شرح قاعدات 5 و6 و7 لفل 3

[سندس الخريف]

السلام عليكم



....
والله مرا خايفه ..انا لفل 3 ..
ماني فاهمه قاعدات يونت 5 و 6 و 7

الله يجزاكم خير ساعدوني مرا شايله هم من الظهر وانا اذاكر ..
انا عندي الانقلش مرا سيء ,,

[سندس الخريف]

مافي احد والله ابكي =(

[~The pearl~]

up up up

[سندس الخريف]

صفحه 134 و 135 و137

مرا محتاجتهم الاختبار مو باقي عليه شيء
ساعدوني

[تووتـــــــــة]

هههههههههاي والله انا لسه مابدأت اسااااااسا
شكلي بروح الاختبار كدا زي لفل تو من قوة الشطاااره
<<< مو كل مره تسلم الجرة هع

[فتاة الصمت]

انا بداكرهم وراجع

ان شاء الله اقدر افهمك كويس

<<< اذا فهمت خخخ

بالتوفيق حبيبتي ..

[!..RahoOofa..!]

unit 5

انا ححاول اشرحلك ان شاء الله بس تفهمي منيي
اول شي صفحة 134

5.1

1- اول شي بيشرحلك لمن تكوني تبغي حاجا مثلا ابغا ادرس ابغا اشتري سيارة
* I want to study
*I want to buy a car
الفكرة انو بعد كلمة want تحطي to ولازم لازم لازم الفعل اللي بعد تكون يكون في صيغتو العادية يعني ماتكون لا ماضي ولا تصريف تالت ولا تضيفي s للفعل حتى لو كان بداية الجملة ( he , she , it )
زي she wants to study
وبيوضحلك انو يمديكي تستخدمي كلمة I would like وهيا نفس معنى I want ..
بس انتبهي الفرق بين i would like و i like
لانو I like معناها انو انا يعجبني او انا احب وتنفع تكتبيها بصيغتين
* I like going out at weeknds
* I like to go out

---------
2-
بيشرحلك انو ماينفع فعلين يجو ورا بعض الا ولازم تغيري الفعل التاني وتضيفي عليه Ing
--------
3-
شرحتلك فوق انو الفعلين لمن يجو مع بعض ياما الفعل التاني تضيفي Ing أو تحطي to وتخليه في المصدر
I love working as a teacher
i love to work ...atc
-------
4- دحين انا قولتلك انو to دايما الفعل اللي بعدها يجي في المصدر بس ف استثناءات
شوفي مثلا الجمل دي
I am looking forward to having more free time
I am looking forward to hearing from you
I look forward to meeting you next week

---------------
5.2
هادي برضو شرحتلك هيا الفرق بين would like و like
---------------
5.3
بيشرحلك متى تستخدمي will و going to
طبعا الاتنين تستخدميهم لمن تتكلمي عن فعل حيصير في المستقبل .. تقريبا مافي فرق بين الاتنين
والفعل اللي يجي بعدو لازم يكون في المصدر يعني مو ماضي ولا تصريف تالت .. الخ
وفي ملاحظة انو I will not = اختصارها I wont

[ميشو555]

5.3
بيشرحلك متى تستخدمي will و going to
طبعا الاتنين تستخدميهم لمن تتكلمي عن فعل حيصير في المستقبل .. تقريبا مافي فرق بين الاتنين
والفعل اللي يجي بعدو لازم يكون في المصدر يعني مو ماضي ولا تصريف تالت .. الخ
وفي ملاحظة انو I will not = اختصارها I wont


حابه اضيف تعليق انو الفرق بين will و going to انو \
الاولى بتقوليها لما تعرفي بالخبر فجأه يعني مو مخططه من قبل انك تسوي الشي هذا
والثانيه بتقوليها لما تكوني مخططه انو تسوي دي الشغله
إحنا كذا شرحتلنا استاذتنا واعتقد انها صحيحه :) :)

وبالتوفيق يارب>>>>كلو يهون جمب الرايتينق

[!..RahoOofa..!]

unit 6 page 135
6.1
هنا بيشرح انتي تستخدمي كلمة like لمن تبي تسالي عن حاجا وتبغي الطرف التاني يوصفلك عنها لاحظي انها بس تيجي في السؤال
* what is his father like ? توصفي الاب وتقولي هوا عصبي احيانا ..الخ
* what is jeddah like ? توصفي جدة بانها حارة وفيها رطوبة مليانة
تقوليلي كيف افرق بين سؤال الوصف او لمن تسالي دا الشخص ايش يعجبو وايش يحب
اول شي انو لمن تبغي تسالي ايش يحب ماتيجي مع verb to be لا تكون مع does او do
what does she like ?!
يعني ايش تحب
وهنا في السؤال والجواب تستخدمي كلمة like مثلا she likes painting
مو زي اللي فوق توصفي و بس ..

[!..RahoOofa..!]

المشاركة الأصلية كتبت بواسطة ميشو555 5.3 بيشرحلك متى تستخدمي will و going to طبعا الاتنين تستخدميهم لمن تتكلمي عن فعل حيصير في المستقبل .. تقريبا مافي فرق بين الاتنين والفعل اللي يجي بعدو لازم يكون في المصدر يعني مو ماضي ولا تصريف تالت .. الخ وفي ملاحظة انو I will not = اختصارها I wont حابه اضيف تعليق انو الفرق بين will و going to انو \ الاولى بتقوليها لما تعرفي بالخبر فجأه يعني مو مخططه من قبل انك تسوي الشي هذا والثانيه بتقوليها لما تكوني مخططه انو تسوي دي الشغله إحنا كذا شرحتلنا استاذتنا واعتقد انها صحيحه :) :) وبالتوفيق يارب>>>>كلو يهون جمب الرايتينق

ايوا هيا صحيحة تماما كمان مذكورة في الكتاب .. بس انا بقول عشان في كتير جمل ماتفرق لو حطيتي الاتنين كمان في الاختبار مستحيل يخيرك بين will , going to عشان كدا ماشرحتها
على العموم شكرا علتعقيب