شوركم وهدايت الله

[developer]

السلام عليكم ورحمة الله وبركاتة
اخواني حبيت اني استشيركم في موضوع وهذا الموضوع بصراحة هو مستقبل العمر .
اخواني زوجتي تم قبولها بالبعثة الدفعة الرابعة والحمد لله وانا المرافق وانا حالياً موظف حكومي ومنتسب في جامعة الملك عبد العزيز وهذي السنة الاولى تحضيري وعمري 29 سنة , علماً ان العمل رفض إعطائي إجازة من غير راتب يعني يا الوظيفة يالبعثة فما رايكم هل اجلس في الوظيفة واكمل إنتساب واكسب خبرة ام اقدم استقالة واتوكل على الله واروح ادرس علماً اني رغبتي الدراسة

[AbO FahaD]

ماحد يدرس ويندم ان شاء الله

والرزق بيد الله

انا رأئي تروح مع زوجتك وتدرس وتجيب الشهادة وبعدها باذن الله بتنفتح في وجهك


واهم شيء قبل تستشير استخير

[northstar]

اممممممممم
استخير وربي يوفقك

[AbO FahaD]

سؤال يالغالي انت الان موظف بالثانوي؟؟؟

اذا ايه شوف كم راتبك الان واحسبها صح

[majed99]

اذا انت راغب بالدراسه فتوكل على الله

واستخير ربك

[الشــامخ]

انا اشوف انك تمسك وظيفتك .. لان الوقت هذا قليل فيه الوظائف ..!! هذا شئ
والشئ الثاني لو جبت شهاده يعني ايش راح تصير ..!!
والاعضاء الي يقولون اطلع وكمل دراسه .. يقيسونها على انفسهم .. شباب صغار في السن ومافيه عندهم التزمات واهلهم يدفعون له مصروفهم ..!! ولكن انت بذمتك زوجه وبيت وملزم فيهم
طبعا هذا رائيي ..يجوز هناك ناس مخالفه له .. ولكن هذي وجهة نظري

[قلب البحار]

ماخاب من استخار

[عاشق الفهد]

انا رأي مع اخوي الشامخ ترى المتزوج مو زي العزوبي هناك التزامات وترك الوظيفة تعتبر مغامرة

[سوار العسل]

أخي ديفيلوبر اللي أعرفه المرافق سواءًا دراسة أو علاج فيه قانون ُيلزم جهة العمل تعطيك إجازة و طبعًا بدون راتب ، و أنا أشوفها فرصة لغة و دراسة و جات لعندك استغلها و إذا ما أعطوك إجازة بتلقى نفسك إذا رجعت ما تبغى تشتغل عندهم (: و أهم شيء استخير .
و موفق .

[ظل الياسمين]

صح حتى أنا سامعة إنهم يعطونك إجازة من دون راتب
أما عن رأيي بالموضوع فأنا أقول تستخير والله يوفقك انت وزوجتك

والله ما ألومك ( وظيفة ) و ( دراسة )
شيء صعب
بس مادام رغبتك تكمل دراستك ,, توكل على الله
بس ترى المرافق ما يآخذ إلا لغة
وإلي سمعته يقدر بعد يدرس بس لازم قبول من هنا ,, قبل السفر
ضبط أمورك
وشاور ناس مروا بنفس الموقف
وادخل منتدى ( مبتعث ) رح يساعدونك هناك أكيد


سوري طولت بالكلام
بالتوفيق