نصيحه لوجه الله لطلاب التحضيري :)

[طالب طب في المستقبل]

بسم الله الرحمن الرحيم

السلام عليكم ورحمة الله وبركاته

انا اخوكم عبدالرحمن المالكي طالب سنه ثانيه طب بشري

اولا انا نزلت لكم الموضوع تكمله لموضوعي السابق اللي نزلته في القسم

س : حبيت اسألكم عن درجاتكم كيف صارت في الدوري الثاني ؟؟

س :وكيف كانت طرقة الاسئله ؟أسهل ؟ اصعب ؟ نفس المستوى ؟

هذا اللي حاب استفسر عنه منكم

واليكم النصيحه

بحكم اني طالب في كلية الطب

لجميع الطلاب والطالبات انصحكم نصيحه لوجه الله

انو اللي يبغى يدخل كلية الطب يفكر قبل ماياخذ القرار حقه مئة الف مره

لانه صراحه عندنا الكلية ضغط بشكل مش طبيعي واختبارات في الاسبوع اقل شي اختبارين

والدليل على كلامي هذا انو في طلاب في دفعتنا حولوا بعد اسبوعين من الدراسه >تخيليوا

لانهم ماتحملوا الضغط حق المواد والمحاضرات

صراحه انا اللي يبغى نصيحتي انو يفكر الف مره

اعيد واكرر انو يفكر فيها مزبوط من جميع النواحي

وانا من الناس لو عاد بي الزمان للسنه التحضرية ماراح اختار الا كلية الطب

لانها حلم حياتي من زمان >يعني مو زمان مره

ايش احلى منها لما تعالج مريض ويدعلك انو الله يوفقك

والله تسوى الدنيا وما فيها

وفي الختام حاب اذكركم انو مهنة الطب مهنة شريفه ومسؤلية وأمانة

واتمنى التوفيق للجميع

اخوك Dr.Dhoomi

[علي,ع]

والله صعبوها شويتين مو كل المواد لكن بعض المواد
خطة أ عندهم فيزياء و ب عندنا كيمياء ويمكن احياء
والله انك صادق لازم الواحد يفكر مية مرة لكن اللي قدها يدخل وإن شاء الله نتوفق....
ومشكور على مواضيعك المميزه..

[Queenito]

شكرا ع النصيحة ^_^
والله يوفقك و يوفقنا =)

[SoSoooo B]

الله يعطيك العافية يارب ونشوفك احسن دكتور في البلد منجد للاسف في ناس كترين يدخلو طب بس عشان سمعة مو عشان انها مهنة شريفة الله يوفقك يارب :)

[نت فتو نت]

كلامك ميه ميه

وبعدين دراسه الطب بالانجليزي
<<<يعني زي السنه التحضيريه

[sultanooh]

موضوعك جاء على الجرح

فعلاًانا افكر في الطب لكني احس اني راح اطفش منه بعد كم سنة تخصص

الصراحة انا اميل للحاسب ونفسي في الحاسب

لكني ابغى اكسب شغلتين يعني الحاسب يمديني اتعلم بنفسي
اما الطب صعب اتعلمه بنفسي لازم اتعلمه في الجامعة

فمثلاً أكون عندي مهنتين طب وحاسب تكوووون جيدة وكمان اضيف عليها تجارة اذا صار عندي فلوس تصير 3 مهن شيء جيد

اما اني ادخل حاسب وانا يمديني اتعلم حاسب خارج الجامعة فبكذا راح تكون مهنتي واحدة وهي حاسب وراح اخسر مهنة ممكن تزيد من رصيدي البنكي الى عشرات الآلاف

لحد يقول لحد يفكر بالفلوس بالتاكيد احنا مانشتغل الا ونبغى فلوس
مافي طبيب يشتغل ببلاش

ويحق لاي طالب يدخل طب ان يتفاخر ويكسب سمعة هذا من حقه الشرعي وبالتوفيق للجميع

انا إن شاء الله بحط طب في اول اختيار اذا مامشت الامور والحمدلله على كل حال ممكن افكر في الهندسة او حاسب

[мαѕooяy]

آهلين د، عبد الرحمن ...
آنت لو تلآحظ اعداد الطلاب والطآلبآت كل سنه تزيد رغبة ً في الطب ..
وللأسف في كثير يندموآ ... الطب الوآحد يكون هآوويه من زمآن
مو علشآن شفت دكتوره فلانيه عجبتني آبغى آكون زيهآ والا علشآن آهلي غصبوني
الطب جدا حلوووـآ لكن للي يتحمل آنو ينسى الدنيآ ويخلي حيآته كلهآ مذاكره في مذآكره
وطبعآ مذآكره بقلب لانوآ بكره رح يصير مسئؤوول آمآم الله على كل حاله رح تيجيه

كلامك جدآ ً صحيح ونصيحتكـ رآئعه ,,
اللي قد الطب الله يسهل عليه ومن الحين يتعب علشآنه .../ الطب حلو وشريف على قولتكـ
بالتوفيق للكل ,

[فاااصل]

طبعن الطب والهندسه ماتقدر تقارنها بجنب السنه التحضيريه

أصلن مافيه مقارنه وبذات الطب (السنه التحضيريه دلع بالنسبه للطب)

الطب يبغاله شغل كثيييييير ولغه ومو اي لغه لازم تكون متمكن في اللغه

الواحد يفكر كثيييييير قبل مايدخل اي شي عشان مايضيع سنه او سنتين على الفاضي ويتحطم نفسيا

لكن اللي عنده طموووووووووح وهدف معين راااااح يوصل لهدفه مهما كان

[حلا الحلوه]

أهلين اخوي

اولا الله يعينك وانت اكيييييييد قدها وقدود

ثانيا بالنسبه لدرجاتي الماث احسن من الاول حمد لله a+ بس مو فل مارك

الاختبار كان سهل مع انو لو تشوف درجات البنات شي يحطم 

الفيزيا لسى مانزلت الدرجات بس احس أني حليت والاختبار كان مررررره سهل

مع انو البنات يقولو أصعب من الاول<<<احس نفسي عكس الناس لمن الناس تحل انا اخبص ولمن الناس تخبص انا احل

بالنسبه لدخول الطب انا لو حادخل بس عشان بابا وماما

بس عشان أرضيهم وارضي نفسي يمكن تغذيه اكلينيكيه

[n3omh]

ادعووولي ادخل طب اورام سرطانيه

والله شاده حيلي وزيادة

الله لا يضيع ليا تعب