ما علاقتي بالعاصفة التي ضربت جدة ( تقرير كامل بالصور )

خالد · #1 12-05-2005, 10:12 PM

السلام عليكم ورحمة الله وبركاته

أكيد كل واحد يقرى الموضوع يقول أكيد أني صرت مجنون
وأحب أقول له ما المجنون إلا أنت نقرتين لعرض الصورة في صفحة مستقلة

( أيش فيني كذا ناوي أتضارب )

المهم ماعلينا نرجع للموضوع

الموضوع ومافيه أنه في يوم الأثنين قبل شهر واسبوع
كان هناك أختبار عندي في تمام الساعه ال 2.30
وكعادة كل الطلاب ( إلا من رحم ربي ) قبل الأختبار بدأت أذاكر المذاكرة اللي عليها الكلام وبعد ما أستعديت للأختبار وفجأة نقرتين لعرض الصورة في صفحة مستقلة

دخلت الأختبار وبدأنا بسم الله الرحمن الرحيم بالسؤال الأول حتى السؤال الأخير وفجأة نقرتين لعرض الصورة في صفحة مستقلة

مافيه ولا سؤال متأكد أني حليته نقرتين لعرض الصورة في صفحة مستقلة

وعصبت كثير كثير وصرت مثل هذا نقرتين لعرض الصورة في صفحة مستقلة

وبعد ماطلت من الأختبار كان الجو صحو وحتى قبل ما أدخل الأختبار كان الجو صحو ومافيه أي شيء
وفجأة جائت عاصفة رملية وعشت المسلسل المشهور عدنان ولينا عندما صاح المنادي " المد الهائل قادم "
العيال ركضوا ناحية المبنى وقلت خليني أركض لم السيارة زي لما القبطان نامق راح يركض أتجاه السفينة
وفجأة ركبت السيارة وبدأت أخذ لكم هذه الصور

هذي أول صورة عند مبنى 40 أعتقد اللي على اليسار واللي على اليمين مطبعة الجامعة واللي قدام على يسار يمكن الكيمياء الحيوية

هنا أمام قسم الكيمياء الحيوية وباين أثر العاصفة الرملية

العاصفة الرملية تزداد حدة وأصبح النهار ليلاً

هذا الشارع اللي بنص الحرم الجامعي وباين أن الرؤية أنعدمت تقريباً

هذا الباص حق الطلاب اللي من السكن اللي يوقف كل شوي وكل مرة احس أني بسوي العيد فيه

خلاص الرؤية أنعدمت

وبدأت أنوار السيارات بالأختفاء تقريباً وكل واحد حاط العالي

الجو بدأ بالصفاء

ومن هنا بدأت أفكر
قلت يمكن يكون علشاني عصبت من الأختبار صار كذا
طيب أيش أسوي علشان يروق البال وأحس أني مخدر ويجيني النوم
وأفكر وأفكر وأفكر
وفجأة قررت أني أروح أرووق

شارع باخشب وباين كيف الجو صار أحسن قليلاً

وبدأ الجو يصفى شكل تفكيري كان صحيح

وبدأ الجو يصفى أكثر وقربت من المكان المطلوب

وأحسن مكان فكرت فيه لأنه شكل الناس مشغولة بالجو

والمكااان طلع البيك وقت ممتاز مافيه أحد

وطلبت مسحب ومافيه أحد أحسن شي

المكان اللي حروق فيه وأنسى أيش سوى الأختبار

وهذي الشطة أحطها بعين اللي يقول الموضوع بايخ
ونصحية تراها بريال للي جالسين تلطشو الشطة وعارف نفسه اللي أتكلم عنه

شفتواااااااااااااا أنه بعد ماروقت البال نزل مطر وخير وبركة

وهذا المبنى اللي قبل شوي بس كان مغبر

وبما أني انبسطت أكثر المطر بدأ بالهطول أكثر وأكثر

وهذي الأشارة جالسة تداعبنا ومنكسفة ماتبغى تورينا أيش اللون

وبدأت جدة تغرق بالعادة

والآن وصلت البيت وباين الموية غطت الرصيف الحين بالله كيف أنزل ؟؟؟؟؟

وأنا أوجه لكم رسالة أحمدو ربكم أنه ماكان أختبار نهائي ولا كان جانا مطر أقوى من اللي فات

وترا لا لي علاقة ولا شي بس أمزح وحبيت أنقل لكم الموضوع بشكل فكاهي

واللي يدخل يرد علشان انزل موضوع مقارب لهذا بالصور للي حدث في مواقف كلية الهندسة

سبحان الله في جدة نعيش الفصول الأربعة في يوم واحد

والسلااااااااام ختام

eminem lover · 12-05-2005, 10:38 PM

مجنووووووووووووووووون وربي مجنووووووووون
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههه
تسلم ايدك وربي ما قصرت

خالد · 13-05-2005, 01:33 AM

yasser مشكور على مرورك وعلى توقيع حضورك

وراح أصير أنا الكبير ولا راح أرد عليك نقرتين لعرض الصورة في صفحة مستقلة

تسلم ومشكور على ردك

Naser · 13-05-2005, 04:56 AM

موضوع قمة اخوي خالد
راح أسكت علشان ما اظلم الموضوع :)

بس بجد راااائع
والله يعطيك العافية

أجل تقولي الشطة بريال ؟

ادمن

chocolata · 13-05-2005, 07:44 AM

موضوع لزيييييييز..

وهنا وعافية على البيك..

ومشكووووور عالصور.. نقرتين لعرض الصورة في صفحة مستقلة

NooDy · 13-05-2005, 10:25 AM

لوووووووووووووووووووووووووول

والله انك فلة ياخالد,, موضوع مررة لزيييز.. والعنوان مرره مرره يشد ,, بس بصراحة الصور مرره تخوف. يومها انا قلت القيامة قامت , بس مو دحين لسه ما اتزوجت ابغا baby ;) ..

ابو علي · 13-05-2005, 01:53 PM

الله يعطيك العافيه اخوي خالد وماراح اقول الموضوع بايخ علشان قمت بتهديد
والموضوع جدا جدا جدا جدا رائع واللي محليه الصوررررر شكرا على مجهودك اتمنى لك التوفيق