بخصوص تغيير الحالة إلى ( طالب متوقع تخرجه )

[ضيدان]

اليوم تم الرد على المعاملة الإلكترونية

بعد تقريبا ثمانية أيام إنتظار

ارسلت لهم اوضح لهم وضعي واني من خارج جدة (الرياض) واني انهيت بنجاح 113 ساعة (مكتسبة) ومتبقي 16 ساعة الترم هذا وطلبت تغيير الحالة من ( طالب مستمر بالدراسة ) إلى ( طالب متوقع تخرجه ) وكتبت لهم الإسم باللغة الإنجليزية وجلست انتظر وجاء الرد اليوم



لا بد من حضورك او تفويض احد لتعبئة النموذج في الكليه وتسليمه لمسجل الكليه


يعني لابد من السفر لجدة لتغيير الحالة

[البروفسور]

هذه مشكلة الجامعة لابد من حضور وتعبئة استمارة وتوقيعها من رئيس القسم ويتم التغيير للطالب الذي يريد اضافة مواد تفوق جدوله اما بالنسبة لك مايحتاج تغير اضف مواد فقط جدولك يسمح لك

[ضيدان]

يا جعل الوناسة تدوم في بريدة

الف شكر على الرد

بس مو لازم اغير الحالة على شان التخرج؟؟؟

[شجره المسك]

الله يعينك أخي
طيب ما تقدر تكلم واحد من أعضاء المنتدى اللي في جده يروح ويغر الحاله ...لأن لازم تغير الحاله خلال شهر من بدايه الترم (هذا كلام المشرفه )المهم حاول إذا تعرف أحد يساعدك وبالتوفيق

[ضيدان]

الف شكر لتفاعلك اخت شجرة المسك

لا ان شاء الله بنروح

الحمدلله حنا مجموعة بالرياض لكن بنسوي تفاويض لواحد من المجموعة

وان شاء الله سهالات

بس اللي يرفع الضغط العالم وصلت المريخ

وكليتنا الى الحين
لازم تحضر تسلم الورقة بنفسك

رغم وضوح كل شئ الكترونيا ... والدرجات عندهم والساعات المكتسبة وكل شئ يبغونه عندهم

فوق هذا كله اي شئ يبغون نقدر نرسله dhl غير المسح الضوئي وارسال البريد


لكن الله يعين ... تخصص تنظيم وتطوير .......... والتعامل والواقع رجعي بحت

[شجره المسك]

تبغى أزيد أرفع ضغطك ....أمزح
أحكيلك إيش صار معي أمس
أنا ذهبت إلى الجامعه الأحد الماضي عشان أغير الحاله وقالت إرجعي لي لما تنزل ماده البحث في جدولك عشان نكمل باقي الإجراءات ويوم نزلت أمس رحت للجامعه ومشوار وتعب والجامعه بعيده وإنتظرتها ساعه لين جت وفي النهايه قالت لي خلاص بس ما كنت أبغى شئ بس بغيت أعرف إنك ما راح تغيري في الجدول خلاص روحي
طبعا أنا كان بيغمى عليا ورحت ...........
الله يعين

[فهد العنزان]

والله هذي النقطة يا أخوي فايز تم مناقشته قبل عام مع الدكتور عبدالفتاح مشاط المفروض من خلال نظام الإوديس يتاح لك تعبئة النموذج وفيه إمكانية ترفع منه صورة للجواز السفر ويتم إنهاء الإجراء من خلال العمادة والكليات من خلال البريد الإلكتروني ؟

وش نقول بس يا مستر ضيدان وش نقول :)

دمت بود