بنات ساعدوني طلبتكم :(

[وحي القلم]

سلام عليكم

يا بنات الانتساب اللي اخذوا الاحصاء في العلوم الانسانية اش الكتاب او الملخص اللي ذاكرتوا منه؟؟؟

وفي اي مكتبة الاقيه ؟ هل هو نفسه هذا: ؟؟؟؟؟

http://www.kau.edu.sa/Lbaharith/soc102.htm

ولا في شي غيره

تتوقعوا يتغير المنهج هذا الترم

بلييييييييييز ابغى اجابة سريعة لاني ابغى اذاكر بدري عارفين الدورة متاخرة فاحتاج اعرف المنهج

بليز الله يسعدكم

[.. بيســـان ..]

الترم اللي فات كان عندي احصاء ..

اشترينا الكتاب اللي موجود في المفردات

و لمن حضرت الدورة قالولنا الكتاب مو مطالبين فيه مع إنو كتاب الإحصاء كان ( غالي )

و البنات خسروا كثير من هالحركة .

و ألزمونا بشراء ملزمة للإحصاء من إعداد معلمات المادة في الجامعة ,,

و كانت الملزمة عبارة عن عروض البوربوينت الموجودة في الرابط عندك فوق.

و جا في الإختبار كله من الملزمة ,,

أنصحك ما تستعجلي و أحضري الدورة لو تقدري

[@ندى@]

نفس الكتاب الي في المفردات حملي من هناك هو المعتمد غير كده لاتشتري وكلنا درسنا الكتاب واخذت درجة 84في المادة الحمد لله

الاسئلة كانت سهلة والقوانين اعطونا هي بورقة بلاختبار احلى مادة جات سهلة

[وحي القلم]

شكرا عزيزتي بيسان ونخدمك في الافراح ان شا الله


ندى ما فهمت بيسان تقول الكتاب او الملخص اللي بعرض البور بوينت فوق وانتي تقول الكتاب اللي من المفردات
يعني اذاكر من الكتاب ولا من هذاhttp://www.kau.edu.sa/Lbaharith/soc102.htm
ومشكورة عيوني ما قصرتي

[@ندى@]

ايو هو عرض البور بونت صوري ونزلي بملزمة وذاكري منها

وكمان تحصلي جاهز ينباع بمكتبة خوارزم بلجامعه نفسها

[وحي القلم]

الله يعطيكي العافية ياندى انتي وبيسان ما قصرتوا والله يسعدكم يارب في حياتكم ولا يحوجكم لاحد على ردودكم السريعة

موضوعي اتلطع في قسم الاداب ومحد رد قلت اكتبه هنا

جزاكم الله خير

[الجــــــوري]

هلا حبيبتي انا ولله الحمد جايبه فول مارك في الاحصاء وذاكرت من الملزمه بعد الله كل الاختبار كان من هذي الملزمه لاتذاكري من الكتاب ابدا لانه يلخبط واضم صوتي لصوت الاخوات احضري الدوره وشوفي يمكن يكونو غيرو المنهج
دعواتك

[وحي القلم]

تسلمي يا الجوري عزيزتي

بس انا كنت ابغى المنهج قبل الدورة مضطرة احتمال ما راح افتح اي كتاب قبل الاختبارات باسبوعين وشي فابغى اذاكر من دحين

ادعولي اولد بالسلامة

[أم رضوان]

السلام عليكم قلبي

انا عندي احصاء وتحليل احصائي السميستر هذا واستاذة الاحصاء مريم باحشوان انصحك تشتري الكتاب لانهم نقحوا وخلوا الكتاب شكله يفتح النفس وفيه له تطبيقات كثيرة يعني حتستفيدي منه كثير وسعره 40 ريال فقططططططط والاستاذة قالت انها راح تنزل العرض في موقع الجامعة الخاص لهم يوم السبت ان شاء الله
والاخبار هذي طاااااااااااااااازجة لاني اليوم كانت عندي احصاء ... واي خدمة في الاحصاء انا جاهزةةةةةةةةةةة

[وحي القلم]

اختي ام رضوان

اول شي يعطيكي العافية على مرورك وماقصرتي والله
ابغى اعرف كم رقم المادة لانه ما اعرف اذا نفسها لاني اداب وانتي ادارة واقتصاد وعندك تحليل احصائي فكانها هذي المواد الجديدة المعدلة في الخطط

انا مادتي الاحصاء في العلوم الانسانية 102soc