تبسيط لمادة الاحصاء 110

[جالكسي22]

السلام عليكم....

كيفكم ياحلويين؟...وكيف استعداداتكم للاختبارات؟؟...ان شاء الله بدأتوا تنظموا اوقاتكم...

ابا اسألكم عن مادة الاحصاء؟!...

مافي ملخصات... شرح مبسط للمادة...بليز اللي عندو اي شي لايبخل علينا...
لأنو بصراحة مررة حايسة وماني عارفه ايش اذاكر وايش اخلي...والاختبار خلاص قرب...
بلييييييييييييييييييييييييييييز....


دعووواتي القلبية للجميع بالتوفيق...

لاتنسوني من دعواتكم...

[me..]

سوري جالكسي ،،، أنا وضعي زيك الاحصاء مو بس حاايس أصلا كل شي حايس عندي ... بس ازا عرفت اي شي خلال يومين ححاول اردلك ... ربنا وذ أس !!!!

[Morouj Q]

بالنسبة للإحصاء:

أولا: لازم تجيبي الكتاب معاكي وتأشري الشي اللي تقولو الأستاذه في المحاضره زي ما أنا بأسوي
يعني بنأشر على التعاريف والأمثله اللي تقرأها لنا الأستاذه

ثانيا: عشان تتأكدي من الـExamples اللي معانا تلافيها في مخطط المقرر لأنو يبين لك ايش الـExamples اللي معانا في كل محاضره

ثالثا: المذاكره تفهمي كل تعريف أشرتيه وتعرفي كيف تحلي كل Example معانا وبس
والقوانين اللي معانا حتكون معانا مكتوبه في ورقه موجوده آخر الكتاب



إن شاء الله بينت ليكي كيف تقدري تزاكري الإحصاء

[جالكسي22]

المشاركة الأصلية كتبت بواسطة morouj q بالنسبة للإحصاء: أولا: لازم تجيبي الكتاب معاكي وتأشري الشي اللي تقولو الأستاذه في المحاضره زي ما أنا بأسوي يعني بنأشر على التعاريف والأمثله اللي تقرأها لنا الأستاذه ثانيا: عشان تتأكدي من الـexamples اللي معانا تلافيها في مخطط المقرر لأنو يبين لك ايش الـexamples اللي معانا في كل محاضره ثالثا: المذاكره تفهمي كل تعريف أشرتيه وتعرفي كيف تحلي كل example معانا وبس والقوانين اللي معانا حتكون معانا مكتوبه في ورقه موجوده آخر الكتاب إن شاء الله بينت ليكي كيف تقدري تزاكري الإحصاء

مشكوووورة حياااااااتي....

تقريبا هو نفس نظامي الي انا ماشيه عليه دحين ...بس انا مشكلتي انوو اكون فاهمه وماشيه تمااام معاها...لكن داك اليوم لما سوت لنا الاختبار التجريبي حاااست علي الدنيا...احس اسلوب الاسئلة مدري كيف...!!!!
فما ابغى اعيد نفس الحال يوم الاختبار الفعلي...
بلييييييييييييييييييز ادعوا لي ربي يهون علي..

وبالتوفيق للجميع...

[Morouj Q]

أها والله لسا انا ما جربت الأسئله

[Morouj Q]

الله يعيننا

تقول استاذتنا إحـ تـ مـال تسوي كويز يوم التلوت فالله يعيننا

[ROoOFaNA]

الله يعيننا حتى انا من اول اقول الاحصاء غير

[ROoOFaNA]

جالكسي اختي لو سمحتي ممكن تقولي لنا كيف الاختبار اللي اختبرتكم هو الاستاذة

[جالكسي22]

والله الاختبار كان محور نوعا ما...وفيه لف ودوران...

هي عرضتو لنا ع الداتا شوو واحنا نجاوب وبعدين نتناقش في كل الاجابات المحتملة((اجابات محتملة=يعني كل اختيار ممكن يكون صح بس احنا المفروض نختار الادق))
اغلب الاسئلة كانت عن التعاريف لانها هي اساس الشابتر الاول وهذه تعتبر اسهل الاسئلة وجابتلنا كمان امثلة ع انواع العينات...اللي يقرا اللي كتبته دحين حيقول الاختبار سهل ...
_ _ هو سهل بعد ماترجم _ _ يعني كل سؤال بعد ماترجمه الاستاذه اقوول هواا داا؟!!!خخخخخخخخخخخخ
وجات كمان اشياء تانيه والله ماني فاكرتها وجابتلنا عن شي اسمه الاحصاء المنفصل..بصراحة اول مررة اسمع عنه في الاختبار

ااااااااااااااااه وبس....

بلييييييييييز بعد هذا الشرح المطول اللي عندها اي شي عن هذي المادة الراااااااائعة!!! يضيفوا هنا عشان الكل يستفيد...

واللي حتختبر تقولنا ايش صار معاها.......

تقبلوا حبي وتحيتي....

[جالكسي22]

بنااااااااااااااات حبايبي....

تعرفوا طيب مدرسة خصوصية للاحصاء؟؟؟

دلوني بلييييييييييز

دعواتي للجميع