هل الحصول على قبول للماستر في الجامعات السعودية يمنع الحصول على ابتعاث. .

[مالك معاذ]

السلام عليكم ورحمة الله وبركاته

خلال الاسبوع المقبل ينتهي القبول للماستر لجامعة الملك عبدالعزيز

صراحة انا حابب اقدم واشوف فرصتي ..

بس لو قدمت عليها وتم القبول وبعدين ابغى أقدم على البعثة للمرحلة السابعة وافاضل بين الاثنين هل ينفع او لا ..؟

طبعا قبول الماستر بجامعة الملك عبدالعزيز للفصل الاول المقبل من الآن ..

ياليت الفاهمين واصحاب الخبرة يفيدوني بهالشئ وجزاكم الله خيرا ..

[ام السوس]

سؤال جميل

ننتظر الاجابه

موفق اخوي

[حاله غير]

نتظر الاجابه
نتظر الاجابه
نتظر الاجابه
نتظر الاجابه
نتظر الاجابه
حتى ان انتظر الاجابه
انا معاك في نفس المشكله

[بنت ناس ماتخاف]

وانا بعد ..

الله يكتب لنا الخير

[سعودية طموووحة]

انا طرحت الموضوع قبل كذا في قسم الابتعاث وكانت الردود قليله علية بس ماعتقد في مشكله لو قدمنا عالاثنين لان الاصول مايتم تسليمها الابعد القبول النهائي وهذا الرابط:
http://www.skaau.com/vb/showthread.php?t=312088
تمنياتي لكم بالتوفيق

[Vision86]

اتذكر
قبل سنتين في وحدة قدمت على جامعة ام القرى كانت مقدمة على الابتعاث قبلها لكن ماتسهلتها الاجراءات فدرست 3 شهور وبعدها قطعت وراحت درست من جديد برا, لكنها كانت بكلوريس انتساب.
فالامور سهالات قدموا الان .
وبالتوفيق ان شاءالله

[مالك معاذ]

سعودية طموحة

مافيه شئ ثقة واحس الجواب ماهو مرضي اللي جاوب على الموضوع في مبتعث ..

صراحة ننتظر جواب مرضي ومقنع هنا ..

لأن الواحد يبي يقدم هنا ويبي يقدم على الابتعاث

ويفاضل بينهما ويختار أحدهما بحسب الظروف وبحسب اللي فيه الخير

.

ننتظر اصحاب الخبرة والعلم

[طموحي فاق الحدود]

شوف اخوي في الابتعاث ابد مافي تسليم اصول

انا كنت مقدمة ... انهيت الاجراء كلها وماتم طلب الاصول


عادي تقدر تقدم
لان فقط من الشروط للابتعاث ان ماتكون موظف


وموفقين

[مالك معاذ]

انا قصدي كون الاسم ورقم السجل كلها تكون موجودة في السستم حق الجامعة

واللي هوا برضو السستم او قاعدة البيانات حق الوزارة ..

هذا القصد .. هل تواجد اسم في قاعدة بيانات لجامعة سعودية لمرحلة الماستر على سبيل المثال

يمنع تقديمك وتواجد اسم ضمن الابتعاث لنفس المرحلة ..

(( احس هذه الصيغة للسؤال اوضح واكثر احترافية ))

[مالك معاذ]

عذرا اكثر من عضو يريد الجواب وحتى الان لم يجاوبنا احد ..

مضطر ارفعه وشكرا