الممرضات السعوديات .... !!!!!!!!!!!!!!!!!

[عباطة]

بأمانة لازال البعض منا لايفقه ثقافة العمل الفني !!!!!!!

بعض السعوديات تعمل في المراكز .... الجوال والمكياج وسوء معاملة الي أدنى حد

ونفسها في طرف خشمها وخاصة مع أمهاتنا كبيرات السن

الي جانب الأهمال الملاحظ .......

موقف لاحدى السيدات حينما كانت على يد ممرضى سعودية تسحب منها دم

وبعد انتهاء العملية الجراحية هههههه طلبت من المريضة تنظيف المكان ..... عجبي

وممرضة أخرى طلبت كرت العائلة من مريضة فتجاوبت معها المريضة

. فما كان من الممرضة الا ان همست باذن زميلتها شوفي صورة زوجها كيف حلو !!!!!!!!

الممرضات السعوديات .... حينماا اقتحموا مجال التمريض صرنا نذكر الفلبينيات بألف خير

أنا ماأظلم الكل لكن الأغلبية بالصورة المذكورة

وأيضا لانظلم الأجنبيات ....

هل الممرضة السعودية في مدينتك أو قريتك لها حضورها اللائق وتقوم بعملها على أكمل وجه أم

تفضل وجود الأجنبية لأنهم بصراحة يعملن بجد وحرص أكثر من السعوديات ؟

[^_^]

الحمد لله ... الممرضات السعوديات اللي مروا عليا ... قمة في الأدب والحشمة والأخلاق والتعامل
طبعا .. مش أنا المريض .. ولكن جدتي ... لما تدخل المستشفى عشان الفحوص ولما تتعب
أشوف الممرضات السعوديات .. أكثر حنية ولباقة وأدب في التعامل مع المريض... من بعض الفلبينيات .. اللي ما تعرف إيش تقول سواء بالعربي ولا بالإنجليزي ...

يمكن اللي مروا عليا قلة قليلة ... ولكن الحمد لله .. ما شفت النوعية البطالة والسيئة من الممرضات السعوديات

بس أذكر أيام وأنا صغير حق 4أو 5 سنوات .. في دكتورة أنف وأذن وحنجرة .. كرهتها من قلبي ... عشان مرة جات تفحص اذني عشان كان عندي فيها التهاب .. مدري إيش سوت خلتني أصيح من الألم ...
ولا أنا أصلا ما ليا عداء من الأطباء والممرضين بشكل عااام

ويسلمو على الطرح

[سمية السلمي]

الحمد لله ... الممرضات السعوديات اللي مروا عليا ... قمة في الأدب والحشمة والأخلاق والتعامل

انا لا افضل الاجنبة والعكس مايشتغلون بأمانه وانا مرة كنت بمستشفى فكنت اسأل عند الرسبشن وحدة فلبينية

تنفص علي وتكشر والله شافت النعمة وقامت تتنفص

انا مع السعوديات معاملتهم بلطف واخلاص

[R-Kh]

والله انا اشوف الاغلب من الممرضات السعوديات يترفع بيهم الراس
بس المشكلة انو الخير يخص والشر يعم
لو شفنا وحدة مو كويسة نحكم على الكل زيها
انا كل اللي مروا عليا مررره كويسين
وافتكر لما سويت عملية كل الممرضات السعوديات يدعوا عليا ويبتسموا
ويدعولي بالشفاء
لكن الفلنينية ماادري احس نفسها واقفة
بس الشي دا مايعم في فلبينيات مررره كويسين
يعني من كلا الجنسين في الصالح وفي الطالح
بس احس السعوديات كونهم مسلمين افضل
يعني قبل كل شي تسمي
وتدعي للمريض بالشفا وكدا
وانا من نظري
بنات البلد افضل طبعا
:)

[evil girl]

اليوم كنت اتناقش مع وحده مو من جدة عن الممرضات وقالتلي انه الي بتشوفهم ما يمثلوا صورة حلوه للمرضة السعودية

تقول على قولتها بنات كانوا في جره وطلعوا لبره بس ما عرفوا يطلعوا صح


وانا عالنقيد باشوف كل الممرضات السعوديات الي هنا في جدة والي تعاملت معاهم في كم مستشفى قمة في الاخلاق والادب والحشمة

وطبعا كل مكان او مجموعة من الناس فيهم ناس سيئة بس همن قله ومايصير نقيس عليهم


وبعدين يكفيك في الممرضة السعودية انها تتفهم الألم الي بتعانيه وتعرف تتعامل معاها وممكن تصبر المريض لو وصل لدرجة من اليأس وتذكره بالرقية والقرآن اعتقد الشي دا تفتقده الممرضة الفلبينية او الهندية لانه الفلبينيات خلاص ماعاد صرت اشوفهم ...


الله يهدي كل البنات في كل مكان ويصلح الفئة الفاسدة منهم :)

[نضال]

انا مع السعوديات .. سواء كانوا مقصرات أو عندهم سلوكيات غير مقبولة ..


مصيرهم في النهاية يتلافوا الاخطاء و العيوب و يوصلوا لمرحلة الكمال

[me 4 islam]

أشوف الممرضات السعوديات .. أكثر حنية ولباقة وأدب في التعامل مع المريض... من بعض الفلبينيات

كلام سليم ..فيهم رحمة أكثر من اي جنس ثاني

في اقلية منهم ملكعات حبتين بس عموما الممرضات السعوديات افضل كثير من غيرهم

[^_^]

المشاركة الأصلية كتبت بواسطة R-Kh وافتكر لما سويت عملية كل الممرضات السعوديات يدعوا عليا ويبتسموا ويدعولي بالشفاء لكن الفلنينية ماادري احس نفسها واقفة :)

تصحيح بس ..

يدعوا ليا ... مو عليا

[كريستيانو]

الجوال والمكياج
ههههههههههههههههههههههههههههههههههه
معقوله مكياج

[عاشق الفهد]

اتمنى ان الممرضات السعوديات يشغلو الفراغ الي حاصل لكن بصراحة الممرضة الفلبينية افضل وبدون مجاملة وجميع الممرضات السعوديات الي اشوفهم في المستشفيات جالسات ورا الكونتر فقط يقطعون وصفات يعني تأدية عمل ماشفت

سؤال ليه عندما يأتي النقد بخصوص المرأة نرى المجاملات بعكس الرجل ؟
الممرض السعودي اثبت وجوده بعكس الممرضة السعودية التي نتمنى لها التوفيق لكن تحتاج الى عمل جاد
مثال للعبرة .... اتمنى من الجميع زيارة اي مستشفى والذهاب الى غرف المرضى المعاقين بالكامل لايستطيع الحركة وكبار السن ويرون مدى الخدمة التي تقدم لهم من قبل الممرضين والممرضات الفلبينين
اتمنى ان تكلم بحيادية ولانظلم احد من اجل المجاملة