الله يخليكم ساعدوني تكفون محتاجة مساعدتكم..

[Booshi]

السلام عليكم ورحمة الله وبركااته..
مساكم الله بالخير ياحلوين...أتمنى إن كلكم تكونوا بصحة كويسة..
ياجماعة الله يخليكم خذوا موضوعي هذا بجدية وأتمنى من كل قلبي إن اللي له خبرة يساعدني لو بنصيحة..والله لي كم يوم قلقانة وبس أفكر خلاص ماأنام كويس ولا ذقت طعم الراحة..ربي يسعدكم لاتقولولي روحي عمادة ولا اسألي لأني رحت وسألت ومالقيت شي يفيدني الله يسامحهم بسس..

أنا بقول لكم قصتي من بدايتها ..

أول شي أنا طالبة أول سنة تحضيري((علمي))مرررة تعبت بالسمستر الأول بجد عانيت كثييير وتقريبا كل الموادfإلا الانقلش..وخلاص أبغى احول إداري..وأدري كان فيه فرصة للتحويل لإداري إنساني لكن والله إني ماكنت أدري ومادريت إلا بعد ماخلاص قفلوا باب التحويل ..صرت أسأل صديقاتي واللي لهم شوية خبرة في الموضوع..في ناس قالولي:((اسسحبي ملفك و ارجعي قدمي السنة الجديدة الله لايهينك)) ..و ناس قالولي:((لااا وي إيش اللي تسحبي!!خليكٍ مداومة هذا السمستر كله ولاتدخلي صيفي طالما إنك حاملة مواد يصير تدرسي أول سمستر بالسنة الجديدة ولما يفتحوا باب للتحويل للإداري للطالبات الجدد تحولي معاهم))..
سمعت من الكل وماأعرف إيش أسوي!! من جـــــد خآآآآآآيفة ومتوترة أحس إني قاعدة أضيع مستقبلي بيدي:( ....دحين إيش أسوي أسحب ملفي وأقدم السنة الجديدة؟ ولا أمشي وأكمل بس ماأدخل صيفي؟الله يخلييكم تكفوون ياجمااعة أبغى مساعدتكم ونصايحكم..مع العلم إني خايفة لو سحبت ماأنقبل السنة الجديدة لو أموووت:(أخاف يقولوا أولوية وأفضلية:(وكمان كاتبين بند في الكتيب اللي أعطونا هو أيام اختبار التحصيلي يقول:((لاتقبل الجامعة أي طالب سحب ملفه من الجامعة أو أي جامعة أخرى إلا إذا مضى على الانسحااب ثلاثة أشهر فأكثر قبل بدء الدراسة..))مافهمت يعني لو سحبت دحين ماراح انقبل ولا إييش؟؟قولولي إيش أسوي مرة محتارة وقلقانة واستخرت كثيير بس ماحسيت بأي راحة..ودي أكمل بس بنية إن أحول بداية السنة..و ودي أسحب عشان ماأبغى اوررط نفسي..تكفون أستنى ردوودكم..ولكم مني كل الدعاء من القلب..

[أبوفهد1]

اعتقد والحال ما قلتيه اقول ربما الانذار الاول وصلك أليس كذلك ؟ وهذا بسبب انخفاظ المعدل !!! يعني عندك فرصه لتعديل او تصحيح طريقتك في المذاكره وربما هذا خير لك يختي .. اقول لك :-

اولا :- فكرة الانسحاب لا تفكرين فيها البته وألغيها وطرديها من مخيخك الباطني والظاهري .
ثانيا :- استمري بما ا نت فيه وخذي ساعات قليلة 12 ساعة في هذا الترم وحاولي رفع المعدل قدر الامكان وبتعدي عن الانذار الثاني قدر المستطاع يعني جاهدي نفسك بالمذاكره حتى الدرجات تتعدى خط 95 درجة لكل مادة .. وهذا تقدرين عليه بإذن الله تعالى ..
ثالثا :- إذا ارتفع المعدل واصبحتي في منطقة ترتاحين فيها من حيث المعدل ساعتها تقدرين ان تحولين لكن اولا ارفعي المعدل وقومي بتصحيح وضعك أولا وفكرة التحويل خليها بعدين ..لكن اولا رفع المعدل وبداء من الان والترم والسنة القادمة الفصل الاول والثاني لابد ان تجتهدين في اربع فصول دراسيه لانه بعد كذا يبداء المعدل بالصعود التدريجي واي هزة من اي مادة ربما تحدث ملا يحمد عقباه ... اسال الله لك التوفيق والسداد

أبوفهد

[Booshi]

اوكي جزاك الله خير بس أنا تحضيري مو متخصصة..وخلاص ماأبغى أكمل علمي واستخرت ربي وماني مرتاحة فيه ..أنا أبغى الطريقة الصحيحة اللي تخليني في الإداري سواء دحين أو السنة الجديدة ماعندي مشكلة..تنصحوني أسحب ملفي وأقدم من جديد؟ أو أكمل بس ماأدخل صيفي وأحول بداية السنة مع الطالبات الي حينفتح لهم باب تحويل؟؟غرضي واضح..

[أبوفهد1]

اختي الكريمة حذرتك من ان تسحبين وإعادة التسجيل من جديد ارضي بما قسم الله لك افضل لك .. شدي حيلك فيما انت فيه ولا تدرين ماذا يحدث غدا ... لا تسعجلين رزقك وجتهدي بالدعاء ... انت في التحضيري ولا انت متخصصه فهذا افضل إذا حصلتي على المعدل المطلوب للتحويل بسهوله تحولين او تطلبين التخصص الذي تريدينه .. التحضيري مدته فصلين كاملين اي سنة وبعدها تخصصين التخصص الذي ترغبينه يختي اطمئني الحل لمشكلتك هو انت شدي حيلك بس احذري ان ينقطع ههههههه

[Y-NOT]

وعليكم السلام ورحمة الله وبركاته
الله يعينك يا أختي
وصراحة لو أنا مكانك كنت راح أسحب وأقدم السنة الجاية إداري لأنو لازم يكون لك ساحبه
ثلاث أشهر أو أكثر قبل لا يبدأ التقديم في السنة الجديدة
وطبعاً إذا قدمت ما في شيء اسمه الأولوية والأفضلية تعتبرين زيك وزي الي توا متخرج من الثانوي
بس لازم تتأكدي أن النسبة المركبة(قدرات-تحصلي-ثانوي)تضمنلك أنو تنقبلين
يعني ما تكون النسبة طايحة وتكونين في محل شك (هل أنقبل ولا لا)

والوقت الي راح تكونين فاضية فيه استغليه يعني مثلاً تذاكرين إنجليزي ولا مواد السنة الجديدة
عشان تكونين مستعدة وتتجنبين أي مفاجأت
أتمنى لك كل الخير والتوفيق

[صعــــ المنـــال ـــة]

,وانا مع y-notاقولك اسحبي افضل
تحياتي

[Booshi]

طيب صحبتي راحت سألتلي في العمادة وقالولها في إمكانية أحول السنة الجديدة مع الطالبات الجدد يعني شفت إنها أفضل من فكرة السحب..ولا ايش رأيكم؟

[Booshi]

مع العلم إنو كدا ولا كدا ماراح ينحسبلي شي من دي السنة لو حولت إدااري..

[واثق الخطى 1]

انا اعرف واحد من اخوياي سحب ورجع قدم السنه اللي بعدها
وعادي انقبل واوضاعه تمام ((لكن على ماسمعت انوا لازم تسحبين قبل التقديم ع الجامعه للسنه الجديده بــ3 شهور ))
وبصراحه لو اني مكانك وابغى احول اداري كان سحبت الملف اليوم قبل بكره
واذا تبغين الكلام الصحيح100% روحي اسئلي العماده عشان احنا ماندري يمكن يكونوا غيروا انظمه وانت ادرى كل يوم قرار جديد..