طلاب الطب

[ذكرى البدر]

السلام عليكم

انا طالبة في السنة التحضيرية

كنت ارتب التخصاصات
وانا ابغى طب

بس حاطين قسمين للطب
1- طب
2- طب موازي

ممكن تفيدوني وتعلمووني ايش الفرق بينهم


سوالي التاني الصيدله

هل من تخصصاتها الصيدله الاكلينكيه


شكرا

[الدكتور المحتار]

وعليكم السلام ورحمة الله وبركاته
مممممممممممممم
انا راااح افيدك في موضوعك الاول لاني عااارف اجابته

الفرق بين الطب - والطب الموازي

هوا انو الطب الموازي دارسة سنة كاملة في كلية الطب من غير مكافأه
بعد كدا تتحولي طالبة عادية

يعني ما فرق غير في المكافأة فقط

اما عن الصيدله فا والله ما بعرف شي

واتمنى ان اكوون افدتك

والله يناولك ويناولنا مرادنا

[ذكرى البدر]

يعني في الطب الموازي نفس الدراسه الطب العادي
وبعدها ارجع للطب بمكافىه ؟؟؟؟


يسلموو على ردك وربي لك احلى دعووة

[الدكتور المحتار]

يب يب
الدراسه مع طلاب الطب ولا في فرق بينكم
بس الفرق انو اللي داخلين طب موازي يدرسو من غير مكافأه ؟؟


بس انا نفسي اسأل سؤال لطلبة الطب
يعني دام في اماكن في كلية الطب لييش حاطين طب موازي استهبال ولا استعباط ؟؟؟



ويسلمو على الدعوة وربي مرره محتاجها الفتره دي

الله يوفقك ونشوووفك دكتووورة قد الدنيا

[lovely one]

الدكتور المحتار ممكن لو سمحت توضح يعني بس اول سنه ما ناخد مكافاه ولا طول دراستنا في الطب ما ناخد مكافاه حدد لو سمحت؟؟

[JuStice]

.

وعليكم السلام ورحمة الله وبركاته ,

الطب الموازي كان زمان بـ رسوم .. لكن الآن ألغوا الرسوم , والفرق إن طلاب الطب الموازي ما يستلموا مكافأة .

عدد طلاب الطب الموازي عادة 15 أو أقل من أصل 160 طالب طب .. في نهاية السنة لو جابوا معدلات عالية يحولوا منهم كم طالب للطب العادي ويصير ياخدوا مكافأة .

بالنسبة للصيدلة إيوة أعتقد فيها صيدلة إكلينية .. Pharma D .

ويفيدوكِ أكتر طلاب الصيدلة

بس انا نفسي اسأل سؤال لطلبة الطب يعني دام في اماكن في كلية الطب لييش حاطين طب موازي استهبال ولا استعباط ؟؟؟

الطب الموازي للي معدلاتهم أقل + للي محوّلين من كليات تانية للطب أو من جامعة تانية .. تلقائي يكونوا موازي في النظام .

.

[دلــوعـة أمـهـا]

المشاركة الأصلية كتبت بواسطة justice . وعليكم السلام ورحمة الله وبركاته , الطب الموازي كان زمان بـ رسوم .. لكن الآن ألغوا الرسوم , والفرق إن طلاب الطب الموازي ما يستلموا مكافأة . عدد طلاب الطب الموازي عادة 15 أو أقل من أصل 160 طالب طب .. في نهاية السنة لو جابوا معدلات عالية يحولوا منهم كم طالب للطب العادي ويصير ياخدوا مكافأة . بالنسبة للصيدلة إيوة أعتقد فيها صيدلة إكلينية .. Pharma d . ويفيدوكِ أكتر طلاب الصيدلة الطب الموازي للي معدلاتهم أقل + للي محوّلين من كليات تانية للطب أو من جامعة تانية .. تلقائي يكونوا موازي في النظام . .

طيب لو بعد كده حولت لطب العادي اصير اولى طب ولا ثانية لاني اعرف انو نفس المواد صح؟,,

[Gerard]

شكراً لكِ ذكرى على طرح الموضوع ، كنت أود الأستفسار عن ذلك أيضاً ..

أخوتي ، الأن هل يعني أن الطب الموازي الذي هو بدون مكافئة قد يصبح بمكافئة بعد ترمين؟ إذ كانت الدرجات بحدود الb حتى!؟ (:

[miss you]

^^^

الله اعلم