كيف اعرف استاداتي..!!

[روان الغامدي]

",

السلام عليكم ورحة الله وبركاته


دحين انا نزلت لي المواد اللي ح ادرسها دا الترم

بس لما اروح للجدول الدراسي ما تطلعلي الشعب والايام والوقت

تيب كيف اعرف استاداتي اللي يدرسوني

دا اول ترم ليا ولما اروح ل" قائمة الشعب الدراسيه " اختار رمز مادتي و 2011 بس اخر ايقونه حقت الترم ,. اكتب الترم الاول ولا التاني ..؟

لان احنا في الترم التاني بس انا بنسبه ليا اول ترم ليا بالكليه

تيب بعد ما تطلع لي المعلومات اش اعمل ..؟

اسجلها تيب كيف أستفيد منها ..؟ يعني لما يجي وقت الاختبارات مادري اش نضامهم

كيف يدخلونا الكلاسات حق الاختبار على اساس الشعبه ولا ع اساس الماده ..؟

امممممم كمان اي بنت حضرة الدورات التأهيليه تقلي فين كانت ..؟

وشكرا

",

[حياة أفضل مع جامعتنا]

اكتبي الترم الاول وجربي حطي التاني اذا ماضبط الاول معاكي راح يجي كل شي

اما بالنسبه لاختبار راح يحطوا اوراق مكتوب فيها اسمك وشعبتك لاتخاافي الاوراق طبعا راح تلقيها في الكليه

بالتوفيق

[حسان السراقبي]

لسى موضوع الشعب وأسماء الدكاترة مو منظم بشكل كافي بالكلية
فلا تستخدميها علشان ما حتفيدك
واسألي أي أحد من البنات لو تعطيكي أسماء الدكاتره بشكل مباشر
أما بالنسبة للاختبار
أنتي بس روحي على الاختبار في موعدو وخذي معاكي بطاقتك الجامعية
وحتلاقي في قاعات مخصصة لكل مادة حتختبريها
فما في أي مشكلة عندك حتى لو كنتي مستوى ثالث

ولو في اسفسار تاني بساعدك
بالتوفيق

[روان الغامدي]

",

تيب مرررا شكرا ويعطيكم العافيه

طمنتوني

",

[حسان السراقبي]

أهلين العفو
بالتوفيق ^_^