختبارات لانها في الاصل اهم شي في الماده ولولا الله ثم نماذج اسئله سابقه كان وضعنا صار مزري
ولكن حنا نتكلم عن الشباب اللي يدخلون بالاسئله في القاعه واذا جا توزيع الاسئله قام وحط الاسئله امام دكتور الماده
تبغى الدكتور مايحقد على الطلبه .., الا بيحقد والضحيه عموم من اختبر الماده عشان طالب غير مبالي