نسووومة تبغى الفزعة<<طبعا ماحد حيقصر :d

[نسووومة]

سلااام عليكم

كيفكم يابنوتات ياحلوات

يارب تكونوا مبسوطين وجداولكم تمام ودراستكم ماشيه وباديين العام بجد واجتهاد وحماااس ..

طبعا أبغاكم في هرجة .. أقصد في فزعة ..

دحين انا لي صديقة من يوم احنا في رابع ابتدائي واحنا مع بعض وصحبات (ماشاءالله) بس في الجامعه كل وحدة دخلت تخصص ..

المهم دي البنت دحين ملكتها بعد اسبوع ..وانا مرررررررة حااااايسه ابغى اجيبلها هدية وماني عارفة ايش ممكن اجيب .. قاعدة افكر واعصر في مخي ..

كنت أفكر اني أعملها آكشن ..يعني أعملها مفاجأة .. أتفق مع أخواتها في حاجه وأسويلها هيا تكون مفاجأة بس ايش هيا الحاجه دي ماني عارفة ..

اباكم تساعدوني وتفكروا معايا ..

ازا وحدة مسلا قد سوت مفاجأة مرة لأحد تقول لنا كيف كانت .. وازا وحدة عندها فكرة عن هدية حلوة اجيبها وتكون شي مميز ويعجبها كمان تقول لي ..


ومن جد مررررررررة تسلم اللي حتديني أي فكرة وان شاءالله نتعبلها في فرحها

وترى ممكن كمان الأولاد يشاركوا لو يعرفوا حاجه أو واحد كان عنده خبرة



يلا بانتزااااركم ...

[فتفوتة سكر]

مرحبا نسومه يا قمر
وينك زمان عنك


اقترح عليكي تعمليلها زفه حجازيه ازا عندك امكانيه وازا زي ما حكيتي تتفقي انتي وخواتها طبعا لو كانت حتعمل ملكتها في قصر


ممكن كمان عربة الملكه تفاجئيها بتزيين لها بس طبعا تكوني عارفه لون فستانها عشان الورود تكون مناسبه

كمان في طريقه حلوه شفتها في فرح وهي موجوده بالمحلات
عباره عن صندوق كبير فيه ورود وبداخل الورود علبة الدبل أو الشبكه وفوقها بلالين غاز
بس تفتح الصندوق تطير البلالين وتطلعي الدبل بين الورود ويلبسو بعض ..

امممم ممكن طبعا تكون هديتك لها يوم الملكه وموضوع الهديه هاد انتي ادرى بالانسب لها
ان شاء الله كمان الصبايا ما يقصرو بأفكارهم

[evil girl]

ممكن تسألي اخواتها وتعرفي الورد الي حتشيله كيف تبغى شكله وتسويه لها


ممكن تجيبيلها كاميرا مع عطر ومجموعة كريمات واشياء من نكتار تجي مع بعضها حقت عرايس


الي في بالي دحين


ومبروك على صحبتك وعقبالك :)

[me 4 islam]

ربي يتمم لها ع خير

هوا لو فرح في افكار بس ملكة مافي لها افكار كثير

ممكن تجيبي لها صندووق كبيير وتحطي فيلو انواع الهدايا مثلا ملابس كوليكشن قوتشي وساعة

انا عملت لصحبتي زي كذا ومرررة طلعت حلووو

او كيكة الملكة تكون عليكي بعد ما تتفقي مع اخواتها واعمليها عند سعد الدين وفي محل فرنسي ناسية اسمو
يعمل كيك غريب وجنان
ان شاء الله انكون افدناك نسومة وعقبالك يارب

[نسووومة]

أهلين بنوتات

مرررررة تسلمو على أفكاركم الحلوة ..

فت فت انا موجووودة بس تعرفي مسوية دافوره من أول السنة ومااخش نت كتير

بالنسبة لعربية الملكة اهل العريس حيزينوها ويعملوها ..

ومررررة حلوة فكرة الصندوق الكبير دا بس لو تعرفي فين يتباع أكون لكي من الشاكرين

الهدية عادي ممكن اجبلها أي شي لو فيه آكشن مرررة وااو ..


evil girl

تصدقي من جد المسكة قالت لسه ماعملتها .. بس كيف أقولها اني راح أعملها هيا ولا كيف !!

وبالنسبه لحاجات نكتار أحس انها حقت وحدة حتتجوز أكتر

بس هيا لسة ملكة ... ولا انتي ايش تشوفي

me 4 islam

انا قلت ابى أسويلها كل الأكشن في الملكة عشان الفرح تعرفي يكون على أهل العريس ..حجي زي الضيفه

أكتبيلي محتويات أكتر للصندوق الكوليكشن دا أحطلها بسة مسلا افجعها

وبالنسبة للكيكة أنا أخاف تكون خلاص وصّت عليها مع الأكل .. يبغالي أسألها بطريقة غير مباشرة أتأكد

وتسلمي ياعسل وعقبااااااااااالكم وعقبالي أنا كمان قريباَ قولوا آمين

[evil girl]

evil girl تصدقي من جد المسكة قالت لسه ماعملتها .. بس كيف أقولها اني راح أعملها هيا ولا كيف !! وبالنسبه لحاجات نكتار أحس انها حقت وحدة حتتجوز أكتر بس هيا لسة ملكة ... ولا انتي ايش تشوفي

ايوا صح انا ما ركزت انها ملكة على بالي بس تبغي تجيبي هدية ومحتاره


شوفي اذا تعرفي ذوقها قوليلها المسكه عليا واتفنني فيها

ومكن تقترحي عليها تجيب هدية لزوجها مثلا ساعة غالية وانتي اهتمي بالموضوع يعني بنت حلوه صغيره تدخلها مع اغنية مناسبة وطبعا تتقدم بطريقة ابداعية في صندوق ولا اي شيء

الي افتكره من الملك الي حضرتها ويلا عقبالك قريبا ياب شكله في مشروع زواج

[سوسا]

اول شي مبرووووووووك لصحبتك و عقبالي >>>>>>>>>مصره تتزوج باي طريقه


جاتني فكره ازا ميزانيتك تسمح سويلها زفه باسمها و اسم زوجها

او ممكن

اشتريلها شي ناقصها علشان على قولتهم تكشخ فيه قدام زوجها وكدا

انتي تعرفي كمان صحبتك كيف زوقها و كل شي

و عقبال كل البنوتات و انا اولهم

[نسووومة]

ايييفل مرررة شوووكرااا يااقمر

الله يسعدك على أفكارك الحلوة

خلاص كلمتها واتفقت معاها انو انا اعملها المسكة ومرررررة فرحت وانكسفت تقول ماابى اكلف عليكي خخخخخخ مع نفسها


بس الهدية ايش تقترحي اجيبلها <<<بلشة


سوسا انتي ماشاءالله تقري أفكاري كنت أبى أسوي دا الشي

وبعدين سألتها قالتلي انها سوت زفات خلاص :(


مرررة تسلمي ياعسل وعقبااالنا ان شاءالله



يلا دحين باقي الهدية ايش تقترحو عليا حاجات ..؟؟

[ـانسـيآأب]

الأفكار كثيرة ..
بس يعتمد على حسب ميزانية الفكرة ..

اعطيني الميزانية المرصودة >> اعطيك الفكرة ..

،

،


هناك فتاة ذات العشرين ربيعا .. شقاوتها لها وحشة

[H@nEEn]

مررررحبا
مبروك لها وعقالك

شوفي قلبوو \ انا عشان اعرف اشتغل ع الفوتو شوب والوندوز موفي ميكررر

لما سارت ملكة بنت عمتي برضو حبيت افاجئهااا

واخدت وجمعت صور لهاااا (بس لهااااا) هيا وصاحباتها ومتصورة معانا

المهم
عملتو لها زي البروجكت
وشغلناه قبل ماتنزف

وجبنا زي الشرشف الستان وعلقناه ع الجدر وعرضناا البروجكتررر :)

ومررررررررررررة هيا انبسطتت من الفكرة وتباني اسويلها بروجكت جديد في فرحها ان شاء الله :)



صدقيني حتنبسط مرة كتيرر