وظاااااااااااااااااائف متاحة لحملة البكالوريوس بوزارة الصحة ارجو التثبيت للاهمية

[ادارة اقتصاديات الصحة]

الاخوة الكراام .. السلام عليكم ورحمة الله وبركاته ..

معكم مدير مكتب مدير عام الادارة العامة لاقتصاديات الصحة بوزارة الصحة .. بصراحة انا تعبت اعلن عن الوظائف المتاحة لدينا وماالقى تجاوب ..
ماادري هو الناس ماعاد تبي وظائف .. والا عشان مقر الوظيفة الرياض .. او يمكن الناس صارت كلها تجار وماعاد تبي ترتبط بوقت محدد ..
ماعلينا ... اللي ابي اوصله .. اان الوظائف هذي متاحة عن طريقين ..
الاول : التعاقد المباشر ..
الثاني : التعيين عن طريق ديوان الخدمة ..
تفاصيل الرواتب والمزايا .. تحدد بعد المقابلة الشخصية ..
ولا تقولوا كلها نصب ( حط ملفك وندق عليك )؟؟؟؟؟؟
انا المشرف على التوظيف في الادارة ومدير الادارة جاااااااااااد في التوظيف .. بحكم ان هذه الادارة بدت تخطو خطواتها نحو المستقبل .. وبدت تتخذ منحنى ايجابي ..

الوظائف متاحة للجنسين .. تجدون الاعلان بالتفصيل في المرفقات ..الملف بصيغة pdf

وبعد اذن الجميع واولهم ادارة المنتدى .. سوف اضع الايميل لحرصي الشديد على التوظيف

h-eco30@hotmail.com

وصفحة الادارة على الفيس بوك

facebook.com/aqtsadyata

في حالة عدم فتح الرابط .. اعمل نسخ والصقه في صفحة جديدة ...

تحياتي للجميع
اخوكم/ عبدالله الزهراني ...

[نـــجـــد]

السلام عليكم ورحمة الله وبركاته

ابي اسألكـ أخوي عبدالله وش التخصصات المطلوبة وماهي طبيعة الوظائف الموجودة لديكم وهل يوجد اختلاط ؟

ولكـ جزيل الشكر والعرفان ...

أختكـ / نـــجـــد,,

[شتاء يختزن الرعود]

,,

وعليكم السلام ورحمة الله وبركاته ,,

هو لو ترضى بس الجهات المسؤله عن التوظيف بالشباب المبتديء في تكوين نفسه راح تلاقي كثير متقدمين للوظايف ,,

شرط الخبره كسر ظهورنا ,, هو في أحد رضي يوظفنا عشان نجيب خبره ؟؟

الله يسهلك وتلاقي طالبين العمل الكفؤيين المنطبقة عليهم الشروط ,,

أما انا حتى الشهادة الجامعيه شاطحه عن المطلوب ,,

أتمنى لك التوفيق ,,

,,

[miss lulu]

يعطيك العافيه ،،

ويارب يجعله في ميزان حسناتك ،،

[عزة نفسي_تكفيني]

الله يجزاكـ خير

لو تشوفوا حل في الخبرهـ راح تنحل ^_^

موفقين

[ادارة اقتصاديات الصحة]

انا مقدر شعوركم وزعلكم على شرط الخبرة .. بس وش نسوي بهالشرط اللي حتى انا ماني راضي عنه .. بس للعلم والله شرط الخبرة مهم وضروري وخصوصا في مجال ادارتنا .. يعني تخيلوا قبل فترة توظفوا عندنا شباب معاهم شهادات بكالوريوس محاسبة لا.. والطامة الكبرى تقديراتهم ممتاز مع مرتبة الشرف .. واخطاااااااء بالهبل في حسابات بنكية بسيطة .. قلت في نفسي هذا شهادته ممتاز مع مرتبة الشرف اجل وشلون اللي متخرج بتقدير جيدجدا ..
انا عارف انكم راح تقولون اصابع ايدك ماهي سوا ..وانا معكم في هالكلام ..
بس المؤمن لايلدغ من جحر مرتين ..

عموما يااخوان .. تكفون اللي تخصصة مايطابق الشروط واللي ماعنده خبره .. واللي مايبي وظيفة في الرياض .. واللي واللي ..
تكفون انشروا هالوظائف اكيد في ناس محتاجين حتى لو انه على راس العمل ومظلوم من ناحية الرواتب والا يشتغل في مكان لايرتبط بشهادته ..
تحياتي للجميع .. وشكرا على تفاعلكم ..

[seham alwead]

طيب حنا بكالوريوس احياء دقيقة بتقدير امتياز مع مرتبه الشرف الثانية ومعنا شهادة خبرة في التدريب المختبرات بالاضافة لشهادة تسجيل وتصنيف من الهيئة السعودية للتخصصات الطبية نلقى عندكم وظايف.. ولا لازم تخصص ادارة
يعطيك العافيه...

[ادارة اقتصاديات الصحة]

عزيزتي سهام..
التخصصات المطلوبة ليست ادارة فقط .. ارجو منك مشاهدة المرفقات ..
الوظائف ليست حصرا على اعضاء المنتدى وبامكان اعضاء المنتدى الدل على الخير.. فالدال على الخير كفاعله ..

تحياتي ..

[seham alwead]

معليش اخوى اغلب التخصصات في المرفقات تخصصات ادارية صحية ( محاسبة ادارة اعمال واقتصاد اخصائي تغذية وصيدلة)ومافيه شي يخص المختبرات ..
يعطيك العافيه

[الهدوى المزيف]

أش هي التخصصات المطلوبة
وهل يمكن قبول خريجة كيمياء عام
ومعه شهدة تدريب في المختبر