على ذمة احد الأساتذه هذا ما حدث في التخطيط الإستراتيجي وسبب الرسوب الكثير(مصدر موثوق)

[سمني بكيفك]

السلام عليكم ورحمة الله وبركاته ...

صباح / مساء الخير للجميع

اولاً نحمد الله ونشكره على الأجواء الحلوة والأمطار الغزيرة على جدة ولكن حسبي الله ونعم الوكيل على من قتل فرحتنا وصرنا يا اهل جدة إذا شفنا اجواء حلوة وامطار نخاف ونتذكر الواقع المر اللي عشناه في الماضي القريب - حسبي الله على كل ظالم - طبعاً اليوم المدارس خرجوا من بدري وبلغوهم غداً مافيه مدرسة وهؤلاء هم المستفيدون فقط هههه...

ندخل في صلب الموضوع وآسف على المقدمة الطويلة ..

اعرف احد الأساتذة في كلية الإقتصاد والإدارة قسم الإدارة العامة أعرفه حق المعرفة من قبل الجامعة يعني اللقب واحد وهو مدرس كلكم تعرفونه حبوب وطيب والكل يثني عليه وأحياناً تكون هذه المادة عنده لكن قليل جداً المهم والله ما اقول إلا الصحيح يقول الدكتور محمد قالي في أحد الليالي لما قابلته قلتله يا دكتور محمد الدكتور بالخيور جاب العيد في الطلاب في التخطيط الإستراتيجي قالي لا وانت الصادق الطلاب انفسهم جابوا العيد في انفسهم الدكتور يوم الإختبار في الصباح شاف الأسئلة في المنتدى وقام غيرها تغيييرات بسيطة يعني أضاف عبارات مثل يجوز - لا يجوز - لا - فقط - زي كذا ولم يغير النموذج الموجود وعشان كذا الطالب اول ما يشوف الفقرة على طووول يجاوب بدون ما يكمل الفقرة للأخير وكانت نسبة الرسوب رهيبة ..

وقالي انصحكم لا تضعوا اسئلة في المنتدى لإنها مكشوفة للأساتذه وبإمكانهم تغييرها قبل الإختبار بساعة ...

هذا ما حبيت أن أنوه عنه لإنني شايف موضوع التخطيط الإستراتيجي كبر وربنا يستر ويحفظ ويوفق الجميع ....

ودمتــــــــم بحفــــــظ الرحمــــــــــن ...

[Tamim]

طيب اخوي هذا اللي تكلمنا عنه بعد ما طلعنا من الاختبار ان الاسئله فيها تغيير بسيط والكثير يمكن ما لاحظه والاغرب من كذا ان بعض الشباب يقول دخلت بورقة الاسئلة الاختبار وحليت نفس الحل ويشتكي ليش ما نجح

[سمني بكيفك]

المشاركة الأصلية كتبت بواسطة tamim طيب اخوي هذا اللي تكلمنا عنه بعد ما طلعنا من الاختبار ان الاسئله فيها تغيير بسيط والكثير يمكن ما لاحظه والاغرب من كذا ان بعض الشباب يقول دخلت بورقة الاسئلة الاختبار وحليت نفس الحل ويشتكي ليش ما نجح

إذا انت انتبهت غيرك ما انتبه ومرررت عليه ,,,

شاكر اخوي مرورك وبالتوفيق للجميع ,,,

[SkAyLaR]

نكبونا بوضع اسئلة الاختبارات ..

وآلحين استنى فتره وحتلآقي المواضيع ورا بعض يطالبو بأنزال نماذج الاسئله !!!

مآحد يتعلم !!

يعطيك العافيه ..

[مستشفى]

حياك اخوي أحترم وجهة نظرك او مصدرك
لاكن الاسئلة لم تنزل في المنتدى أي نعم الدكتور حصل على الاسئلة او على النموذج بس للا سف مش عن طريق المنتدى
كيف حصله عليها الله اعلم !!!!!!
غير في الاسئلة اي نعم غير و أعرف ناس مذاكرين المذكرة الرئيسية و مذكرة الدكتور ولم يعتمدوا على الاسئلة انما للمراجعة والحل دون اعتماد وشافوا التغيير وفي الاخير درجات ........
في لغز في المادة وما احد يكشف اللغز الا الدكتور نفسه!
معقوله من 665 طالب ما ينجح ألا 50 معقوله

[فهد العنزان]

بارك الله فيك أخوي بورغد على التوضيح

[ammorty]

قضية 50 طالب نجح ووحدة من الطالبات دي معلومة غير صحيحة اشاعة طلعها واحد كداب
طبعا لانه الكل شايل على الدكتور فهذا ارض خصبة لاي اشاعات ضد الدكتور
نسبة النجاح بين الطلاب النص وفي البنات عدد الراسبات 10 طالبات فقط

[فيصل457]

نعم لاحظنا التغير في اسلوب الاختبار .
ثانيا الاختبار نزل بالمنتدي وتم توزيعه على الطلاب هذه حقيقة ويجب ان نتلافى هذه المشكلة مستقبلا

[الموج الازرق]

اسمحوا لي جميعا الاسئلة لم تتغير واذا كان هناك تغيير فلا يؤثر تأثير في الدرجه الى هذا المستوى ونعرف جميعا ان الاسئلة قد تتكرر نصا وقد يكون هناك تغيير بسيط يلاحظه الطالب الذي استذكر الماده وقرأ الاسئلة بتمعن وفهم الاسئلة جيدا لكن اللي حصل /
مجرد ثورة غضب /الاحساس بالسخريه/حقد وحسد /احتقار للمنتسب/الأخذ بالثأر/بالعاميه انلعب عليه

طبعا هذه الاوصاف تعبر عن المصحح عندما صحح فرأى انه من الضروري رد اعتباره بأي طريقة كانت وحصل مارأيتموه من درجات 60-62-64
تلميح بسيط:,,,
انا لم اكتب هذا الكلام ظلما او بهتانا ولكن انا طالب مجتهد ولم يكافأ على قدر اجتهاده بالدرجه التي يستحقها بل اعتبر انني سلبت 38 درجه لأجل الدكتور( خاطره انكسر)

ولكن مااقول الا حسبي الله على من ظلمنا واسف على الاطاله ........

[okتعبان]

ماقوال الا يقاسمون الفقير على خبزه
يعني ياشباب

حرب غير متكافاه