ممكن تشرفوني استفسر عن التخصص الفرق بين التغذيه الالكلينيكيه والتغذيه حقت الاقتصاد

[اسكن عيوني]

السلام عليكم

كيفكم

حبيت اسال الفرق بين التغذيه الالكينيكيه والتغذه حقت الاقتصاد بليز

لانو قربت التخصصات تفتح لتحضيري

[sarona511]

و عليكم السلام ورحمة الله و بركاته
عزيزتي الفرق بين التغذية الاكلينيكية و التغذية الي في الاقتصاد
انه نحن ندرس التغذية العلاجية الطبية و ندرس التغذية في حال الصحة و المرض و طبعا بندرس مواد طبية زيادة على مواد التغذية زي مثلا علم التشريح و علم الامراض و علم وظائف اعضاء...
اما التغذية الي في الاقتصاد فهم يدرسون التغذية في حال الصحة فقط و ما يدسون مواد طبية
و خريجة التغذية الاكلينكية تصنف كأخصائية تغذية علاجية أو سريرية على حسب الوحدة ايش تختار عند اختيارها للوظيفة
أما خريجة الاقتصادد المنزلي تصنف كأخصائية تغذية فقط
اتمنى اكون افدتك

[Nouf m]

أخصائية تغذية يعني زي اللي بيعملوو دايت وكذا
يعني دكتورة !!

[fatoom sweety]

بس وحدة قالتلي انه التخصص تغذية في الاقتصاد المنزلي يكونوا فنيات مو اخصائيات زي اللي في كلية العلوم الطبية بس ما ادري اذا هالكلام صحيح او لا

[sarona511]

المشاركة الأصلية كتبت بواسطة nouf m أخصائية تغذية يعني زي اللي بيعملوو دايت وكذا يعني دكتورة !!

ايوه زي الي بيعملوا دايت
هي اخصائية تغذية علاجية (اكلينيكية) مو طبيبة

[sarona511]

المشاركة الأصلية كتبت بواسطة fatoom sweety بس وحدة قالتلي انه التخصص تغذية في الاقتصاد المنزلي يكونوا فنيات مو اخصائيات زي اللي في كلية العلوم الطبية بس ما ادري اذا هالكلام صحيح او لا

صراحة انا ماني متأكدة إذا هما اخصائيات و لا لا
بس اذا هي اخصائية فراح تكون اخصائية تغذية فقط
اما خريجة التغذية الاكلينكية تصنف كاخصائية تغذية اكلينكية علاجية (طبية)

[Nouf m]

طيب التغذية الاكلنيكية يعتمد عالحفظ ولا الفهم اكثررر !!

[sarona511]

يعتمد على الاثنين هيا فيها حفظ كثيررررررر بس ما ينفع ابدا تحفظي من دون ما تفهمي ^_^

[miss jodi]

معليش عندي استفسار

موادها يبغالها مذاكره زي الطب كل يوم بيوووومه ومررا ماتتركي الكتاب في حاله ؟؟!!!!
يعني مو قصدي انه ابغاه مرره سهل ههههه << ان شاء الله فهمتوا


وكمان عندي سؤال >>> أنا خايفه من الاختبارات لأنها حتكون مقاليه مو زي التحضيرري
فـ مو مستوعبه اني حكتب كلام انقلش ومصطلحات ومدري ايش
أخذتوا وقت على مااتتقبلوا الوضع ؟؟ ولا عادي

ومشكووورين مقدما

[sarona511]

يب يب المذاكرة يوميا و اي شئ في كلية طبية لازم مذاكرة اول بأول مافي دلع ابدا
اما بالنسبة للاسئلة لا عادي راح تتعودي عليها ^_^