ساعدوني في الكيمياء

[الثنائي المرح]

السلام عليكم

الله يخليكم انا ذاكرت من البوربوينت حق الدكتورة ليلى وفي كم شريحه ماني فاهمه منها هيا تافها بس انا مو قادره استوعبها وهيا في الشبتر الاول ياليت تساعدوني الله يخليكم

وهذي ارقام الشرايح
12و13و14و19

[Majed7]

اختي ارفعي الملف خليني أشوف .. وإن شاء الله أقدر أساعدك ^_^

[الثنائي المرح]

هدا الملف

[Majed7]

حلو .. كل أسئلتك عن التحويلات ( مرره سهله ) .!

إنتي تبغي شرح للمسائل ولا شرح للدرس عشان أفهم بس ؟

[الثنائي المرح]

ايوة ادري انها سهله بس مو قادره افهما لالا شرح نفس الشرايح

[الثنائي المرح]

الي هيا المسائل وانا حاطه ارقام الشرايح

[Majed7]

نقولـ بسم الله الاولـ ..



أهم شيء خيتو تحفظيـ هذي التحويلات عشان تقدري تمشي في هذا الباب ..

يعني قبل لا تبدأي في حل أي مسأله تكونيـ حافظه الجدول اللي فوق .!

---------------------

( 12 )




في السؤال يقولك تبغى اصغر قيمه موجوده .. وأعطاني قيم مختلفه الوحدات ( m .. cm .. micrometer ..pm )

طبيعي وواضح إنو ما نقدر نحكم على أصغر قيمه والقيم وحداتها غير متساويه .. فـ لازم نوحد وحداتهم بـ تحويل كل وحده لـ m ( دائما نحول لـ m لانها الاساس .. وممكن تحوليها لـ أي وحده ثانيه بس بشرط يكونوا كلهم نفس الوحده ^_^ )

أعطاني 21 m .. ما تحتاج تحويل لاننا أصلا نبغاها بالـ m ( خلصنا من الاولى )

وعندي 2.1×10^2 cm .. نحولـ هذي القيمه لـ m ( نضرب القيمه بالـ cm في 10^-2 ) طبعا موجوده في التحويلات بس محتاجه حفظ ..

المهم يطلع ناتجها 2.1 m ..

نجيـ للـثالثه .. 21 mm ( لمن نحول من مايكرو لـ متر - من صغير لكبير - نضرب في 10^-6 ) وتطلع ناتجها 0.021 m

نجي للاخيره .. 2.1×10^4 pm ( لمن نحول من بيكو لـ متر نضرب في 10^-9 )

ويطلع ناتجها 2.1×10^-8 m

______________

خلاص قارني بين النتايج وشوفيـ اصغر قيمه ( واضح إنها الاخيره ) ويطلع جوابك صح ^_^

[Majed7]

(13+14)
--------




في السؤال يقولكـ .. حوليـ 6 كليومتر إلى مايكرو متر ؟

يعني من km إلى mm .!

إش الفكره اللي هنا .. إنو في جدول التحويلات مافيـ تحويل من كيلو لـ مايكرو ( لانو وحده الكيلو من المضاعفات .. ووحده المايكرو من الأجزاء )

وحلها بسيط جدا .. عباره عن خطوتين :-

1- نحولـ من km إلى m ( من كبير لصغير نضرب في 10^3 ) والناتج يطلع 6×10^3 m

2- نحولـ من m إلى mm ( من كبير لصغير نضرب في 10^6 ) والناتج يطلع 6×10^9 mm

طبعا عارفه إنو نعرف التحويلات من الجدول .. لمن نحول من متر لـ بيكو .. أو من متر لـ كيلو ( يعني لازم تحفظي الجدول عشان تحولي ) .!

-------------------



السؤال هنا : نحولـ أولـ شيء لـ متر ( m ) .. وبعدين نحول لمايكرومتر ( mm ) ؟

تبغي الصراحه أنا مانيـ فاهم وش تبغى الدكتوره ليلى من هالسؤال - أحسو مو واضح - .!

فـ ما عليكيـ إلا من طريقه التحويل بس ..

1km = 10^3m

معروفه هذي تلقيها بالجدول .. ودائما لاحظيـ من كبير لـ صغير نضرب , ومن صغير لكبير نقسم ( نضرب في سالب الاس )

طيب .. 1m=10^-3km

لاحظيـ في الحاله الثانيه من صغير لكبير ..

أنا أشوف إنو مجرد ما تفهميـ الفكره اللي كتبتها راح تستغني عن السؤال اللي فوق ^_^


والسؤال الثاني واضح تضربيـ الطرفين في بعض وتصير على شكل معادله ( لو ما فهمتيها راح أشرح لك هيا )

[Majed7]

19 ..

-----------



السؤال باختصار : حوليـ 1×10^-7 mm ( مليـمتر ) إلى nm ( نانومتر ) ؟

طبعا التحويل راح يكون من كبير لـ صغير ( يعني نضرب بدون شغله الاس السالب ) ..

(1×10^-7 × 1×10^9 ) / 1×10^3

ضربنا الرقم في قيمة الوحده اللي نبغى نحولـ لها ( النانو ) .. وبعدين نقسم الناتج على الوحده المعلومه ( الميليـمتر ) ..

_________________


حسابك 50 ريال ..

[Majed7]

سوري نسيت مسأله ..


تبغى منك تحوليـ ( سنتيمتر مكعب ) إلى ( متر مكعب ) ..

لازم تعرفيـ إنو التحويل من cm^3 إلى m^3 ( صغير لكبير ) نضرب القيمه في 1×10^6

والعكس لو نبغى نحول من m^3 إلى cm^3 ( كبير لصغير ) نضرب القيمه في 1×10^-6



أتوقع الحل وضح على كذا .. اضربيـ الثيمه ( اللي هيا 1 هنا .. حتى لو أعطاكيـ أي قيمه ثانيه مو مشكله بس اضربيـ القيمة المعطاه في قيمة التحويل ويطلع لك الناتج )