من يسمع كلام الناس يتوه

[طموحي تتحقق أحلامي]

السلام عليكم
بصراحة أنا حابه اشكر أمن الجامعة والعمادة بصراحة شفت اليوم غير ألي سمعت لكن فعلا ارمي نص لا ثلاث أرباع عشان اكون منصفة كلام الناس بحررررررررر

اليوم صحيت مادري فين بطاقتي الجامعية رغم اني متاكدة أني حطيتها بالشنطة يمين يسار مالها اي حس والدموع بدأت بعيني والخوف ركبني وجالسة ادعي يارب سهل والله يعين عالسين والجيم والمرمطة زي ماهم الناس يقولوا كذا بالجامعة يسولك ووو وانا خلاص وصلت اني فكرت أنه ممكن ماأختبر المهم شلت نفسي وقلت مالي إلا اروح بإثباتي والله يستر خلاص ماراح احصلها وعند الوصول.........
فعلا وريت الأمن إثبات هويتي وسألتني وين بطاقتي وقلتلها ضاعت وبقلبي الله يستر لكن فعلا كانت متعاونة وقالت بس عبي ورقة عن معلوماتي وروحي على العمادة يختموها لكي عالبال ميطلوع بدل أو أنك تحصليها وبس سيدة على العمادة وختمتها لا وكمان قالت لو عندك صورة شخصية كان طلعت لي فاقد وينتهي الموضوع ودخلت الأمتحان بالورقة المختومة وخلاص

وأنا طول ماني رايحة أدور على السين والجيم وفين المرمطرة مافيه أحد مادري أنا محظوظة ولا من يسمع كلام الناس يتوه


وماأقول غير شكرا للأمن وشكرا للعمادة وشكرا للجامعة المؤسس

وتوته توته وخلصت الحتوته

[O G A B]

ههههههههههه

رهيب ختام القصه

الحمدلله على كل حال ، و على نياتكم ترزقون

الله يكتب لنا ولكم التوفيق والنجاح يارب

[][ غُرُوُر أنٌثًىٍ ][]

كوووووووويس
أنا كمان اليوم ضاعت عليا بطاقتي فالجامعه ماادري وين خليته
الموهم
روحت قاعة الاختبار وقالتلي الاستاده روحي دوريلها او روحي العماده لازم تجيبيلي أثبات والله يستي اطلع سيده على العماده احصلها مقفله مافي احد لانو كان وقت اختباري الساعه 8 ورجعتلهم وبعد حوسه قالت ادخلي اختبري والله كان على نهايت الوقت كان فاضل نص ساعه وينتهي الاختبار بس الحمد الله ربي ستر كانت الاسئله مررررررررا سهله

دحين الموهم لو أخود صوره واروح العماده يطلعولي بدل فاقد
انا قالولي الامن تعالي بكره وتفاهمي معا العماده

[طموحي تتحقق أحلامي]

ايوه إذا ضاعت عليك بالجامعة أكيد حيطلعوا لك بدل بس ضروري تجيبي صورة شخصيةلكي عشان يطلعوها لك وكمان تعالي بدري قبل مايقفلوا العمادة
والله يسرلنا وادعي اني القى بطاقتي لأنها ضاعت بالبيت

[][ غُرُوُر أنٌثًىٍ ][]

يسلمووووووو
يعطيكي الف عااااااافيه
وانا شاء الله تحصليها
كويس انو ضاعت فالبيت لأنو على كدا اكيد بتحصليها
موووفقه

[ن والقلم]

هذا أقل أقل أقل إلى مالانهاية من حقوقك

مافي داعي أبدا تشكريهم

ياريت يحلون مشاكل الطلاب الكبيرة أما بطاقة وبدل فاقد ومدري إيش فهذه أمور بسيطة لا تذكر


وسلامتكم

[][ غُرُوُر أنٌثًىٍ ][]

عسوووله هوا متى بتقفل العماده
يعني لو اروح العصر بحصلهم ولا إيش الهرجه

[شمووخ انثى]

ايوه لازم تجي العصر بدري لان صاحبتي اليوم جات العصر عشان تاخذ بطاقتهاا

[تهورت ودرست]

الله يكون في عونكم

انا لا استلمت بطاقة وضاعت في طريق dhl

وجيتهم الاسبوع الماضي قلت ابغى بطاقة

وطبعولي بطاقة جديده والصورة محفوظة في الجهاز عندهم
الموضوع تم في عشر دقايق

ولله الحمد

واتمنى التوفيق للجميع

[][ غُرُوُر أنٌثًىٍ ][]

كوووويس ببلط عند باب العماده من العصر
يسلموووو على الرد
يعطيكي العااااااافيه
موفقه

المشاركة الأصلية كتبت بواسطة شمووخ انثى ايوه لازم تجي العصر بدري لان صاحبتي اليوم جات العصر عشان تاخذ بطاقتهاا