مظاهرات بنات التحضيري بجامعة الأميرة نورة

[خالد9921]

طالبات في «جامعة نورة» يتجمعن احتجاجاً على شروط «السنة التحضيرية»


الرياض - سحر البندر



تجمع عدد كبير من طالبات السنة التحضيرية في جامعة الأميرة نورة بنت عبد الرحمن أمس، احتجاجاً على الشروط التي فرضتها الجامعة والتي أدت إلى فشل كثير منهن في اجتياز السنة على حد قولهن.ورددت طالبات هتافات مثل «المعدل راح راح من الإنجلش مو مرتاح»، تعبيراً عن استيائهن، إذ إن الراسبة في هذه المادة عليها أن تعيد السنة التحضيرية كاملة، وهو ما لا يحدث في جامعات أخرى بحسب إحدى الطالبات (فضلت عدم ذكر اسمها).


وأضافت لـ «الحياة»، أن عميدة الجامعة أخبرت الطالبات اللاتي لم ينجحن في اختبار اللغة الانكليزية بأنهن سيعدن السنة التحضيرية، وسيبدأن من الصفر في جميع المقررات.
وذكرت طالبة أخرى أن الطالبات بدأن الاجتماع في المبنى الرابع والخامس تحت شعار «نحن نريد درجات»، معتبرة أن من غير المعقول أن تنجح نسبة بسيطة من الطالبات في حين أن أخريات سيعدن السنة كاملة لرسوبهن في مقرر واحد فقط، مشيرة إلى أن التجمع سيستمر إلى الأسبوع المقبل، خصوصاً أن مسؤولات الجامعة لم يستمعن لهن.
وأكدت أن جدول المواد يفرض على الطالبات ولا يستطعن التعديل أو الحذف أو الإضافة للمواد التي يرغبن بها، كما أن جداول الاختبارات تكون متتالية من دون أي يوم راحة. وتابعت: «صندوق الاقتراحات الموضوع في ساحات الجامعة لا يفتح من المسؤولات، ونتمنى مع مديرة الجامعة الجديدة التغيير».
وذكرت طالبة ثالثة أن معاناة الطالبات لا تقف عند حد معين، إذ يعانين من ضغط ساعات الدوام، وتكثيف البحوث وعدم تعاون المسؤولات، مشيرة إلى أن الطالبات لم يروا مديرة الجامعة المعينة بعد. وقالت طالبة راسبة في مادة الإنكليزي: «حاولنا أكثر من مره مقابلة المسؤولات ولكن يعتذرن مما جعلنا نتظاهر ونطلب بأن ينصتوا لنا»، مضيفة أن الطالبات لم يتسلمن مكافآتهن الشهرية منذ 3 أشهر.
وحاولت «الحياة» الحصول على تعليق من مسؤولات في جامعة الأميرة نورة، لكن بعضهن لم يعلقن، فيما أغلقت أخريات هواتفهن النقالة.

المصدر

http://international.daralhayat.com/ksaarticle/263162


عاد الموضوع فيه صور يُقال إنها تخص المظاهرة
وفيه بالمنتديات صور كثيرة يُقال أيضا إنها من المظاهرة
انا قلت هذا الكلام كتبرأه اذا احد شاف الصور بعد معرفته للخبر هنا
وإن اي احد يبي يطرح الموضوع لا ينزل الصور لانها قد تكون صحيحة ..
وأيضا مناصحة أي شخص يطرح صور بالمنتديات لأنها قد تكون صح وهاذي اعراض الناس

المختصر هل تؤيد مقابعة الطالبات مع الجامعة ؟
أو إنه تصرّف زي هذا يشوه صورتهم وصورة هالجامعة اللي أبثرونا بها ؟

[صَخَب الْأَبْجَدِيِّة]

طبعاَ مؤيده للطالبات ومعارضـه للجامعة كفانا أنظمـة فاشلـة جداَ محبطة

إلى متى أيعقل أن يكون هذا العدل وهذا التعليم بجامعة الأميرة نورة
أشكرك على الطرح وللأسف الجامعـة من سيء إلى أسوأ

[سنفورة موت]

انا اكيد مويده البنوتات ايش هذا حرام عليهم يعني اذا رسبت بالانجلش تعيد كل السنه لاوالله هذا البلاء ياابوك ياعقاب
وين عايشين والله صراحة انظمة سيئه للغايه ^^

متى يتطورون ياناس

[мαѕooяy]

هههههههههههههههه هلآ هلآ خالد
يعني آنآ مؤيدة للـ طالبآت ... يعني آوكـ ِ الجامعه تشد عليهم من نآحية الانقلش صحيح
لكن مو رسوب كل السنه ... !! والبدآية من الصفر
يعني ايش ذنب السهر و الدراسه للموآد الثانية . ! ! حرام . ! !
هي طريقة المظآهرآت كلهآ اذا كانت بجامعات ولا في البلدآن صراحة آنآ ضدها ضدهآ ...!
خاصة احنا في جامعة ومؤسسة تعليمية يعني مو منطق يكون المطالبة بالحقوق بالشكل المتخلف هذآ ...!
آعذروني انا مع مطالبة الحقوق و مع البنات في كل شيء انوآ حرام ذآ القرآر ..!
لكن ضد المنظر البدآئي هآذآ ....! في طرق آرقى في التعامل
احنا في جامعة مكآن تعليمييي ...! كيف ارفع لافتات و آصير اصرخ واردد كلام بالمجموعات ..! مرآ غلط غلط
نبغى نتطور احنا والا نبي نرجع للخلف ...! ايش المنظر دآ .....ّ!

/

< حآسه اني بنضرب
كل شيء صار مظاهرات ومدري ايش خربت بلدان من ورا المظاهرات الحين وصلت للجامعات والاماكن العامه والله مصيبه .....!

يعطيك العافيه خالد ..

[•♥fŗŌồtą]

خلاص بطلت ما ابغا ادرس بذي الجامعه

عزوز احلى اش نبغا بالمباني اذا الدراسه كذا

نجلس بخرابتنا احسن

،،،،،

بس ما شاءالله عليهم قدرو يسو مظاهره وما خافو من احد

قدعات ذولا البنات

وامكن المظاهرات هوا الحل الوحيد لانو مع مسؤلين زي كذا

ما ينفع معاهم التفاهم فيس تو فيس لازم ينفضحو


،،،،

وافتكر يوم اعترضنا على نظام الانجلش حق التحضيري

غيرو الانجلش وجابو شي العن منو السنه الي بعدها

فانا معاهم وياليت كمان يسو صفحه على الفيس عشان نساندهم

>> حسيت نفسي بحرب



،،،،،

وعلى فكره الصيدله عندنا زي كذا اذا رسبت بماده مهمه تعيد السنه كولها مع المواد

الي نجحت فيها >> على حسب ما فهمت من اختي

،،،،

يعطيك العافيه

[bint aboha]

السلام عليكم ورحمه الله وبركاته

اها هذه جامعه نوره اللي طفشونا بها اجل خلينا ع عزوز

افضل احنا كمان ف سنتنا التحضيريه 4 شعب رسبت ولامن شاف

ولامن درى وكلهم ف الصيفي شفتهم بس ونسونا << برااا

بس وربي قهر اعيد سنه عشان إنجليزي قسم انها مهزله وانا ضد

المظاهرات ووين العميده حقت الجامعه نايمه ف العسل مثلا....

بجد خساره جامعه زي كذا ومافيها اي اهتمام حتى الغرب اللي

رجونا وإلا وإلا يبغونا مثلهم مايسوووا كذا

تقبلوا مروري

[TURKI ALharbi]

باختصار حضره الجامعه تستهبل وبقوه بعد اعيد سمستر كامل عشان ماده والله انا اشوف المفروض الى يرسب بماده بسنه التحضيريه يعطونه فرصه ياخذها باي سمستر جاي مو لازم ياخدها ولا مايتخصص
احنا قرب وقت مظاهراتنا دفعه 10 حتفجر الجامعه بعد المستوى الخامس هع

[دارس1431]

هلا بخوي خالد حياك الله ^^

انا مؤيد بقوه جدا ^^
وبدون اي تفكير ^^
بس بطريقه حضارية ^^
واللي احسن منها الاضراب ^^
يضربون عن حضور الانجليزي لين يوصلون صوتهم ^^

الف شكر ياخوي خالد ^^


تحيتي ^^

[خالد9921]

طبعاَ مؤيده للطالبات ومعارضـه للجامعة كفانا أنظمـة فاشلـة جداَ محبطة إلى متى أيعقل أن يكون هذا العدل وهذا التعليم بجامعة الأميرة نورة أشكرك على الطرح

أكيد تأييدك نابع من فكر بالمطالبة خاصة بجانب الإنصاف أو الأنظمة الفاشلة
العفو منك .. شاكر لك مرورك ..

انا اكيد مويده البنوتات ايش هذا حرام عليهم يعني اذا رسبت بالانجلش تعيد كل السنه لاوالله هذا البلاء ياابوك ياعقاب وين عايشين والله صراحة انظمة سيئه للغايه ^^ متى يتطورون ياناس

معك حق الرسوب بماده ما يعني رسوبي بكل المواد خاصة بالمرحلة الجامعية !
مشكلة كبيرة للغاية تدل عالنظام السيئ فيما يخص هالحالة

شكرا لمرورك ..

هههههههههههههههه هلآ هلآ خالد يعني آنآ مؤيدة للـ طالبآت ... يعني آوكـ ِ الجامعه تشد عليهم من نآحية الانقلش صحيح لكن مو رسوب كل السنه ... !! والبدآية من الصفر يعني ايش ذنب السهر و الدراسه للموآد الثانية . ! ! حرام . ! ! هي طريقة المظآهرآت كلهآ اذا كانت بجامعات ولا في البلدآن صراحة آنآ ضدها ضدهآ ...! خاصة احنا في جامعة ومؤسسة تعليمية يعني مو منطق يكون المطالبة بالحقوق بالشكل المتخلف هذآ ...! آعذروني انا مع مطالبة الحقوق و مع البنات في كل شيء انوآ حرام ذآ القرآر ..! لكن ضد المنظر البدآئي هآذآ ....! في طرق آرقى في التعامل احنا في جامعة مكآن تعليمييي ...! كيف ارفع لافتات و آصير اصرخ واردد كلام بالمجموعات ..! مرآ غلط غلط نبغى نتطور احنا والا نبي نرجع للخلف ...! ايش المنظر دآ .....ّ!/ < حآسه اني بنضرب

هلا هلا أم سرور < ناوي يسويلكم عائله
اممم اتفق معك بكل كلامك صح وأكيد إنك فكرتي بجانبين الموضوع بشكل صحيح
anyway لما نشوف تجمع زي كذا لابد إنه ناجم عن حالة إختناق بالنفوس
او مطالبه استمرت لفتره مناشده قبلها من عدد كبير من الطالبات ولا صار عليها اي حل
بالاخير نتيجه طبيعيه تشوفي انه فوضى ولافتات ومدري شو
لأن أساسا عدد الطالبات المتضررات كبير وبالطبع وبالعقل إن ما تم السماع لهم والا ما صار التجمّع ! ,, وبنفس الوقت ما تقدري تقولي لهم لا تتجمعوا مالكم حق ..
وحتى إنتو أيام الحاسب صدقيني لو العدد كبير مره
أو كانت مطالبتكم ثانيه وكان فيه ظلم على اغلبكم حتشوفي العدد كبير مره وما حتسيطري عليه بسهوله وللاسف انو ابسط حقوقهم
لان زي ما عشتيها التجمعات أحيانا تجيب نتيجه حلو مو ؟
ما حتنضربي كلامك صح وكمان مافي عصايه .. !

لسروكل شيء صار مظاهرات ومدري ايش خربت بلدان من ورا المظاهرات الحين وصلت للجامعات والاماكن العامه والله مصيبه .....!

والله ايش تساوين عاد اي فئه متضرره لازم تطالب بحقها اذا ناشدوا من قبلها كثير ولا احد استجاب لهم :/
الله يفكنا شرور التجمعات والإعتصامات
يعافيك ربي مسوري شاكر لك مرورك (:

خلاص بطلت ما ابغا ادرس بذي الجامعه عزوز احلى اش نبغا بالمباني اذا الدراسه كذا نجلس بخرابتنا احسن

ههههههههههههههههههههههه
ويلكم فروتا
أصلا مين نصب عليك وقالك إنها جامعه كويسه بلاه المطر كسرها
وإنتي صادقه والله
على طاري المباني مدري كيف التصوير عندهم إن صحت الصور
جبت لك طاري صور المظاهرات حيث إنك فتاه ولا يُحرّم رؤيتك لها .. !
هو صحيح بعيد التصوير لكن تحسيه من فوق سور نظام عمال هنود
فأكيد مباني جامعتنا احلى بأسوارها وامانها
صحيح انها مكسره وخرباته على قولتك
لكن التصوير مافيها واذا فيها من فوق فـ هو تمويه وإستهبال ههههههههههههه !
،،،،،

بس ما شاءالله عليهم قدرو يسو مظاهره وما خافو من احد قدعات ذولا البنات وامكن المظاهرات هوا الحل الوحيد لانو مع مسؤلين زي كذا ما ينفع معاهم التفاهم فيس تو فيس لازم ينفضحو

صحيح كلامك (:
وتحليلك منطقي يا فروتا ما اتوقع تجمعوا فجأه بدون مناشده لها فتره
واحيانا لازم ينفضح البعض

وافتكر يوم اعترضنا على نظام الانجلش حق التحضيري غيرو الانجلش وجابو شي العن منو السنه الي بعدها

اي فاهمين غلط ربعنا
أهم شي التغيير ما تشوفين ما عندنا اي مظاهرات هههههههههههههههههههههه ؟
الله يعينهم الاجيال الجايه

فانا معاهم وياليت كمان يسو صفحه على الفيس عشان نساندهم >> حسيت نفسي بحرب

اهدا من كذا ههههههههههههههههههههههههههههه
والله انتي ماشاءالله ما عندك ريوس
ينشره على بناتنا ما يتظاهرن ولا يتقابعن وفروتا الشديده موجوده ..
صح عليك الى الامام يا شيخه

،،،،،

وعلى فكره الصيدله عندنا زي كذا اذا رسبت بماده مهمه تعيد السنه كولها مع المواد الي نجحت فيها >> على حسب ما فهمت من اختي

اممم ايوه اظن بالطب فيه شي زي كذا
بس لما الماده اللي رسبتي فيها تدرسيها لحالها بالصيف
اذا كمان رسبتي فيها .. تعيدي كل السنه .. سنه ثانيه وثالثه طب زي كذا
اقولك ليش مصدعيين رووسنا ومسويين ملتقي الصحه النفسي ؟
الله يعينهم (:
نورتي فروتا ما قصرتي عالمرور
يعطيك العافية (:

بس وربي قهر اعيد سنه عشان إنجليزي قسم انها مهزله وانا ضد المظاهرات ووين العميده حقت الجامعه نايمه ف العسل مثلا.... بجد خساره جامعه زي كذا ومافيها اي اهتمام حتى الغرب اللي رجونا وإلا وإلا يبغونا مثلهم مايسوووا كذا

معاك حق اختي بكلامك
وفعلا ماهو مقياس سليم إعادة كل المواد عشان ماده بس وماهي من صلب التخصص غالبا في المستقبل رغم أهميتها .. !
شاكر لك مرورك ..

باختصار حضره الجامعه تستهبل وبقوه بعد اعيد سمستر كامل عشان ماده والله انا اشوف المفروض الى يرسب بماده بسنه التحضيريه يعطونه فرصه ياخذها باي سمستر جاي مو لازم ياخدها ولا مايتخصص احنا قرب وقت مظاهراتنا دفعه 10 حتفجر الجامعه بعد المستوى الخامس هع

بالضبط كلامك سليم
اساسا عملية إجبار الطالب على كل المواد العلميه والمهارات باول عام بالكليه وانو ما يتجاوز هاذي المرحله الا بنجاح في كل المواد
هاذي فيها زحلقه وممعروف الغرض منها
المفروض عادي حتى لو الطالب رسب ماده يكمل الخطه ويدرسها مره ثانيه
خاصة ان الماده اللي راسب فيها قد تكون لا من صلب تخصصه بعدين ولا تهمّه !!
ما بالك الا كمان ترسبني بكل المواد خخخخ سلامات اي نظام تعليمي هذا ..
اما دفعتنا راح تسوي تفجير لا تحطوني عالجبهه الله يخليكم
قد انا متأخر بترم خلوني صف ثاني في المعركه

يعطيك العافيه شكرا لمرورك ..

هلا بخوي خالد حياك الله ^^ انا مؤيد بقوه جدا ^^ وبدون اي تفكير ^^ بس بطريقه حضارية ^^ واللي احسن منها الاضراب ^^ يضربون عن حضور الانجليزي لين يوصلون صوتهم ^^ الف شكر ياخوي خالد ^^ تحيتي ^^

هلا هلا خيو دارس منوّر يا غالي
والله جبتها عالجرح
الصباح اليوم جالس اناقش واحد بالموضوع
وأقوله حتى لو شفت فيها فوضى بس طريقه معروفه عالميا
وفعلها الصحيح وتسميتها الصحيحه هي الإضراب
فـ قلت له قبل فتره سائقين الشاحنات في فرنسا اضربو عن العمل
لا هواش ولا شي اللهم وقفوا جيش تريلات بخط هناك ولا اشتغلو وشوف كيف المنظر
طبعا مطالبة لتحسين اوضاعهم .. ثاني يوم الحكومة الفرنسيه رقعت السالفه وحسنت اوضاعهم وكأن شي لم يكن
أهنيك على عقليتك وكلامك للغايه اتفق معاه
شاكر ومقدر مرورك يالغالي
منوّر (:

[أمير القلوب]

كاتب التعليق : طالبة بجامعة نورة التاريخ : الخميس, 05/05/2011 - 18:03. 1/ احنا اعترضنا على رسوب 70% من الطالبات ما اعترضنا على شروط الجامعة 2/ خبر ان العميدة قالت ان الراسبات راح يعيدون السنة التحضيريه هذا اشاعه لانهم ما ردوا لنا بخبر 3/ وبخصوص المكافئات تنزل كل شهر احترامي ""

كاتب التعليق : منيره التاريخ : الخميس, 05/05/2011 - 18:39. انا من الطالبات الراسبات كانت الاسئله مررره صعععبه .. وتعامل الجامعه معانا مره سئ وغير متعاونين .. << ( ماايعطوونا وجهه ) ودايم احنا الغلط والموظفات الصح في حال اننا اشتكينا على موظفه أسات تعاملهاا معانا .. واتمنى اذا فيه عقاب مايعم الجميييييع وننظلم اكثثثر من هالظلم وشكراً لاهتمامكم

كاتب التعليق : مشاعل س التاريخ : الخميس, 05/05/2011 - 15:37. عذرا انا طالبة في الجامعه .. ولكن اغلب ما نقل هنا غير صحيح وأولها انه سوف يتم اعادة السنه التحضيريه للطالبات .. وان اخر مكافئة لنا منذ 3 اشهر .. بل ان اخر مكافئه كانت في شهر 4 مع المكرمة الملكيه .. ولم يتبقى الا مكافئة واحد وهي مكافئة شهر 5 .. وبخصوص المواد وتغييرها فالطالبه في سنة تحضيريه وليست تخصص حتى تفعل ما تشاء .. انا معهن بـ ان المنهج كان في قمة السهوله اما الاختبار كان لمستوى اعلى .. وغير ان بعض الاسئله لم يكن لها جواب ضمن الاختيارات الموضوعه .

هذهـ بعض من الردود التي ترد على ما قالت الصحيفة والذي اتضح أن الإحتجاج كان على مادة الإنجليش .. وصعوبة الأسئلة والرسوب !!
وكما وردني حينها في رسالة عاجلة من أحد الزملاء أن الإحتجاج كان على مادة الإنجليش ..!!
وعجبي للصحف يعني لازم شوية بهارات ع الخبر من شان يكون طعمه أحلى ووأشهى !!!

[Aowedh Alsolmi]

وين الثورات العربيه ماجت ع سنتنا اول سنه تحضيريه بجامعتنا

صراحه الوضع كان زفت ويستاهل ثوره مو مظاهره سلميه , طبعا الكل مؤيد للطالبات ونظام الجامعات عليه السلام اجل اعادة للسنه التحضيريه لاحول ولاقوه

الله يكون لهم

شكرا

[Hamsa }~]

المعدل راح راح من الإنجلش مو مرتاح

خخخخخخخ

عجبتني هـآدي..

بس صح قوية انهم يعيدوآ السنة كلهـآ عشان مقرر..

أنا مؤيدة وبقوة لدي المظـآهرة ..

الله يوفقهم وينصرهم ..