قصتي مع المنحة الدراسية " الاعفاء "

[*.:الــــوافـــي:.*]

بسم الله الرحمن الرحيم

قصتي مع المنحة الدراسية
السلام عليكم ورحمة الله وبركاته وبعد :

منذ مبطئ اول ما فتحت المنح الدراسية بعمادة خدمة المجتمع على الموقع قدمت مثل باقي الشباب
ولكن للأسف تم الرفض من قبل الموقع وجلست انتظر لعل وعسى يكون فيه تقديم ثاني ولكن باء انتظاري بالفشل.

وجلست شهر على هذا الحال إلى يوم الثلاثاء الموافق 1/1/1432هـ لأنه جاتني في الصباح رسالة " سارع بالتسديد "
قلت ما يبيلها لازم اروح الجامعة ، المهم أخذت استأذان من العمل وزبطت ملف وحطيت فيها اوراق كثيره أهم شي اني عبيت الملف
واتجهت إلى الجامعة طامعا بالحصول على المنحة الدراسية
وصلت الجامعة واتجهت لعمادة خدمة المجتمع قابلت حارس الامن وجلست اسولف معاه
وأفادني بأن الموضوع كله عن الدكتور فهد العبود رجل طيب وبيده كل شي بعد الله عز وجل
وفعلا قدرت اوصل لهذا الانسان الأكثر من الرائع أخذ ملفي وقالي يا ولدي المسجلين كثير
ما راح اوعدت ، اكتب رقم جوالك على الملف وتابع الموقع إذا ما نزل الجدول في خلال اليومين هذي
سدد الله يكون في عونك أو انك تسحب هذا الترم والترم الجاي بينزلك الاعفاء
بعدها جلست اتابع الموقع من أول ماوصلت البيت إلى يوم الجمعة
ومافي فايدة " طالب غير مسدد "

قلت لنفسي خليني اسدد يوم السبت وخير ان شاء الله
سبحان الله يا شباب والله اني نسيت التسديد وأتذكرت يوم الاحد قلت خليني اروح اسدد من الصرافة
بس قبل ما اروح للصرافة قلت خليني اشيك على الموقع وتأتي المفاجأة الكبرى

نزلي الجدول والحمدد بدون ما اسدد وعلى طول زبطت جدولي بالسنترا
يشهد الله أني ما أعرف أحد بالجامعة كله توفيق من الله عز وجل ودعاء الوالدة الله لا يحرمني منها

فالحمد لله رب العالمين وشكرا يا دكتور فهد العبود والله رجال طيب ويستاهل كل خير
وإن شاء الله ناوي بنهاية الاسبوع آخذ عمرة انا وزوجتي وراح ادعي للدكتور فهد العبود من كل قلبي

وصلى اللهم على سيدنا محمد