نصائح عن خطه " ب "

[reem.z.a]

السلام عليكم و رحمه الله وبركاته ..

اولاً حبيت اعمل الموضوع عشان بنات خطه أ يسستفيدو و يعرفو خطه ب مدى سهولتها و صعوبتها

خطه ب هي 3 مواد بالأضافه الى الانجليزي ,
يعني اللي خلصت الانجليززي حتكون فرصتها انها تجيب معدل عالي مراا كبيره

الـ 3 مواد ههي :

مهارات اتصال
تنميه مهارات تفكير
الأحصاء . .


حبدأ اتكلم عن الخطه عموماً ..

جدا سهله و بسيطه وتافهه و حلوه هههه ..

بالنسبه لمهارات الإتصال ..

ماكان عندنا دوري اول , بس دوري تاني عليه 30 درجه اول 3 ابواب دخلت معانا ,
والاختبار النهائي اللي هوا من 40 درجه باقي 30 درجه كانت على النشاطات ..
مثلا " تعملي سيرتك الذاتيه - عرض باور بوينت - تنقدي حاجا "

من اسهل المواد تعتمد 100 % على الحفظ , اشياء في حياتنا اليوميه وبديهيه جداً
عن المرسل والمستقبل وعناصر الاتصال و الحوار

اهم شي في الاتصال , انك تحفظي التعداد و التعاريف , و مرا الماده اطمنكم دحين تضمنو فيها الـ A بس اهم شي ما تستهينو فيها


تاني حاجا الإحصاء . .

شوفو الإحصاء , انا كنت ادبي وما اعرف شي في الرياضيات ولا شي مراا كنت فيه صفر
بس الححمدلله جبت b+

الماده يبالها تركيز , و ان شاء الله الدكتوره تكون كويسه لأنو اللي درستني كانت جداً ممتازه وتفهم , الماده جداً بسيطه , كلها تعتمد على القوانين , و في جزء نظري
ودي القوانين حتكون مكتوبه في ورقه الاختبار وتقدري تدخلي آله حاسسبه يعني مجرد تعويض
وفي جزء نضري تعاريف , بسس اغلبو تفهميه

اهم شي التركيز التركيز التركيز

ولازم قبل الاختبار تحلي تمارين و تعيديها مرا و اتنين وتلاتاا لين ما تحسي انك خلاص فهمتيها
والله الماده جدا جدا جدا سهله .. وحتشوفو كيف

و في ف اخر الكتاب اختبارات تجريبيه تحليها بعد ماتخلصي المذاكره و بعدين تشوفي اجوبتك صح او غلط

بدايه كنت مرا متخوفه من الاححصاء بس من جد الماده جدا جدا جدا سهله و بسيطه

تالت شي تنميه مهارات التفكير ..

حتستغربو لو قلتلكم انو دي الماده اللي نزلت معدلي .. ليه ؟

ما اعطيتها حقها وقلت يلاا سهلل وما يحتاج لمماا جا الاختباو والله ما عرفت احل !!! ..

الماده شويا دسسمه فيها معلومات كتيره وتحسيها فوق بعض , لازم تذاكريها بتركيييززز وتراجعييها مليون ممرره

لانها تلخبط وفيها تعاريف و تعددادت زي بعض

ومرا مرا لاتسستهينو فيها لانها من جد هياا اللي نزلت معدلي ..

بس لو كنت ذاكرتها كانت حتكون جداً سهله علييا لكن انا قلت سهله و ماايحتاج ولما جا الاختبار اتنكبت


و اي سؤال في خطه ب , انا حاضره

[غروكـ و غيروكـ]

وعليكم السلام والرحمه والاكرام

ما شاء الله عليكي ،، شرح وافي للخطه
في تفاصيل كثير ما كانت عندي خلفيه عنها
وعرفتها من الموضوع ،، يعطيك الف عافيه يا قمر

طبعا ً انا من البنات اللي مرره متخوفه من خطه ب
لأن الاغلبيه يشوفوها اصعب من أ بحكم ان مواد خطه أ مرت علينا قبل
و اكثر ماده شايله همها " مهارات التفكير "
لأن فيها كلام كثير يعني شي قريب للثقافه
وانا من اسوأ الدرجات عندي الثقافه

فحابه اعرف كيف هل تعتمد ع الحفظ او القراءه بتركيز
وهل تحتاج اذاكرها اول بأول والا ؟
لأني ما اعترف بهالشي فقاموسي فخايفه اجيب العيد

.
.

حمستيني اكتب عن خطه أ

[البتول 2010]

المشاركة الأصلية كتبت بواسطة غروكـ و غيروكـ حمستيني اكتب عن خطه أ

ياقلبي ياليت تكتبي عن خطة أ وعن طريقة المذاكرة وكل شي بتفصيل
عارفة انا غثيتك بالماسن بس عادي نسمع النصائح مرة 2

والتفكير والاتصال انصحك تحفظينهم عشان ماتصيري زيي وتاخذي +b

[دودو خالة لولو]

مرة يسلموووو
نصائح مرة مفيدة
جزاك الله خير
والله يوفقنا لكل مايحب ويرضى

[الوردة الموفية]

يعطيكي ألف عاافية يا قلبي ..
ماشاء الله عليكي كفيتي و وفيتي
انا بصراحة متخووفة من الاحصااء لأني ما احب الرياضياات ..
ويقولوا ان هذا يشبهه ..

[amly 6mo7aty]

مشكوووووووووووووره

[ѕσσмч .●]

يسلمو يآعسسل ..
كفيتي ووفيتي .. يعطيكِ العآفيه

[الحلوه الاموره]

ماشاء الله عليك كلاااااااام في غاية الصحه صراحه
ع فكره انا خطبه ب عشان كذا حبيت اعلق ع كلامها
من جد شرح وافي وان دل دل ع حبك للمساعده الله يباركلك
وبصراحه مافي تعقيب ع كلامك بس عندي طلب اذا ممكن
من خطه أ يدونا فكره وشرح مفصل عن الخطه ومشكورين
اسفه ع الاطاله

[خطى الجنان]

صح نبغى اي شي عن خطه أ أحسها صعبه والدوام طويــــــــــــــــــــــل

[reem.z.a]

المشاركة الأصلية كتبت بواسطة غروكـ و غيروكـ وعليكم السلام والرحمه والاكرام ما شاء الله عليكي ،، شرح وافي للخطه في تفاصيل كثير ما كانت عندي خلفيه عنها وعرفتها من الموضوع ،، يعطيك الف عافيه يا قمر طبعا ً انا من البنات اللي مرره متخوفه من خطه ب لأن الاغلبيه يشوفوها اصعب من أ بحكم ان مواد خطه أ مرت علينا قبل و اكثر ماده شايله همها " مهارات التفكير " لأن فيها كلام كثير يعني شي قريب للثقافه وانا من اسوأ الدرجات عندي الثقافه فحابه اعرف كيف هل تعتمد ع الحفظ او القراءه بتركيز وهل تحتاج اذاكرها اول بأول والا ؟ لأني ما اعترف بهالشي فقاموسي فخايفه اجيب العيد . . حمستيني اكتب عن خطه أ

شوفي التفكير يعتمد على الفهم و الحفظ وانك تفصلي كل جزء لحالو وتدرسيه وتراجعيه
وقبل الاختبار بأسبوع ذاكريها كويس . .

و قبل الاختبار رراجعيها وسسمعي لنفسك