طلاب وطالبات الإنتساب ..قليلاُ من الواقعــيه .!! ((- دردشه -))

[Elliot]

السلام عليكم

كيف حالكم جميعا ً (الحمد لله والشكر من قبل ومن بعــــد )

امابعد <<احسن يالرسمي

صراحه كتابتي للموضوع هذا ردة فعلي ووجهة نظر شخصيه واكيد تحتمل الصواب والخطأ

فيها بطرح مالمسته من ردة فعل وقررارات حصلت ولازلنا ننتظر الكثير من الايضاح حتى تتضح الصوره لنا عن مواعيد الإختبارات البديله ومايستجد ..وكذلك ماشفته في اكثر من موضوع في المنتدى من تسخط وتذمر من إدارة الجامعه والإستفسارات الكثيره اللي طرحت هنا



الزبده اخلص علينا وش عندك


يااخوان اقول كثر الله خيرهم ادراة الجامعه على ماقاموا به لحد الآن

امس ظهر عميد القبول والتسجيل ووضح نقاط مهمه بالنسبه لنا وهذا موضوعه

http://www.skaau.com/vb/showthread.php?t=328182


وبالنسبه للتأخر امس في الاعلان


ياجماعه ادارة الجامعه ..مثل اي وزاره او اي جهه حكوميه اخرى ..وفي مثل هذي الظروف الكارثيه بالذات انهم مايقدرون في ساعات معدوده انهم يدرون هل القاعات والفصول جاهزه السبت او لا


قدر الله سبحانه ..فوووق كل عمل


هذا رأيي لحد الآن ...وليس لي اي مصلحه والله


فقط .. طالب خريج وباقي لي ماده وحده كان مفروض اختبارها اليوم الخميس ..وبعد هذ الكارثه بمدد في الشقه والغي الحجز وتأخر عن اهلي كم يوم زياده


منتظر ردودكم وآرائكم


Elliot << مرررر من هنا

[المنسية]

صحيح أخوي ماقصرو لكن المفروض يرسلون مسجات للطلاب يوضحون فيها إن الوضع في الجامعة مايسمح .

كلنا باقي لنا آخر ماده نختبرها لكن تأجلت ومو عارفين متى رأح يتأكد الإختبار البديل عشان كذا بنتوكل على الله ونسافر

>>>الله يوفقك وييسر لك التخرج .

[شطه]

نحن معذورين .... وبصراحه

المفروض يكونون على استعداد دائم .. عند الحالات الطارئه .. ومن الخطأ ان تكون ردة الفعل هو التماس اعذار

ليست مقنعـه...

وعند كل انتقاد بناء وتنبيه سيكون هناك بالتأكيد باذن الله تحسنات ايجابيه ....


شكرا لابداء رائيك اخي الفاضل

[Elliot]

المشاركة الأصلية كتبت بواسطة المنسية صحيح أخوي ماقصرو لكن المفروض يرسلون مسجات للطلاب يوضحون فيها إن الوضع في الجامعة مايسمح . كلنا باقي لنا آخر ماده نختبرها لكن تأجلت ومو عارفين متى رأح يتأكد الإختبار البديل عشان كذا بنتوكل على الله ونسافر >>>الله يوفقك وييسر لك التخرج .

على كلام الدكتور انهم ارسلوا لأكثر من 120 الف رساله ..
شاكر دعائك وعقبالك يارب

المشاركة الأصلية كتبت بواسطة شطه نحن معذورين .... وبصراحه المفروض يكونون على استعداد دائم .. عند الحالات الطارئه .. ومن الخطأ ان تكون ردة الفعل هو التماس اعذار ليست مقنعـه... وعند كل انتقاد بناء وتنبيه سيكون هناك بالتأكيد باذن الله تحسنات ايجابيه .... شكرا لابداء رائيك اخي الفاضل

الله يكتب اللي فيه خير يارب


<< يقف محامي عن الجامعه ..احس اني بنطق ههههههه

[وحدونا]

المشكلة عميد القبول والتسجيل في جريدة الوطن يقول إحنا أرسلنا رسائل لجميع الطلاب بتأجيل الإختبارات في يوم الأربعاء وفي وقت
مبكر للطلاب - سجان الله - عميد وكلامة غير صحيح هذا يحتاج دكتوراة من جديد في أخلاقيات الكلام ، ليييييييييييييييييييييش دائماً الناس الغلابة ألي على قد حالها ماتألف كلام ولا تقدر أصلاً والكبار والمسؤولين الكذب على لسانهم زي شرب المويه ، عشان كذا أولادهم - يالطيف - إلا من رحم ربي .

لأنه أنا أمس في طريق الحرمين وكان عندي آخر إختبار بعد الظهر وماوصلت رسالة والشباب والبنات بعيني شفتهم في نفس الطريق رايحين للجامعه بس أنا رجال وقدرت أتصرف وباقي الشباب والبنات لاحول ولاقوه لهم إلا لطف الله عليهم ( لاتقولوا لي ماساعدتهم لأنه الكل فضل الباقاء في السيارة من الخوف والحرص على السيارة وانا طرحت فكرة الخروج من السيارة لأنه صعب التحكم فيها وماقبل إلا 3 طالبات من أهل مكة وواحد من الشباب من أهل جدة وجاء معايا البيت والبنات وصلناهم مكة وربي لطف علينا جميعاً ) المهم أنا تركت السيارة وسط الزحمة والسيل القوي الله يورينا قوتة في أولاد المسؤولين دنيا قبل الآخره حتى ينقهروا مثل ما أنقهرت الوالدة علي ورجعت مكة بس بعد مافضلت أمشي أنا والي معايا ساعة تقريباً في الخط الطالع واخت كم صورة للسيارة ألي حزنت عليها بصراحة والأمطار مافي إلا فين ياجدة ، طبعاً واحنا نمشي شغالين نجدف مثل قوارب الشاطي لأنه المويه لما وسط صدورنا .

وربي يوفق الجميع ،،، ويطمئن أهاليهم ويصبر قلب كل أب وام على ذويهم .

[Elliot]

الف حمد الله على السلامه ياغالي

بس احنا متأكدين من كلام الدكتور لأنه صاحب المعرف في المنتدى اللي كتب الموضوع


طيب الجريده وش يضمن لي انهم ماحرفوا في كلمة (العدد المذكور --->> الى انو يكتبو جميع الطلاب )


انا بعد ماجتني رساله

[وهـمـ الألـمـ]

انت وتدافع عنهم ماجتك رساله اجل احنا وش نقول

يمكن الرسساله اختفت مع الامطار والمفقودين << تصريفه

بعدين وربي هم بس يقولو عشان تحسين سمعه وتسكيتنا وبس

وربي يوفقك اخوي

[اداب]

انا الاخبار ماوصلتني بس انا جريت وراها خخخخخخخخ يعني اللي يبغى شي لازم يدور عليه ويتعب مافي شي يجي كده

انا مسنترة هنا من امس في المنتدى وموقع الجامعة عشان اشووف ايش الجديد ماجلست انتظر رسالة عالجوال مع ان ماعندي اختبارات مؤجلة بس عشان اخوي

وصراحة يشكر العميد على الخبر اللي نزل هنا وردوده

هذا رأي

[Elliot]

المشاركة الأصلية كتبت بواسطة وهـمـ الألـمـ انت وتدافع عنهم ماجتك رساله اجل احنا وش نقول يمكن الرسساله اختفت مع الامطار والمفقودين << تصريفه بعدين وربي هم بس يقولو عشان تحسين سمعه وتسكيتنا وبس وربي يوفقك اخوي

الا ابشرك جتني على متن سلحفاه امبارح

شاكر دعوتك ..والله انا معكم حاس بالمعاناه بس خيره ..وفرصه نراجع

المشاركة الأصلية كتبت بواسطة اداب انا الاخبار ماوصلتني بس انا جريت وراها خخخخخخخخ يعني اللي يبغى شي لازم يدور عليه ويتعب مافي شي يجي كده انا مسنترة هنا من امس في المنتدى وموقع الجامعة عشان اشووف ايش الجديد ماجلست انتظر رسالة عالجوال مع ان ماعندي اختبارات مؤجلة بس عشان اخوي وصراحة يشكر العميد على الخبر اللي نزل هنا وردوده هذا رأي

هذا الكلام ..تابعتي المصدر الرسمي وريحت مخك

شاكر مرورك ..ورأيك

[ورده تحت الجليد]

الله يعين بس هم توقعوا ان فيه امطااار
مفروض الغي يوم الاربعاء وجات الرساايل بيوم الثلاثاء

هذا اللي مفروض يصير اما يقولوا يمكن خفيف المطر جده حتى الخفيف يغرقهااااااااا