اختبار التوفل؟؟

[طالبة طب قريبا]

السلام عليكم
اتمنى الجميع بخير وصحة وعافية ...عندي سؤال بسيط فين ومتى اقدر اخد اختبار التوفل؟
شكرا

[عـ ـلآء | Ālอ'อ]

اولا بما انكـ ثانوي ما تحتاجي التوفل او (الستيب) لا في التحضيري ولا في دراسة البكالوريوس
تحتاجيهـ في دراسة الماجستير والدكتوراه والتقديم لوظيفة المعيد يعني بعد دخولكـ الجامعه ان شاء الله بحوالي 4 سنين ..
( الفائده الوحيد للتوفل او الستيب حاليا كطالبه مستجده هو : معادلة مواد الإنجليزي لكـ وكأنك جايبه الفل فيها )
واذا ناويه على طب نصيحه ارتاحي من تخبطات الجامعة وخذي التوفل او استيب لأن الإنجلش مطلب اساسي في الطب

---

ثانيا /
الإختبار المُعتمِد عليه غالب الطلاب والطالبات هو اختبار الكفاءات الإنجليزيه (ستيب) وهو يعتبر بديل للتوفل
وتقدري تسجليهـ عن طريق موقع قياس والرسوم = 100 ريال
معلومات هامة عن اختبار الكفايات step

---

اما التوفل عن طريق معاهد معينه زي نيوهرايزان : رسوم الإختبار من 600 - 800 ريال
وتقدري تاخذي دوره عندهم قبل الإختبار = 4000 ريال .

::
موفقـه

[طالبة طب قريبا]

شكرا يعني قصدك اذا اخدت الstep او التوفل بالنسبة للجامعة نفس شي عشان اقدر ارتاح من الانجليزي ....؟؟صح

[عـ ـلآء | Ālอ'อ]

صح ..
واحسن ابدأي بـ (الستيب) اسهل وايسر ويعرفكـ امكانياتكـ وكمان بيفيدكـ في الوظائف زيو زي التوفل ..
ولو ما جبتي الدرجه اللي على بالك تقدري تختبري مره واثنين وعشره .

[طالبة طب قريبا]

بس انا اخدت اختبار السات اذا تعرفه هو اختبار اصعب من التوفل بكتير وانا بدرس بمدرسة انترناشونال يعني حيكون سهل عليا التوفل جدااا...فتنصح اخد الستيب هادا ..اسهل حيكون احسن واذا هما بيعادلو بالتوفل واقدر ما اخد كورسات الانجليزي فهادا شي ممتاز..=)

[طالبة طب قريبا]

شكرا علاء=)

[طالبة طب قريبا]

عموما مستنية ردك وشكرا على مرورك....وراية مدرسة
عقبالي والجامعةp:

[عـ ـلآء | Ālอ'อ]

المشاركة الأصلية كتبت بواسطة طالبة طب قريبا بس انا اخدت اختبار السات اذا تعرفه هو اختبار اصعب من التوفل بكتير وانا بدرس بمدرسة انترناشونال يعني حيكون سهل عليا التوفل جدااا...فتنصح اخد الستيب هادا ..اسهل حيكون احسن واذا هما بيعادلو بالتوفل واقدر ما اخد كورسات الانجليزي فهادا شي ممتاز..=)

السات في امريكا وانجلترا يعتبر قدرات لأنوا يعتمد على جزء انجلش والجزء الثاني كمي وحسابي
وما اعرف ممكن يعادلوه في الجامعه او لأ بس خلينا في المضمون احسن ^ ^ اللي هوا (ستيب او توفل )

وبالنسبه لـ سؤالكـ :
اكيد انصحكـ حاليا بـ ( الستيب ) .. ليش ؟؟
لأن مدة صلاحية اختبار التوفل و(الستيب) = سنتين من تاريخ الإختبار
وانتي حاليا مو محتاجه غير معادلة الإنجلش .. وبكدا الستيب يكون انسب بكثير ..
وكونكـ ناويهـ طب بإذن الله يعني لازم التوفل مافي مفر منو بس في وقتوا .

---

وبالمناسبه اختبار الستيب الجاي قريب وانا داخل فيهـ .. التسجيل في شهر رجب والإختبار في شعبان
من الأفضل تاخذيهـ حاليا عشان يكون في فرصة تحسني الدرجه هذا لو بتجي الجامعه السنه الجايهـ
والمعادله تستاهل مررره تخيلي في الأسبوع 15 محاضره انجلش الترم الأول والترم الثاني .. عن جد الإعفاء عنها راااااحه مو طبيعيه .

---

واخيرا جدول يوضحلك معادلة درجات الإختبارات بالنسبه للتوفل
وكما هو موضح اقل شي في الستيب 52 من 100 ويعادل 400 في التوفل .

يارب اكون افدتكـ ..
واسف على الإطاله والتأخير ^ ^

[عـ ـلآء | Ālอ'อ]

المشاركة الأصلية كتبت بواسطة طالبة طب قريبا شكرا علاء=)

العفــو ..
وتحت امركـ في اي وقت ^ ^

::

[طالبة طب قريبا]

من جد افدتني كثيير وما قصرت....الله يسعدك
شكرا=)