ايش اسوي مع الثقافة

[ريتا]

صباحكم ورد
حبيت استشيركم في الثقافة
الى الان ما اضيفت لي ثقافة 2
وانا باقي لي 3 اترام ومن ضمنها هذا الترم
وباقي ثقافة 2 3 4
فما هو الحل يا جماعة الخير
شعب ما في!!! عشان اضيفها
جدة ما اقدر اروح عشان العمل
افيدوني جزاكم الله خير

[basma ali]

لسا اصلا مافتحت الشعب
ويمديك تضيفينها عادي لاتخافي .

[nany ju]

ان شاء الله تلقى احد يفيدك

[ورده غطتها الثلوج]

كذا مره اروح ويقولوا فل فل فل كرهت كلمت فل منهم

انا كمان زيك وخارج جدهـ

بس راح اروح مره تانيه لهم مع بداية الدوره واكلمهم وانتي خليكي وراااهم وراااهم

[ثامر البراق]

رح تفتح الشعب وتتوسع
فلا تشيلي هم .. رح تضيفيها

بالتوفيق

[jolya]

تقدري تقدمي طلب الكتروني من الاوديس وتشوفي واذا مافي عادي مع بدايه الدورة روحي وهما رح يتفهموا اكيد بس لازم تطالبي بقوة يعني مو من مره وحده وخلاص

[نور]

دوبي دخلت على الشعب لقيتها مفتوحة حقت اخلاقيات العمل وادارة الخدمة المدنية بس مافي اسماء الاستاذات
عادي اختار اي شعبة ولا استنى
والتقافة لسى الشعب حقتها مقفلة

[المهندسكو]

يا خوفي من شي واحد وهوا ما حصل لي قبل فترة في المحاسبة الحكومية
وهوا كالتالي :

طبعاً انا منتسب ، وجيت وحذفت المحاسبة الحكومية وبغيت انزل ثقافة إسلامية 4

ورفض ؟؟؟ وجيت أبغا ارجع المحاسبة الحكومة ورفض ؟؟؟ وقلت في نفسي وش هذه الكارثة إلي حلت ..

وفي الأخير أكتشفت أنني انا المخطأ ... تدرون ليه ..


لما اجي ابغا اضيف الثقافة الإسلامة كنت اختارها واجي اضغ اضافة .... ويقول لي الشعب مليانه
وارجع اعيد الكرة مرة ثانية .. ويقول لي الشعب مليانه ..


وفي الأخير ،، تدرون وش المشكلة ..
كان المشكلة أنني لم اختار قبل الضغط على إختيار كلمة ( إنتساب ) ، وهي تأتي يسار على الشاشة في مربع فيه خيارين ( إنتظام وإنتساب )

عموماً قد تكون هي المشكلة ، وقد يكون غيرها ... ولكن حاولي ، والله يعينك ..

[عبدالعزيز الاحمد]

ماقصروا الأعضاء بالردود.

[عـ,,,ـل]

انا الترم اللي فات كنت ابغا اضيفها وماانضافت

وابغاها دا الترم ولسه ماانضافت

بس ان شالله تتوسع الشعب ونضيفها