إلي تخصصها كيمياء حيوي ممكن تساعدني ؟

[knok]

السلام عليكم ورحمة الله وبركاته :

أولا: زي ماشفتو موضوعي حابه اني اخذ منكم معلومات عن الكيمياء الحيوي لاني ان شاء الله راح اتخصص الترم الجاي وكنت حاطه في بالي انه اذا دخلت كليه العلوم بدخل كيمياء حيوي فابغاكم تقولولي رايكم فيه صعب ولا ممتع .
ثانيا:صدمتني وحده من البنات وقالتلي انه التخصص هذا مو معترف فيه وانه الي يتخرجوا مايتوظفوا ورفعو قضيه في ديوان المظالم والى الان ماشافولهم حل
"صحيح انه الارزاق بيد الله ولكن الله يرضى عليكم قولولي وفهموني كل حاجه "

وأخيرا:جزااااااااكم الله خيرواسفه على الاطاله

[مياسة العود]

الكيمياء حيويه كتخصص حلو و ممتع

كقسم سيء كدكاتره وتعامل

مستقبل اي وحده تتخرج كيمياء حيوي لازم تاخد ماستر ولا شهادتها ولا شي =(

[knok]

جزااااااااااااك الله خير يامياسه على رايك الصريح لانه انا هذا الي ابغاه ومازلت في انتظار ردود الاخوات البقيه

[najjo]

من الاخر كيميا حيوي بدون ماستر مالو مستقبل

[DNA..~]

يختي لا تسمعي كلام احد..

الأرزاق بيد الله..

في ناس متخرجه و اشتغلوا على طول و في ناس تخرجت و ما لقت شيء..

الله أعلم رزقك فين..

إذا تحبي تدرسي عن المركبات داخل جسم الكائن الحي..
زي مثلا عن النشويات ، الأحماض الأمينيه ، الفيتامينات..إلخ

كل واحد ايش مصيره لو زاد ايش يصير و لو نقص...

الكيمياء الحيويه اساس أغلب العلوم و هو أساس الطب :)

لولا الكيمياء الحيويه لما وجد الطب .. وجهة نظر لا أكثر ^_^
لأن الطب يعتمد على الحيوي ^_^

لو عندك حساب في الفيس بوك سوي بحث لصفحه اسمها

Friends of biochemistry لسه جديده بس ان شاء الله تنفعك..

التخصص إن جنرال حلو ، ممتع ، متعب و كل شيء..

و بالتوفيق في اي تخصص تدخليه ^_^

اهم شيء لما تتخصصي تكوني داخله التخصص عن قناعه لا تدرسي شيء ما لك رغبه فيه او مو حابته..

[DyA]

الصراحة القسم جدا ممتع ورائع وجامع بين الكيميا والاحياء يعني عصفورين بحجر واحد اذا كنت تحبي الاتنين طبعا
وزي ما قلت dna ازا حابة تعرفي كيف المواد تدخل في جسم الكائن الحي وكيف تفيده وضره فمالك الا كيميا حيوي واذا كان على المستقبل فاحسن تكملي الى الماستر وعندك تلاتة مجالات اما ابحاث علمية او مختبرات او ادوية وعقاقير (نفس فكرة الصيدلة ودا اللي انا هاعمله) بس خلي في بالك انه يحتاج اجتهاد كتيييييييييير ودماغ كبييييييير :) وربنا يوفقك ويحيكي في مجالنا

[knok]

[b]جزاكم الله خير على رايكم وصراحتكم والله يسهلكم أموركم يارب دنيا واخره وأختي dna برضو جزاك الله خير وان شاء الله حبحث في الفيس بوك.[/b]

[Hamsa }~]

عرفتك يـآبت ..

لآتنسي انه رئيسة قسم الكيميـآء الحيوي كمـآن أكدتلك يعني مو بس البنت اللي قـآلتلك .. << يعني البنت مو كذآبة ..

الله يوفقك ان شــآآء الله..