أجهزة التطوير الإداري لكي تعم الفائدة

[جنتل]

أخواني أسعد الله صباحكم بكل خير
نبي الهمة شوي قبل الاختبارات عشان نجيب درجة حلوه في هالمادة الله يعديها على خير وفيه اسئلة شائعة وغالبا يجيبها الدكتور مقالية وعليها درجة كبيرة وهي:
س1: الإدارة المركزية للتنظيم والإدارة ووحدات التنظيم والإدارة في المملكة من أهم أجهزة التطوير الإداري التي أنشئت . وضح الدورالبارز لهما في التطوير في المملكة ؟ وعلى أي المستويات؟
س2: تحدث عن معهد الإدارة العامة؟
س3: تحدث عن اللجنة العليا للإصلاح الإداري؟
وفق الله الجميع لما يحبه ويرضاه وعقبال التخرج يارب
والله يسخر لنا الدكتور هذا الترم قول آمين

[نـــايـــف]

جنتل بيض الله وجهك وانا اخوك والمادة هذه معي هالترم بس السؤال وش افضل ملخص لها واذا عندك ملخص او اسئله فزعتك

[جنتل]

هلابك اخوي نايف
في ملخص راح تنتفع منه بإذن الله لكن لازم تركز وتحفظه تمام عشان تجيب درجة حلوه وهو ملخص د. محمد حمزاوي
أما الاسئلة حاليا ماعندي لكن الاسئلة المقالية الي كتبتها وانتظر حلها من الشباب والمشاركة فيها مهمة وعليها مايقل عن 20 او 30 درجة فا الهمممممه ياشباب وخلو النوم عنكم

دمتم بود وعقبال التخرج يارب

[ابو خــــــــــالد]

المشاركة الأصلية كتبت بواسطة جنتل أخواني أسعد الله صباحكم بكل خير نبي الهمة شوي قبل الاختبارات عشان نجيب درجة حلوه في هالمادة الله يعديها على خير وفيه اسئلة شائعة وغالبا يجيبها الدكتور مقالية وعليها درجة كبيرة وهي: س1: الإدارة المركزية للتنظيم والإدارة ووحدات التنظيم والإدارة في المملكة من أهم أجهزة التطوير الإداري التي أنشئت . وضح الدورالبارز لهما في التطوير في المملكة ؟ وعلى أي المستويات؟ س2: تحدث عن معهد الإدارة العامة؟ س3: تحدث عن اللجنة العليا للإصلاح الإداري؟ وفق الله الجميع لما يحبه ويرضاه وعقبال التخرج يارب والله يسخر لنا الدكتور هذا الترم قول آمين

الله يوفقك يا شيخ دنيا واخره وبيض الله وجهك ما قصرت موضوع جداً مهم وفيه فائده

[جنتل]

الجميع يارب
وننتظر الاجابات النموذجية من الأبطال
دمتم بود

[زكي زكي]

أتمنى أن أقدم فائدة ... ملخص د. محمد حمزاوي .

[جنتل]

جزاك الله خير اخي زكي

يالله الهمه ياشباب شدو حيلكم مابقي الا قليل

[قلم رصاص ازرق]

ما شاء الله عيني عليكم بارده
لي اسبوع اسئل البنات عن هذي الماده ما احد يرد
بليز افيدونا عن الماده يا صبايا

[ابو خــــــــــالد]

اخواني حبيت افيدكم وهذه مني وليس من أي مصدر آخر
يعني بعد ما درست مادة أجهزة التطوير الإداري ــ تبين لي أن الفصل الثالث جداً مهم والفصل بعنوان ـ مداخل واستراتيجيات التطوير الإداري ـ

وايضاً في الفصل الرابع ص 162 بعنوان ـ اعادة تنظيم الجهاز الاداري بالمملكة العربية السعودية ـ مهم جداً

ملاحظة:
المواضيع التي حددتها كانت من وجهة نظري و حسب دراستي للمادة وانا ذاكرت من الكتاب نفسه ـ التطوير الإداري في الدول النامية ـ تأليف محمد حمزاوي ـ


تحياتي لكم

[مبارك الشهراني]

مشكور ابو خالد ,,,,,,
وهل من مزيد الله لايهينك