بخصوص bus 473

[م/ المستقبل]

مساء الخير اخواني الإداريين من كلية الإدارة والإقنصاد

أنا طالب من كلية الهندسة تخصص هندسة صناعية وعلى وشك التخرج بإذن الله
طلبي لكم هو بخصوص مادة اختيارية نزلتها من قسمكم الموقر
واللي هيا إدارة أعمال دولية مع الدكتور محمد خياط bus 473

حبيت اسألكم عن مستوى المادة هل هيا صعبة ولا سهلة
وكمان أهم شي كيف الدكتور محمد خياط .. هل هو يعتبر من النوع الشديد وكيف اسئلته

أتمنى ما تبخلو عليا بنصايحكم وبالتوفيق للجميع

[الياقوت]

أختباراته مقالي ..بس سهلة وما أحد يجيب أقل من 85 في المادة...

بس أهم شي لا تترك لورقة فاضية...أكتب أي شي ..

ونبدأ ع بركة الله أول أختبار السبت

[م/ المستقبل]

شكرآ يا غالي على تجاوبك
من جدك أنت إختبار السبت !!!

ممكن تقلي ايش اللي أخذتوه من صفحة كم لكم أو بمعني آخر ايش الأبواب المطلوبة في إختبار السبت .. لأني نزلتها أمس الربوع وما عندي خبر انه في إختبار السبت

الله يجزيك خير أتمنى من باقي الأخوان ينجدوني .. ترا رميت عقالي عندكم p:

[م/ المستقبل]

Up .. Up .. Up

[الياقوت]

أها .. أنت شعبتك الساعه كم....؟

الاختبار من 10 درجات ... وما يعتمد ع الكتاب الاختبار أبدا ... على فهمك ... أنا ما اشتريت الكتاب لسى خخخ ولا راح أذاكر من الكتاب لانه ما يحتاج مذاكرة قوية .. بس أقرا من هذا الملخص الى صفحة رقم 6فقط .. ولا تشيل هم المادة ..
وجيب معاك ورق فرخ(روح المكتبة وقول له أديني ورق فرخ) ..لان الاختبار حيكون عليه
لا تنسى تقول لي شعبتك الساعة كم...؟

[الياقوت]

وهذا الملخص...

[Madridi]

ياشباب احد يدري وين كتاب هالماده !! لانه سألت بكذا مكان بس قالوا انه مو موجود ..

[م/ المستقبل]

شعبتي يا باشا
سبت - اثنين - ربوع
من الساعة ٢ الى ٣


والله يسعدك يا شيخ قول امين

[الياقوت]

ويسعدك يا رب

مدريدي الكتاب حتى صاحبي ما حصله ... أصبر عليه شويا

[م/ المستقبل]

دحين الاختبار لشعبة وحدة ولا كيف ؟
وهل اتغير وقت محاضرة شعبة الساعة 2 ولا نفس الموعد
لأني سمعت من الطلاب ان الدكتور بيخليها تبدأ 12

والمحاضرة في ايت قاعة ؟