انشاءالله كلكم تجيبو 100 بكرة في Statistics....تعالو

[Dr.Passed]

السلام عليكم
أنا الحمد لله زاكرت بس قاعدة احل نمازج وكده
بس ابغا امتحان الترم الأول احد عندو؟ لوسمحتو ساعدوني اكيد حيجي منو كتير...اكيد مافيهم يتفننو كتير مرة الترم دا فحتكون قريبة من الترم الي فات انشاءالله

الشي التاني انا دايما قلقي هو الي يخرب علي كلي شي...ما اقدر ما ابكي واعصب نفسي وهادا امكن السبب الوحيد الي بيخليني اخبص لأني والله مرة ازاكر كويس وفي بيتنا اعرف احل كلي شي بس في الجامعة وقت الإختبار ما اعرف ايش اسير فيا ="(

لوسمحتو في احد يقدر يديني رابط للإمتحان حق الترم الأول ولا يرسلو؟
الله يوفقكم شكرا

[little_angel]

http://stat.kau.edu.sa/Show_files.as...D=13007&Lng=AR

وبالتوفيـــق ..

[Dr.Passed]

المشاركة الأصلية كتبت بواسطة little_angel http://stat.kau.edu.sa/show_files.as...d=13007&lng=ar وبالتوفيـــق ..

شكرا الله يوفقك

[Dr.selly]

دعواااتك عندي اختبار بكره احياء ,,<<<وادعيلي بعد اني ادخل كليه الطب

[Dr.Passed]

المشاركة الأصلية كتبت بواسطة dr.selly دعواااتك عندي اختبار بكره احياء ,,<<<وادعيلي بعد اني ادخل كليه الطب

الأحياء حفظ وسهل اهم شي لمن تزاكر وانت تحفظ بس طالع في الإجابة الصحيحة وأفهمها...يعني عينك تجي على الإجابات الصحيحة عشان لمن تشوفها في الإمتحان تتزكر وتكون متأكد من اجابتك انها صحيحة.

الله يوفقك

[اميره بضحكتي]

اهلين المنتدى ظلم من بعدك


عسوله في استاده قالت انو نماذج سعيد الغامدي مهمه


اظن ادا كتبتي في قوقل سعيد الغامدي يطلعلك موقعه


موفقه حياتو..

[Dr.Passed]

المشاركة الأصلية كتبت بواسطة اميره بضحكتي اهلين المنتدى ظلم من بعدك عسوله في استاده قالت انو نماذج سعيد الغامدي مهمه اظن ادا كتبتي في قوقل سعيد الغامدي يطلعلك موقعه موفقه حياتو..

شكرا....اطريت اجي عشان النموزج حق الإمتحان وشكرا حدعيلك

[Dr.selly]

^^^^^

يعني ما اترجم وكدا ؟!!!

انا وصلت لصفحه 14 اللحين كلها اترجم السؤال والجوال عشان افهمها ؟

كيف الطريقه تمام ؟

[Dr.Passed]

المشاركة الأصلية كتبت بواسطة dr.selly ^^^^^ يعني ما اترجم وكدا ؟!!! انا وصلت لصفحه 14 اللحين كلها اترجم السؤال والجوال عشان افهمها ؟ كيف الطريقه تمام ؟

لوعندك مشكلة في اللغة طبعا محاتفهم من غير ترجمة..الطريقة الي قلتلك عليها حتساعدك تميز الإجابة في الإمتحان لمن تشوفها حتعرف انو دي الي حتختارها لأنك ما تعرف غيرها...الكتير يجيب 100 بالطريقة دي...بس عيبها انك محاتكون فاهم كويس الكلام بس حتكون عارف الإجابة الصحيحة...وانت بتزاكر اشر على الاجابة الصحيحة باأحمر ولا بالفسفوري عشان تكون واضحة ليك في الإمتحان انك تميز...هادي طريقة الذاكرة في الدراسة وتنفع اكتر شي مع الأحياء

[rano00nah]

^
^

الجوال سيبو في حآلو مآ يحتآج p=


يب طريقهـ أحسن انك تترجمـ =) . .

و كمــآن الطريقهـ اللي قآلت عليها الدكتورهـ كويسهـ . . يعني تقرى الاجآبهـ كويس . . أو تربط كلمه بكلمه


الله يسهلكـ و يوفقكـ ^^