أفكر أرسب نفسي في لفل 4

[بيشـــــــو]

حبايبي الموضوع باين من عنوانه
يعني أنا درجتي سئيه مرررررره في الأنقلش تبع الأختبار الأول
يعني لازم أجيب فوق 25 من 30 عشان أول ل60 هذا أذا مارسبت خير شر
وأنا ما أبي أنجح على الحافه
ويوثر على المعدل ودرجاتي في الكيمياء والأحياء والأحصاء عااااليه الحمدلله
بليزززززززززززززززز تروني مره محتاره وهالساالفه رايحه وجايه في مخي
يعني والله حراااااام أنجح في 60 والله يطيح معدلي تكفون قولولي كم كلمه تجبر خاطري
أو إللي أسويه أنا صحيح
ولو أخدته من جديد أتوقع ان شاء الله أجيب درجه حلوه

[يااارب وفقنـــي]

أممممما كدا!!!! يا حلوة صلي ع النبي واستهدي بالله
على بالك لو ترسبي وتعيدي المادة رح يرتفع معدلك؟؟ أبداً لا بالعكس تنجحي دحين بـ 60 ولا انك تاخديه بعدين وتجيبي مية لأنه حينحسب عليك ترم جديد ومادة جديدة بعدين مو تقولي انك جايبة درجات حلوة في المواد الباقية خلاص حاولي تشدي حيلك قد ماتقدري وتجيبي درجة كويسة لأنه المستوى دا أبداً مو صعب بس يباله تركيييييييييز يعني زاكري القواعد مزبوووط من الكتاب واحفظي الكلمات الجديدة وترجميهم والله يكون في عونك بس فكرة انك ترسبي نفسك دي شيليها من بالك بليييز

[عزتي مالها حـد]

صدقييييييييييييييييييييييني أبد مو في صالحك لانو هالترم الانجليزي حيكون اصعب مادة
يعني حتى لو عدتيه اعتقد بيكون بنفس مستوى الصعوبه ..!!
بكذا مااستفدتي شي غير انك نزلتي معدلك وعدتي ماده ممكن لوبذلتي فيها قصار جهدك كان نجحتي ..
طيب وفي حالة انك نجحتي بـ60 اشفيها..!!
ع الاقل نجحتي مو رسبتي وطيحتي معدلك في اسفل سافلين!
اوكي لو جبتي 60 حينزل معدلك شوي لكن لو رسبتي حيطييييييييييييييييييح معدلك اكثرر واكثر ..!!
وبعدين الانقلش كله وحدتين يعني مااينزل المعدل كثير لو نجحتي ع الحافه
الله يوفقنا وياااك يااارب ولاتنسين انو في ساعة اجابة اليوم

[Mo0jraD e7SaS:~]

كلام العسولات اللي قبلي صح

كل شي الا انو ترسبي نفسك انتبهي

ادعي اليوم اخر ساعه من اليوم ساعة استجااابه وتوكلي على ربك وحطي جهدك

وربنا مايضيع تعب احد صدقيني ومجرررربه

ويكون في علمك حتى انا درجتي مررررا نازله بس واثقه انو ربي مايضيع تعب احد

انا راح اذاااااكر واذاااكر وان شاء الله فالنا الفل مااااركـ كلنا ...

بالتوفيق للجميع ...

^_^

[الحلم..!]

لا يا حلوة لا ترسبي نفسك ,,

لأنه الاف لمن تجي تطيح المعدل حتى لو جبتي بعد الاعادة درجة عالية ,, اسمه انه في اف ,,

اتعوذي من الشيطان و روحي ذاكري و شدي حيلك ,, و إن شاء الله تجيبي درجة عالية ترفع لك النسبة ,,

و أي اسألة عندك اطرحيها هنا و إن شاء الله ما بنقصر معاكِ ,,

بالتوفيق يا قمر ^^

[Hams Al-Harbi]

"

طيب سؤال يا صبايا..

الحين اللي يرسب في الانقلش ياخخذه صيفي..

ولا ياخذه في نفس لترم ..؟

"

[No_0ne]

انتبهي انتبهي ترسبي نفسك...
الاف دا يخسف المعدل ...
انجحي ولول ب60 احسن مليووووووووون مرا من الرسوب...
قومي زاكري و ان شاء الله تجيبي درجا حلوااا...
بس شيلي فكرت الرسوب من راسك ...

[اللؤلؤه الورديه]

ع فكره إنتي مش أول وحده ولا أخر وحده بتقولي مثل هادا الكلام

إسمعيني زين قلبو إنتي عارفه لو إنك رسبتي نفسك فيها وش إلي بيصير ؟؟

راح تزيد عدد الساعات وبتنحسب لك ماده جديده وكمان لو إستمرت الماده بنفس الصعوبه
راح يطيح معدلك مررره

فنصيحتي كملي وسوي إلي عليكي وتوكلي ع رب العالمين

وإنشاءالله راح يجيكي إلي يرضيكي

بالتوفيق........

[بيشـــــــو]

مممم مشكورين والله أنا ذاكرت بس بقيلي الرايتنق
بس زي ما قلتو بحاول أكمل المذاكره واللي بيكتبه لي ربي بأرضى فيه
لكن منجد شي ينرفز
مشكورين ربي يسعدكم
وأن شاء الله يحنو علينا ويجيبووو سهل ونعوووض بخير

[الحلم..!]

المشاركة الأصلية كتبت بواسطة hams al-harbi " طيب سؤال يا صبايا.. الحين اللي يرسب في الانقلش ياخخذه صيفي.. ولا ياخذه في نفس لترم ..؟ "

ياخذه في الربع اللي حيجي من الترم ,,