ياليت كل وحده تاخد وأخدت كيميا عضوي.. تدخل بلييييز ):

[فرفوشه العسوله]

بنااااااااات أنا محبطة لأبعد حد.. بليز أبغى أستفسر وياليت تجاوبوني..
أنا آخد كيمياء عضوي عند استاده نسرين.. ودرجتي مرررررررره بشعه.. تفجعت لما شفتها.. ماتوقعت كدا مره انصدمت في نفسي... من الصدمه والله بكيت..

تتوقعوا تسوي اعادة اختبار أو لأ؟ بحكم معرفتكم فيها طبعا واللي درسوا عندها قبل؟

وادا فيه كتاب يساعدني في الكيميا عضوي ويكون بالعربي ياليت تفيدوني.. والله نفسيتي مرره تعبانه

ويعطيكم ألف عافية..

[فرفوشه العسوله]

فينكم بنات.. بليز ياليت اللي عندها اي معلومه تفيدني

[فرفوشه العسوله]

بانتظاركم

[lula_aa]

لا تشيلي هم وان شاء الله تعوضيها في الاختبار الجاي
انا اخدت معاها الترم اللي فات
واللي اعرفه اتها ما تعيد بس انت جربي كلميها يمكن ترضى او قوليلها ع الاقل تسولها نشاط تديكم عليه بونس
وبالمناسبه هيا مخصصه للواجب5درجات ان شاء الله انها مضمونه
وترا نصيحه انت بس ركزي مهاها واكتبي مهاها كل شي وحتلاحظي انها تقول تقريبا كل اسأله الاختبار اثناء شرحها واهتمي بمراجعتها مره مهمه والاسأله اللي تحلها من الواجب غالبا تجي بالاختبار
وبالتوفيق ياعسل

[فرفوشه العسوله]

بجد ماتعيد ),:
يعطيك العافية ياعسل..
الله يعين.. والله مره شايله همها.. كرهت دي الماده..
نفسي في كتاب عربي يساعدني فيها..
ياليت لو فيه وحده درست عندها تفيدنا..

[NoNa al7ellwa]

هيا قالت انو التصحيح آلي و ما تطالع و تتاكد تقول بس تمرر الورقة على الجهاز و ترصد الدرجة.. تقول الي شاكه في درجتها تراجعني .. اذا حاسه انو درجتك مررره لا راجعيها

انا برضو اتوقعت اعلى قهر بس اقول الحمدلله .. حاولي تذاكري مع بنات او صحباتك احس مواد الكيمياء مذاكرتها كدا اسهل عشان لازم تفهمي كل شيء في الدفتر.. لانو انا دخلت الاختبار على بالي فاهمه كل شيء و طلعتلي اشياء جديدة و اشياء نسيتها عشان كدا خبصت

[فرفوشه العسوله]

المشاركة الأصلية كتبت بواسطة nona al7ellwa هيا قالت انو التصحيح آلي و ما تطالع و تتاكد تقول بس تمرر الورقة على الجهاز و ترصد الدرجة.. تقول الي شاكه في درجتها تراجعني .. اذا حاسه انو درجتك مررره لا راجعيها انا برضو اتوقعت اعلى قهر بس اقول الحمدلله .. حاولي تذاكري مع بنات او صحباتك احس مواد الكيمياء مذاكرتها كدا اسهل عشان لازم تفهمي كل شيء في الدفتر.. لانو انا دخلت الاختبار على بالي فاهمه كل شيء و طلعتلي اشياء جديدة و اشياء نسيتها عشان كدا خبصت

بجد حتى انا مرره خبصت.. بس مو لدي الدرجه ماتوقعت درجتي كدا.. شكلي حراجعها..

يعطيكي العافية..
بحفظ الله

[اريج العمر]

نسرين ماتعيد
بس نظام اسئلتها يطلب منك مررره تكوني فاهمه وحافظه كمان الفهم لحاله عندها مايمشي .. وركزي على اسئلة الواجب تجيب منها بالهبل

[بيو كيميائية ^_^]

هـو مـافيه أحـد يعيد إختبارات

بس أنتِ لسة قدامـكـ فرصة وإن شاء الله تعوضي وشدي حيلكـ

الدوري الثاني راح يكـون أكثرهـ تفاعـلات

فلازمـ تعرفي كل تفاعل ومع ايش يصير وايش الريجنت تبعهـا

وتفاعـل aldo لازمـ تركزوا عليه جاء لنـا في الثاني والفاينل

وشفتي الأشياء اللي نعمل كذا تفاعل لين مانوصل إلى المطلوب في السؤال يجيبونه

ويجيبوا ايش التفاعل المفرق

مرة الإختبار الثاني حلو لكـن لازمـ تعرفي التفاعلات كلهـا

وركزي على الواجـبات نفسها تجي

بالتـوفيق

[Looloo:)]

طيب بنات انا دفتري ضاع فاابغى اصور دفتر وحدة كامل حق العضوي وانا فاضيه بكرا من 9 الين 11 والله يوفقها ويحققلها اللي ببالها اللي ترد عليا وتجيبلي دفترهااا بنفس الوقت اصوروا