اقدر اغير تخصصي؟؟

[ضيدان]

صباح المطر وصباح الخير يا أجمل صباحاتي على الإطلاق

يا جماعة انا تخصصت بناء على سؤال إدارة شئون الموظفين في شركتنا الموقرة عن التخصصات المرغوبة في الشركة .. ونصحوني بتخصص إدارة عامة - تنظيم وتطوير إداري، ... وقالوا هذا مطلوب عندنا بالشركة بكثرة.. مع اني اعرف ان هالتخصص يهم الدوائر الحكومية اكثر من القطاع الخاص

وقلت بسم الله .. وضغطت على تخصيص فوري للإنتساب ... وتخصصت نفس التخصص المرغوب في الشركة

بس عقب ما نزل المطر وزانت الجلسات جمب الشبابيك وتأمل المطر والتفكير
قلت ليش ما ادور تخصص يهتم فيه القطاع الخاص كامل مو بس شركتنا الموقرة
رغم ان وضعي الحمدلله زين بالشركة وهي تعتبر شركة شبه حكومية لم يكتمل تخصيصها بعد ( الكرهب )

ولما دخلت ابي اغير تخصصي ما قدرت!!

شلون اغير تخصصي؟؟؟؟؟؟؟؟

والا تشوفون ابقى على تخصصي بما ان وضعي زين بالشركة ولا فيه شئ يخليني افكر اغير وظيفتي
بس خايف بكره من تخصيص الشركة بالكامل وتحولها للقطاع الخاص
وبعد كذا يركنون اصحاب التخصصات الغير مرغوب فيها للقطاع الخاص على جمب
ونتوهق

سؤال .. واستشارة بنفس الوقت
اقدر اغير التخصص؟؟ والاستشارة بخصوص ابقى على تخصصي واكمل مشواري والا اغيره؟

والله يوفقكم جميع وعقبال ما نتستشير بعض عن كيفية استلام شهادات التخرج

[عبدالله السلمان]

الاخ ضيدان

ارسل لهم رساله عن طريق التعاملات الالكترونية ويغيرونه

انا سويت زيك تخصصت على اني قطاع خاص وسبحان الله نزل تعييني في الحكومة فارسلت لهم وغيرت التخصص

[سطام الشتوي]

اللي اعرفه يحقلك تغيير التخصص لمرة واحدة فقط

وبالنسبة للتخصصات انا تخصصت مثلك تطوير وتنظيم اداري
لكن اذا تبي تخصص قوي ومطلوب على مستوى القطاع الخاص ومستقبله ممتاز
من وجهة نظري هو ( التسويق ) وتقدر تواصل الدراسة في الماجستير بنفس التخصص وكما ذكرت بأنه تخصص مطلوب في القطاع الخاص بالدرجة الاولى لكن مواده والله العالم دسمة شوي يبيلها شدة حيل وهذا اللي ابعدني عنها بحكم ظروف عملي وظروفي العائلية

[ضيدان]

عبدالله السلمان
سطام الشتوي

بيض الله وجيهكم وفالكم التخرج

شكرا لكم
وشكلي ببقى على تخصصي دام فيها مواد دسمة وما ادري ايش!!

ويا سطام ما شاء الله عليك مستوى سادس بنفس التخصص
يعني تحملنا ان بغينا شئ استفسار او سؤال برسل لك بالخاص ولا تبخل علينا بالنصايح والتوجيه

[سطام الشتوي]

المشاركة الأصلية كتبت بواسطة ضيدان عبدالله السلمان سطام الشتوي بيض الله وجيهكم وفالكم التخرج شكرا لكم وشكلي ببقى على تخصصي دام فيها مواد دسمة وما ادري ايش!! ويا سطام ما شاء الله عليك مستوى سادس بنفس التخصص يعني تحملنا ان بغينا شئ استفسار او سؤال برسل لك بالخاص ولا تبخل علينا بالنصايح والتوجيه

هذي الساعة المباركة وتأمر أمر وانا اخوك

[ضيدان]

الله يبارك فيك وتسلم هذا من طيبك

وما يامر عليك ظالم