فين آلاقي محلات البوتجاز او الأفران المنفصله بجده

[my-nana]

السلام عليكم ورحمة الله وبركاته
بنات جده الحلوات لو تقدروا تساعدوني بحاجتين :
1- انا بشتري بوتقاز وحابه آخذ من النوع اللي على البلاطه على طول (كبير +عادي مو مسطح ساده زي السخان ) وبشتري فرن صغيرون لوحده افضل لي واريح لأني ماأحب الكبير ابدا خصوصا للفطاير لأنه ساعه لمن يسخن للدرجه المطلوبه
انا عندي صغير ومع بعض (غاز وفرن ) ومرتاحه بالفرن بس مو مرتاحه بالغاز من فوق لنو ضيق خصوصا برمضان فاضطر ادخل من الظهر للمطبخ وشوفي ام الحوسه اللي اكون فيها حدث ولاحرج
فقلت آحسن شي آخذ غاز منفصل يتركب على البلاطه بس يكون على الغاز مو الكهرب إلا إذا مشترك فهذا أفضل طبعا ومقبول لي
والفرن زي ماأسلفت بآخذ ضغير وعملي اكثر انتو شو رأيكم واقتراحاتكم
2- وين آلاقي محلات البوتقازات الأصليه واللي ادخله آلاقي خيارات كبيره وواسعه لي بدل الشحططه من محل لمحل وبالأخير ماآلاقي طلبي بجده طبعا
بالأخير شاكره لكم مروركم والله الله بالنصيحه الزينه تروني بحيره ومره متوتره منه
لو ماعندك رد انسخي هالعباره وحطيها برد تكسبي أجر
لاإله إلا الله - سبحان الله وبحمده عدد خلقه وزنة عرشه ومداد كلماته - اللهم صلي وسلم على سيدنا محمد وعلى آله وصحبه أجمعين

[my-nana]

يعني شكل الغاز اللي ابغى اركبه زي اللي محدد بالصوره فقط , بس مو 4 عيون ابغى 6 عيون كبير او 4 وبالنصف سخان على الكهرب او شوايه والشوايه افضل بالنسبه لي

أدري اني زودتها بس لو شفتو مميزات زي اللي انا طالبتها ياليت تدلوني على المحل حقها بجده ولو عندكم خبر عن السعر خبروني فيه

[الحلم..!]

صراحة ما عندي علم إن شاء الله أحد يفيدك ^^

[شدندن]

ان شالله اللي تعرف تفيدك