بصراحة شي يحيير ..وصدمة قوووية بالنسبة لي ..

[زحمة مشآعر]

السلام عليكم ورحمة الله وبركاته

تحية طيبة في هذا المساء الطيب واسال الله لكم التوفيق يارب ,,,

اقولكم الصراحة بس ماتعلمون احد <<<<<<احس انه واحد معطيني كف على وجهي الا الحين مو فايق منه هههههههههه وربي جد

تخيلو كل المواد ناجح فيها ودرجات حلوة الا التفكير ياجماعة الخير وربي وربي اني حال تمام التمام حتى وانا خارج من الاختبار اقول في نفسي مااراح انزل عن الثمانين لاني واثق حلي كان حلو

وتفاجات لمن طلعت النتائج اني راسب والنتيجه 46 والله شي يقهر معقوله ارسب في التفكير مو مصدق بصراحة وربي مو مصدق

اخر شي قلت في نفسي يمكن اول اختبار ولا عبيت الدوائر بقلم الرصاص بشكل جيد لانه اول اختبار ولا اعرف وش السالفه


السؤال //// عطوني حل او طريقة اقدر اني اخليهم يراجعون ورقة الاختبار لمادة التفكير لاني والله مو مصدق اللي صار


كيف الطريقة خصوصا اني ساكن في الرياض والغريب في الامر ان درجة اعمال السنة لم ترصد لاني انا اطلعت على صفحة الاجابات من خلال رابط في الجامعة وجمعت الدرجات طلعت نفس الدرجة المرصودة مع العلم اني احل الواجبات اول باول والاختبارات احلها اول باول ولا عمري تاخرت عن اي واجب او اي اختبار


تحيتي وخالص ودي <<<بس والله مقهور

[خـا!لـد]

هههههههههههههههه مو بس إنت التفكير حاسنا كلنا ، كنت أتوقع فوق 85 والحين أقول يارب 80
درجتنا مانزلت معلقة بس لو تبغى تعرف اختبارك ادخل على الموقع هذا
http://prod.kau.edu.sa/fah/WebSite/A...llment_ST.aspx
بيطلع لك الاجابة الصحيحة واجابتك بدون السؤال وياريت أحد يفيدك أكثر
على فكرة الموقع معطل حالياً
وبالتوفيق.

[سارة إبراهيم]

دحين دا الموقع من جد يبين الدرجة

[خـا!لـد]

المشاركة الأصلية كتبت بواسطة سارة إبراهيم دحين دا الموقع من جد يبين الدرجة

هذا الموقع يبين درجة الاختبار النهائي فقط، طبعاً تطلع الدرجة من 100 ويحسبوها هم مع درجة أعمال السنة ، يعني لو التوزيع 50 ، 50 راح يقسمون الدرجة اللي في الموقع هذا على 2

[زحمة مشآعر]

الله يعطيكم العافية على الردود بس الا الان مو محصل اجابه تشفي اللي في خاطري

كيييييييييف اعيد مراجعة ورقة اختبار هذي المادة اللي رافعة ضغطي بصراحة

[ام البطلات]

اخوي زحمة مشاعر مافي الا انك تكلم استاذ الماده بشكل ودي جيب رقم مكتبه او رقم جواله من خلال موقع الجامعه وتكلم معاه بشكل ودي وفهمه..
إذا مااستجاب لك الله يعينك مافي الا انك تقدم اعتراض لرئيس القسم من خلال حضورك لأنه حتى لوقدمت معامله إلكترونيه تعترض فيها يلزموك بالحضور ...
وترى مو لازم تدفع ٥٠٠ ريال ...
واحرص لاتضيع درجاتك!!! لأنه الرسوب يخسف بالمعدل هذا غير انه يحرمك مرتبة الشرف بالمستقبل إن شاء الله...
الله يسهل أمرك ،،، ويفرج همك،،

[ماليزي]

مالك إلا تروح لجده اذا تبي تخلص على طول
ولا دور جوال استاذ المادة >> مع اني اعتقد بأن ذهابك إلى اسرائيل لأخذ الإذن بزيارة القدس اسهل من حصولك على جوال استاذ المادة

[شايل جروحي بروحي 2010]

الله يكون في عوونك أخوي